திண்டுக்கல்,ஏப்.-18–
நிலக்கோட்டை தொகுதி கழக வெற்றி வேட்பாளர் எஸ்.நாகஜோதியை ஆதரித்து அமைச்சர் ஐ.பெரியசாமி அவர்கள் கடந்த இரண்டு நாட்களாக தீவிரமாக பிரச்சாரம் செய்து, உதயசூரியன் சின்னத்திற்கு வாக்குகள் சேகரித்தார். இராஜதானிக்கோட்டை, விராலிப்பட்டி, பழைய வத்தலக்குண்டு, வத்தலக்குண்டு காளியம்மன் கோவில், எஸ்.வாடிப்பட்டி, பட்டிவீரன்பட்டி பகுதிகளில் அமைச்சர் ஐ.பெரியசாமி பிரச்சாரம் செய்யும்போது கிராம மக்கள் தங்கள் வாக்கு உதயசூரியன் சின்னத்திற்கு என உறுதி அளித்தனர்.
நிலக்கோட்டை சட்டமன்ற தொகுதிக்கு உட்பட்ட இராஜதானிக்கோட்டை, விராலிப்பட்டி, பழைய வத்தலக்குண்டு, வத்தலக்குண்டு காளியம்மன் கோவில், எஸ்.வாடிப்பட்டி, பட்டிவீரன்பட்டிக்கு வந்தபோது கிராம மக்கள் ஆரத்தி எடுத்து மலர்தூவி உற்சாக வரவேற்பு அளித்தனர். அப்போது பொதுமக்கள் மத்தியில் பேசிய அமைச்சர் ஐ.பெரியசாமி அவர்கள் கடந்த 5 ஆண்டுகளாக தமிழகத்தில் திராவிட மாடல் ஆட்சி நாயகர் கழகத்தலைவர் மு.க.ஸ்டாலின் அவர்கள் தலைமையில் அமைந்த ஆட்சி பெண்களின் முன்னேற்றத்திற்காக ஆட்சியாக செயல்பட்டது. மகளிர்உரிமைத்தொகை, காக்கும் கரங்கள், புதுமைப்பெண் திட்டம், விடியல் பயணம், இல்லம் தேடி மருத்துவம், போன்ற திட்டங்களை செயல்படுத்தியதால் பெண்கள் போற்றும் ஆட்சியாக தமிழகத்தில் இன்றுவரை தி.மு.க. ஆட்சி உள்ளது. நிலக்கோட்டையில் மகளிருக்கான கலைக்கல்லூரி, விவசாயிகள் நலன் காக்க சிறுமலை நீர்த் தேக்கம், நிலக்கோட்டை மக்களுக்கு அணைப்பட்டி பேரணையிலிருந்து குடி தண்ணீர், மருதாநதியிலிருந்து சேவுகம்பட்டி குடி தண்ணீர் கொண்டுவந்தது, தி.மு.க. அரசு என்றார். இப்போது மகளிருக்கு தேர்தல் அறிக்கையில் ரூ. 8 ஆயிரத்திற்கான கூப்பன் வழங்கப்பட உள்ளது. ஏன் முதல்வர் மகளிரிடம் அந்த கூப்பன்களை வழங்க வேண்டுமென உத்திரவு போட்டிருக்கிறார் என்றால், மகளிர்தான் குடும்ப சூழ்ந்து உணர்ந்து சிக்கனமாக செலவு செய்வார்கள். தங்களுக்கு வேண்டிய வீட்டு உபயோகப் பொருட்களை மட்டும் வாங்குவார்கள் என்றார். அப்போது அங்கு கூடி
யிருந்து நூற்றுக் கணக்கான பெண்கள் மகிழ்ச்சியில் தை தட்டிதங்களது ஓட்டு உதயசூரியனுக்கே. மீண்டும் தமிழக முதல்வராக ஸ்டாலின் அண்ணன்தான் அவர்கள்தான் வருவார்கள் என்றார்கள். நான் எப்போது சொன்ன வார்த்தையை காப்பாற்ற வேண்டுமென்று உறுதியான மனநிலையில் இருப்பவன். உங்களுக்கு ஒன்றை மட்டும் சொல்கிறேன். நிலக்கோட்டை தொகுதியில் தி.மு.க.வேட்பாளர்
எஸ்.நாகஜோதி அதிக ஓட்டு வித்தியாசத்தில் மாபெரும் வெற்றி பெற்று உங்களின் குறைகளை கேட்டறிந்து அதை நிவர்த்தி செய்வார். அதற்கு நீங்கள் வாக்களிக்கவேண்டிய சின்னம் உதயசூரியன், உதயசூரியன், உதயசூரியன் என்றார். தேர்தல் பிரச்சாரத்தில் திண்டுக்கல் கிழக்கு மாவட்ட தி.மு.க. துணைச் செயலாளர் ஆர்.நாகராஜன், நிலக்கோட்டை தொகுதி பொறுப்பாளர்கம்பம் பாண்டியன், தி.மு.க.ஒன்றிய செயலாளர் கே.பி.முருகன், கனகதுரை, கனிக்குமார், பேரூர் கழக செயலாளர்கள் சின்னத்துரை, சேவுகம்பட்டி தங்க ராஜ், பட்டிவீரன்பட்டி அருண்குமார், பேரூராட்சி மன்ற தலைவர்கள் வனிதா தங்கராஜன், சிதம்பரம், தி.மு.க. நிர்வாகிகள் ரெக்ஸ், சக்திவேல் நாகஜோதி, திண்டுக் கல் மாநகர வர்த்தகர் அணி துணை அமைப்பாளர் வெங்கடேஷ் உட்பட தி.மு.க. நிர்வாகிகள் பலர் கலந்து கொண்டனர்.