திரு.வி.க நகர் சட்டமன்றத் தொகுதி தேர்தல் பொறுப்பாளர் மேயர் பிரியா ராஜன், தாயகம் கவி எம்.எல்.ஏ, தண்டலம் கிருஷ்ணமூர்த்தி, மாணவரணி துணை செயலாளர் தமிழ் க.அமுதரசன், தெற்கு பகுதி கழகச் செயலாளர் எம். சாமிகண்ணு மற்றும் வட்டப் பொறுப்பாளர் பா.பி. தாஸ் ஆகியோர் முன்னிலையில் மதச்சார்பற்ற முற்போக்கு கூட்டணி கட்சித் தோழர்கள், இளைஞர் அணியினர், மகளிர் அணியினர் மற்றும் கழக நிர்வாகிகள் உள்ளிட்டோர் பெருந்திரளாகக் கலந்துகொண்டு 75(அ) வட்டத்திற்கு உட்பட்ட பகுதிகளில் உதயசூரியன் சின்னத்திற்குத் தீவிரமாக வாக்கு சேகரித்தனர்.இரவிச்சந்திரன் அவர்கள், கடந்த 5 ஆண்டு கால திமுக ஆட்சியில் திரு.வி.க நகர் தொகுதியில் நிறைவேற்றப்பட்ட புதிய பள்ளி கட்டிடங்கள், ஆரம்ப சுகாதார நிலையங்கள், விளையாட்டுத் திடல்கள் மற்றும் அடுக்குமாடி குடியிருப்புகள் உள்ளிட்ட மகத்தான வளர்ச்சித் திட்டங்களை எடுத்துக்கூறி ஆதரவு திரட்டினார். வழிநெடுகிலும் திரண்ட பொதுமக்கள், வேட்பாளருக்கு ஆரத்தி எடுத்தும் மலர் தூவியும் எழுச்சியுடன் வரவேற்பு அளித்தனர். “மறவாதீர்! ஸ்டாலின் தொடரட்டும்.. திரு.வி.க. நகர் வெல்லட்டும்!” என்ற முழக்கங்களுடன் கழக உடன்பிறப்புகள் வாக்கு சேகரிப்பில் ஈடுபட்டனர்.