கீழ்பென்னாத்தூர், ஏப்.20–
கீழ்பென்னாத்தூர் சட்டமன்றத் தொகுதியில் மதச்சார்பற்ற முற்போக்கு கூட்டணி வேட்பாளர் கு. பிச்சாண்டி அவர்கள் துரிஞ்சாபுரம் மேற்கு ஒன்றியத்திற்குட்பட்ட காரியந்தல், மருத்துவம்பாடி, மருத்துவம்பாடி ஆதிதிராவிடர் குடியிருப்பு, முனியப்பந்தாங்கள், வடபுழுதியூர், புது நெல்லிமேடு, நார்த்தாம்பூண்டி ஆதிதிராவிடர் குடியிருப்பு, நார்த்தாம்பூண்டி உள்ளிட்ட கிராமங்களில் பொதுமக்களை நேரில் சந்தித்து தீவிர வாக்கு சேகரிப்பில் ஈடுபட்டார்.
பிரச்சாரத்தின் போது அவர் பேசுகையில், கடந்த ஐந்து ஆண்டுகளில் திமுக அரசு தமிழக முதல்வர் மு.க. ஸ்டாலின் அவர்களின் தலைமையில் செயல்படுத்தப்பட்ட பல்வேறு மக்கள் நலத்திட்டங்கள் மற்றும் சாதனைகளை எடுத்துரைத்தார். மேலும், “ஸ்டாலின் தொடரட்டும் – தமிழ்நாடு வெல்லட்டும்” என்ற தாரக மந்திரத்தை அனைவரும் ஏற்றுக்கொண்டு, உதயசூரியன் சின்னத்தில் வாக்களித்து பெருவாரியான வாக்கு வித்தியாசத்தில் வெற்றி பெறச் செய்யுமாறு கேட்டுக் கொண்டார்.
மேலும் அவர் தொகுதியில் செய்யப்பட்ட வளர்ச்சி பணிகளை விளக்கினார். நெடுஞ்சாலைத்துறை மற்றும் நபார்டு கிராமச் சாலைகள் திட்டத்தின் கீழ், கீழ்பென்னாத்தூர் சட்ட மன்றத் தொகுதிக்குட்பட்ட துரிஞ்சாற்றின் குறுக்கே வெரையூர்–தண்டரை கிராமங்களை இணைக்கும் வகையில் ரூ.6.17 கோடி மதிப்பீட்டில் உயர்மட்ட பாலம் அமைத்து தந்துள்ளேன் என்றும், அதேபோல் தி.வலசை – சு.வாளவெட்டி கிராமங்களை இணைக்கும் வகையில் ரூ.6.70 கோடி செலவில் மற்றொரு உயர்மட்ட பாலமும் கட்டித் தந்துள்ளேன் என்றும் தெரிவித்தார்.
நரியமங்கலம் ஊராட்சியில் ரூ.3 கோடி மதிப்பீட்டில் சிறு விளையாட்டு அரங்கம் அமைக்கும் பணி நடைபெற்று வருவதாகவும், தீவலசை ஊராட்சி ஒன்றிய நடுநிலைப்பள்ளியில் இரண்டு வகுப்பறை கட்டிடம், திருவானை முகாம் ஆதிதிராவிடர் பகுதியில் பல்நோக்கு கட்டிடம், கூட்ரோட்டில் நிழற்குடை, வரையூர் பகுதியில் பயணியர் நிழற்குடை உள்ளிட்ட பல்வேறு அடிப்படை வசதிகள் செய்து தந்துள்ளேன் என்றும் கூறினார்.
மேலும் அவர் அளித்த தேர்தல் வாக்குறுதிகள் வருமாறு:
தகுதி பெற்ற இல்லத்தரசிகளுக்கு ₹8,000 மதிப்பிலான எலக்ட்ரானிக் பொருட்கள் வாங்க “இல்லத்தரசி கூப்பன்” வழங்க நடவடிக்கை எடுக்கப்படும்.
மகளிர் உரிமைத் தொகை ₹1,000 இலிருந்து ₹2,000 ஆக உயர்த்தப்படும்.
“விடியல் பயணம்” திட்டம் விரிவுபடுத்தப்பட்டு அனைத்து பகுதிகளுக்கும் பேருந்து வசதி ஏற்படுத்தப்படும்.
“நான் முதல்வன்”, “புதுமைப்பெண்”, “தமிழ் புதல்வன்” திட்டங்களின் உதவித்தொகை ₹1,500 ஆக உயர்த்தப்படும்.’
கல்லூரி மாணவர்களுக்கு இலவச மடிக்கணினி திட்டம் தொடர்ந்து வழங்கப்படும்.
முதியோர், கைம்பெண்கள் மற்றும் 50 வயதிற்கு மேற்பட்ட திருமணம் ஆகாத பெண்களுக்கு மாதம் ₹2,000 ஓய்வூதியம் வழங்கப்படும்.
முதலமைச்சரின் காலை உணவு திட்டம் 8ஆம் வகுப்பு வரை விரிவுபடுத்தப்படும்.
“கலைஞரின் கனவு இல்லம்” திட்டத்தின் கீழ் 10 லட்சம் கான்கிரீட் வீடுகள் கட்டப்படும்.
விவசாயிகளுக்கு நவீன மின்சார பம்பு செட்டுகள் வழங்கப்படும்.
நெல் கொள்முதல் விலை குவிண்டால் ஒன்றுக்கு ₹3,500 ஆகவும், கரும்பு கொள்முதல் விலை டன் ஒன்றுக்கு ₹4,500 ஆகவும் உயர்த்தப்படும்.
மேலும், கீழ்பென்னா த்தூர் தாலுகா உருவாக்கப்பட்டதற்கும், தொகுதி வளர்ச்சிக்கும் தமிழக முதல்வர் திரு. மு.க. ஸ்டாலின் அவர்கள் முக்கிய காரணம் எனக் குறிப்பிட்டார். சட்டமன்றத்தில் இத்தொகுதி மக்களுக்காக பல்வேறு கோரிக்கைகளை முன்வைத்து திட்டங்களை நிறைவேற்றி யுள்ளேன் என்றும், மீண்டும் வெற்றி பெற்றால் மீதமுள்ள குறைகளையும் சரிசெய்வேன் என்றும் உறுதியளித்தார்.
“என்னை உங்களில் ஒருவனாக ஏற்றுக்கொண்டு, உதயசூரியன் சின்னத்தில் வாக்களித்து பெருவாரியான வாக்கு வித்தியாசத்தில் வெற்றி பெறச் செய்யுங்கள்” என்று பொதுமக்களிடம் அன்புடன் கேட்டுக்கொண்டார்.
இந்த நிகழ்வில் ஒன்றிய செயலாளர் ஆரஞ்சி.எஸ். ஆறுமுகம் வி பி அண்ணாமலை பா. ராமஜெயம், ஒருங்கிணைப்பாளர் கு. பாலசுப்பிரமணி, பொன். கருணாநிதி, எம். குமார், சிவராமன், வீ. தினகரன், பி. கோவிந்தசாமி, ஜே. சிவகுமார், ஏ. சக்திவேல், எம்.ஆர். குபேரன், எம்.ஆர். கே. வினோத்குமார், பி. தாமோதரன், பி. கணேசமூர்த்தி, கே. பழனி, டி. அருணாச்சலம், ராதாகிருஷ்ணன், டி. மோகன், ஆறுமுகம், எல். சதாசிவம், எஸ். பிரபாகரன், எம்.எஸ். தங்கமணி, கே. சேகர், எம். கணேசன், டி. சண்முகம், எஸ். நடராஜன், ஆர். ஆதிமூலம் உள்ளிட்டோர் கலந்து கொண்டனர்.
மேலும் கூட்டணி கட்சிகளை சேர்ந்த மாவட்ட தலைவர்கள், பொறுப்பாளர்கள், இளைஞர் அணி, மகளிர் அணி நிர்வாகிகள் உள்ளிட்டோர் பெருந்திரளாக கலந்து கொண்டு வாக்கு சேகரிப்பில் ஈடுபட்டனர்.
பொதுமக்கள் உற்சாகமாக வேட்பாளரை வரவேற்று, பட்டாசு வெடித்தும், கொடிகளை ஏந்தியும், பெண்கள் ஆரத்தி எடுத்தும் ஆதரவு தெரிவித்தனர்.