திண்டுக்கல் ஏப்.18-–
நாட்டின் தொகுதி மறுவரையறை தொடர்பாக ஒன்றிய பாஜக அரசு கொண்டு வந்திருக்கிற மசோதாவிற்கு எதிராக தமிழ்நாடு முதலமைச்சர் மு.க.ஸ்டாலினுக்கு வருகிற கோபம், தமிழ்நாட்டின் ஒவ்வொரு தமிழனுக்குமான கோபம் என்று மதுரை மக்களவை உறுப்பினர் சு.வெங்கடேசன். எம்.பி. பேசினார்.
செவ்வாய்கிழமை பேருந்து நிலையம் அருகில் பழனி தொகுதி சிபிஎம் வேட்பாளர் என்.பாண்டிக்கு ஆதரவாக நடைபெற்ற வாக்கு சேகரிப்பு கூட்டத்தில் கலந்து கொண்டு சிறப்புரையாற்றிய அவர் மேலும்பேசியதாவது.
முதலமைச்சர் ஒரு அறிக்கை வெளியிட்டுள்ளார். ஒன்றிய அரசின் அறிவிப்பு நாட்டையே பதட்டமடையச் செய்துள்ளது. இதனைக் கண்டித்து தான் முதல்வர் இவ்வாறு அறிக்கை வெளியிட்டுள்ளார். இவ்வளவு கோபத்தோடு தமிழக முதல்வர் இந்த 5 ஆண்டில் வேறு அறிக்கை வெளியிட்டு இருக்க மாட்டார் என்று நினைக்கிறேன். அவர் வெளியிட்டு இருக்கிற அந்த அறிக்கையில் இருக்கிற கோபம், ஒரு கட்சியினுடைய தலைவருக்கு, ஒரு முதலமைச்சருக்கான கோபம் அல்ல. தமிழ்நாட்டில் இருக்கிற ஒவ்வொரு தமிழனுக்கும் வரவேண்டிய கோபம் என்பதை நான் சுட்டிக்காட்ட விரும்புகிறேன். நாளைய மறுதினம் நாடாளுமன்றத்தினுடைய கூட்டத்துடன் நடைபெற இருக்கிறது.
பெரிய மாநிலங்களான தமிழ்நாடு மற்றும் மேற்கு வங்காளத்திலும் தேர்தல் நடக்கிற பொழுது மக்களவை உறுப்பினர்கள் மாநிலங்களவை உறுப்பினர்கள் அந்த மாநிலத்திலே தேர்தல் பிரச்சாரத்தில் ஈடுபட வேண்டாமா? மக்களை சந்திக்க வேண்டாமா? அப்படி இருக்கிற பொழுது இவ்வளவு அவசரமாக இந்த கூட்டத் தொடரை ஏன் நடத்த வேண்டும் . தேர்தலுக்குப் பிறகு 29 ஆம் தேதிக்கு பிறகு அந்த கூட்டத்தை நடத்தலாம் என்று எதிர்கட்சி எம்.பி.க்கள் எல்லோரும் சொல்லிப் பார்த்தோம். மோடி கேட்கவில்லை.
தமிழ்நாட்டுக்கெதிராக அநீதிகள் இழைத்த மோடி!
இந்தியாவில் அவரை உறுதியுடன் எதிர்க்கிற 2 முக்கியமான மாநிலங்கள் தமிழ்நாடு மற்றும் மேற்கு வங்கங்கம். இந்த மாநிலங்களில் எல்லாம் எந்தெந்த வகையில் எல்லாம் அநீதி இழைக்க முடியுமோ அந்த வகையில் எல்லாம் அநீதிகள் இழைக்கப்பட்டுவிட்டாச்சு. இந்த மாநில எம்.பி.க்கள் பாராளுமன்றத்திற்கு வந்தால் என்ன? வராவிட்டால் என்ன ? என்பது மட்டுமல்லஇ தமிழ்நாட்டின் மக்களவை உறுப்பினர்கள் தமிழ்நாடு புதுச்சேரியைச் சார்ந்த 40 உறுப்பினர்களும் பாராளுமன்த்திற்குப் போனால் இங்கே தேர்தல் வேலை பாதிக்கப்பட்டால். அது பாஜகவிற்கு நல்லது என்று நினைக்கி றார். ஒருவேளை தேர்தல் வேலை பாதிக்கப்படக்கூடாது என்று நாங்கள் எல்லாம் இங்கே தேர்தல் வேலை பார்த்தால்இ அங்கே வாக்கெடுப்பில் கலந்து கொள்ள முடியாது. எனவே மோடி வெற்றி பெற முடியும் என்று நினைக்கிறார். அவர் கண்ணில் மண்ணைத் தூவுவதல்ல. அவர் கனவை அடியோடு நிறுத்துவது தான் திமுக தலைமையிலான இந்த கூட்டணியினுடைய ஒவ்வொரு எம்பிக்களினுடைய பணி.
அரசியல் சாசனத்தை சிதைக்க தீவிரம்!
நாளைய மறுதினம் அரசியல் சாசன சட்டத்தில் ஒரு திருத்தம் செய்யப் போகிறார்கள். நமது அரசியல் சாசனத்தின் பன்முகத் தன்மையை பார்த்தாலே அண்ணலின் பங்குக்கு இணையான பங்கு வேறு யாருக்கும் இல்லை. உலகத்தில் இப்படி ஒரு அரசியல் சாசனம் கிடையாது உலகத்தில் கிடையாது. அந்த அரசியல் சாசனத்தை எப்படியாவது குழைத்து விட வேண்டும், மாற்றிவிட வேண்டும், அழித்துவிட வேண்டும், சிதைத்து விட வேண்டும் என்று 24 மணி நேரமும் பாஜகவும், சங் பரிவார கும்பலும் செயல்பட்டுக்கொண்டிருக்கிறார்கள். இந்தியாவில் வாழும் 140 கோடி மக்களும் இந்த அரசியல் சட்டம் எனக்காக சட்டம். இது எனக்கான தேசம். இது எனக்கான உரிமை இது என்று நம்புகிற ஒரு அச்சாணி அரசியல் சாசனம்.
உலகத்தில் எந்த அரசியல் சாசனம் இதற்கு நிகர் கிடையாது . எனவே தான் அண்ணல் அம்பேத்கருடைய இன்றைய பிறந்த நாளிலே இந்த அரசியல் சாசனத்தை சிதைக்கிற வேலையை பாஜக கும்பல் செய்கிறது. 131 வது சட்ட திருத்தத்தை நாடாளுமன்றத்தில் அறிமுகப்படுத்தப் போகிறார்கள் . அது என்ன ? ஏற்கனவே பெண்களுக்கு சட்டமன்ற நாடாளுமன்றத்தில் 33 சதவிகித இட ஒதுக்கீட்டை கொடுக்கிற அரசியல் சாசன சட்ட திருத்தம் 13வது சட்ட திருத்தம் ஏற்கனவே நாடாளுமன்றத்தில் நிறைவேற்றப்பட்டதுஇ முடிந்துவிட்டது. இப்பொழுது மகளிர் பெண்கள் திருத்தம் என்ற பெயரில் ஒரு சட்ட திட்டத்தை கொண்டு வர இருக்கிறார்கள் . உண்மையில் பெண்களுக்கான இட ஒதுக்கீடு சம்பந்தப்பட்ட பிரச்சனை அல்ல. அது ஏற்கனவே முடித்து விட்ட து. இப்பொழுது பிரச்சனைஅதுவல்ல.
தமிழ்நாட்டின் தலையில் தொங்கிக் கொண்டிருக்கிற கத்தியை தமிழ்நாட்டின் .கழுத்தில் இறக்குகிற பிரச் சினை. தென்னிந்தியாவின் தலையிலே தொங்கிக் கொண்டிருக்கிற கத்தியை தென்னிந்தியாவின் கழுத்திலே இறக்குகிற பிரச்சினை. கடந்த 50, 60 ஆண்டு காலம் குடும்ப கட்டுப்பாடு திட்டத்தை சிறப்பாக நிறைவேற்றியது மூலம் மக்கள் தொகையின் விகிதத்தை கட்டுக்குள் வைத்து இருக்கிறது . உத்தர பிரதேசம், மத்திய பிரதேசம்இ ராஜஸ்தானம் ஆகிய ஹிந்தி பேசுகிற மாநிலங்களில் மக்கள் தொகை இரண்டு மடங்கு தாண்டி நிற்கிறது.
காலனி நாடுகளாக தென் மாநிலங்கள்!
ஏறக்குறைய அரசியல் அனாதையாக தென்னிந்திய மாநிலங்கள் மாறும். நீங்கள் என்ன வேண்டுமானாலும் கத்திக்கொள்ளுங்கள், ஆனால் நாங்கள் கொண்டு வருகிற எந்த மசோதாவையும் நிறைவேற்ற தமிழ்நாட்டு எம்.பி.க்கள், தென்னிந்திய எம்.பி.க்கள் தேவையில்லை. என்று அவர்கள் வேலையை அதிகாரப்பூர்வமாக செய்ய அவர்கள் துணிந்து விட்டார்கள். ஓற்றை இந்தியாவுக்குள் காலனி நாடுகளாக தென்னிந்திய மாநிலங்கள் மாறுகிற அபாயம் உள்ளது.
முதல்வர் ஸ்டாலின் விடுத்துள்ள அறிக்கையில் 1950, 60களில் என்ன போர்க்களத்தை தமிழ்நாடு சந்தித்ததோ அதை போன்ற ஒரு போர்க்களத்தை நீங்கள் சந்திப்பீர்கள் என்று சொல்லி இருக்கிறார். 70 ஆண்டுகாலம் எங்கள் முன்னோர்கள் இந்த மண்ணில் ஒன்றிய அரசுக்கு எதிராக நடத்திய போராட்டங்களால் தான் இந்தியாவின் மிகச் சிறந்த மாநிலமாக தமிழ்நாட்டை மாற்றி வைத்திருக்கிறோம். தமிழ்நாட்டின் முன்னேற்றத்தில் திமுக தலைமையிலான கூட்டணி யில் பங்கு வகிக்கு அனைத்துக் கட்சிகளுக்கும் அதில் பங்கு உள்ளது. ஆனால் தமிழ்நாட்டின் நலனுக்காக எந்த பங்கையும் செலுத்தாத ஒரு கட்சி இருக்கிறது என்றால் அது பா.ஜ.க. தான்.
தோழர் பாண்டிக்கு வாக்களியுங்கள் என்று நாங்கள் கேட்பது பாண்டிக்காக அல்ல. பழனிவாழ் வாக்காள பெருமக்களுக்காக. எனவே இங்கே 70 ஆண்டு காலம் தமிழ்நாட்டை இவ்வளவு சிறப்பாக வளர்ந்து வைத்த தமிழ்நாட்டின்பிரதிநிதித்துவத்தை , முடக்குகிற வேலையை பாஜக செய்திருக்கிறது.
பா.ஜ.க.வின் இந்த செயலை எடப்பாடி பழனிச்சாமி ஆதரிக்கிறார். தொகுதி மறு வரையறை மசோதாவில் தமிழ்நாட்டின் பிரதிநிதித்துவம் எந்த வகையிலும் மாற்றம் செய்யப் படமாட்டாது என்று சொன்ன மோடியின் வாக்குறுதிகள் என்னாயிற்று. தொகுதி மறுவரையறை குறித்து ஆணையம் தான் இறுதி முடிவெடுக்கும். உச்சநீதிமன்றமும் கூட இதில்தலையிட முடியாது. ஆணையத்தின் முடிவே இறுதியானது என்று சொல்லியிருக்கிறார்கள். அந்த ஆணையத்திற்கு எதிராக நாம் நீதிமன்றத்தை நாட முடியாது. எனவே பாஜக ஒன்றிய அரசு தமிழ்நாட்டுக்கும், தென்னிந்தியாவிற்கும் எதிராக ஒரு மிகப்பெரிய அநீதியை இழைத்திருக்கிறது. இதற்கெதிராக தமிழ்நாடும், தென்னிந்தியாவும் மாறும். நுடைபெற இருக்கிற சட்டமன்றத் தேர்தல் அந்த போராட்டத்திற்கு எதிரான இன்னொரு களமாக மாறும். இந்த சட்டமசோதாவிற்கு எதிராக நானும், திண்டுக்கல் எம்.பி. சச்சிதானந்தமும், திமுக எம்.பி.க்கள் நாடாளுமன்றத்தில் மிக வலிமையாக குரல் கொடுப்போம் என்று சு.வெங்கடேசன் எம்.பி. பேசினார்.
தென்காசி மாவட்டம் தென்காசி சட்டமன்றத் தொகுதி மதச்சார்பற்ற முற்போக்கு கூட்டணி கழக வெற்றி வேட்பாளர் மரு.கலை கதிரவன் கீழப்பாவூர் மத்திய ஒன்றியம் துவரங்காடு கிராமத்தில் பிரச்சாரத்தை முன்னாள் தென்காசி தெற்கு மாவட்ட செயலாளர் பொ.சிவபத்மநாதன் தலைமையில் ஒன்றிய பொறுப்பாளர்கள் சேசுராஜன், சுப்பிரமணியன்,கோமதிநாயகம் ஆகியோர் முன்னிலையில் துவக்கி தெருத் தெருவாக சென்று கழக அரசின் சாதனைகளை எடுத்துக் கூறி உதயசூரியன் சின்னத்திற்கு தீவிரமாக வாக்கு சேகரித்தார்.
undefined