திருவள்ளூர், ஏப்.20–
திருவள்ளூர் மாவட்டம் பொன்னேரியில் மதச்சார்பற்ற முற்போக்குக் கூட்டணி தேர்தல் பொதுக்கூட்டத்தில் ராகுல் காந்தி பங்கேற்று பேசியதாவது:–
தமிழ்நாட்டு மக்களோடு எனவு உறவு மேம்பட்டு இருக்கிறது -.
எனது இதயத்தில் தமிழ்நாட்டு மக்களுக்கு தனி இடம் உள்ளது.
நாடாளுமன்றத்தில் தமிழ்நாட்டின் பிரதிநிதித்து வத்தை குறைக்க வேண்டும் என்பதுதான் பாஜகவின் முக்கிய நோக்கமாக உள்ளது. பாஜகவின் சதித்திட்டத்தை நாடாளுமன்றத்தில் நேற்று முறியடித்து ள்ளோம் .
பாஜகவின் தொகுதி மறுவரையறை மசோதாவை எதிர்க்கட்சியினர் ஒன்றிணைந்து முறியடித்தோம். மகளிர் இடஒதுக்கீடு என்ற பெயரில் தொகுதி மறுவரையறை மசோதாவை தாக்கல் செய்தனர்.
பாஜகவும், ஆர்எஸ்எஸ் அமைப்பும் இந்தியாவின் பன்முகத்தன்மையை சீர்குலைக்க முயற்சிக்கின் றன. தமிழ் மொழி, தமிழர்களின் கலாச்சாரம், தமிழின் வரலாற்றை பாஜகவினர் அழிக்க முயற்சிக்கின்றனர்.
தமிழ்நாட்டை டெல்லியிலிருந்து ஆள வேண்டும் என்பதுதான் பாஜகவின் நோக்கம் ; அதற்கு ஒருபோதும் இடம்கொடுக்கக் கூடாது
பாஜகவும், ஆர்.எஸ்.எஸ். அமைப்பும் தமிழினத்திற்கு எதிரானவர்கள்.
பாஜக-ஆர்எஸ்எஸ் சதித்திட்டங்களை திமுகவும், கூட்டணிக் கட்சிகளும் முறியடித்து வருகின்றன.
சட்டமன்றத் தேர்தலில் மதச்சார்பற்ற முற்போக் குக் கூட்டணி வேட்பாளர்கள் அனைவரும் வெற்றி பெற வேண்டும்.
மோடி, அமித்ஷா உத்தரவை செயல்படுத்தும் ஒருவரை தமிழ்நாட்டின் முதலமைச்சராக்க பாஜக நினைக்கிறது.
தமிழ்நாட்டின் எதிர்காலத்தை டெல்லிதான் தீர்மானிக்கவேண்டும் என்று பிரதமர் மோடி விரும்புகிறார்.
தமிழர்கள் யார் என்பதை பாஜக புரிந்து கொள்ளவில்லை.
டிரம்பிடம் மோடி சரண்டைந்தது போல், டெல்லியிடம் சரணடையும் முதலமைச்சர் வேண்டும் என்று பாஜக விரும்புகிறது.
தமிழ்நாட்டில் அ.தி.மு.க.வை முற்றிலுமாக அழித்து விட்டது பா.ஜ.க.
தற்போதுள்ள அ.தி.முக. என்பது பாஜகவின் முகமூடி.
சமூகநீதி கொள்கைகள் மற்றும் பெரியாரின் சித்தாந்தங்களை பாஜக அழிக்க முயற்சிக்கிறது.
இவ்வாறு ராகுல் காந்தி பேசுகையில் குறிப்பிட் டார்.