புதுச்சேரி, ஏப். 20–

அண்­ணல் அம்­பேத்­கர் இயற்­றிய சட்­டம் இருக்­கும் வரை மாநில உரி­மை­க­ளைப் பறிக்­கின்ற எந்த சட்­டங்­களை இயற்ற பாஜக முயற்சி செய்­தா­லும் அது ஒரு­போ­தும் வெற்றி பெறாது என்று எதிர்க்­கட்­சித் தலை­வர் இரா. சிவா உறு­தி­பட தெரி­வித்­துள்­ளார்.

இது தொடர்­பாக அவர் வெளி­யிட்­டுள்ள செய்தி அறிக்­கை­யில் கூறி­யி­ருப்­ப­தா­வது: –

“பூனை­க­ளால் எலி­க­ளுக்கு பாது­காப்பு உண்டோ?” – தந்தை பெரி­யா­ரின் இந்த வர­லாற்­றுச் சிறப்­பு­மிக்க கேள்வி, இன்­றைய இந்­திய ஒன்­றிய அர­சின் செயல்­பா­டு­க­ளுக்கு மிகப் பொருத்­த­மாக அமை­கி­றது. வேட்­டைக்­கா­ரர்­களே பாது­காப்பு வழங்­கு­வ­தா­கக் கூறு­வது எத்­த­கைய முரண் என்­பதை தற்­போ­தைய அர­சி­யல் சூழல் நமக்கு உணர்த்­து­கி­றது.

14% முதல் 33% வரை­யி­லான பெண்­க­ளின் இட ஒதுக்­கீடு பாஜ­க­வின் கண்­து­டைப்பு அர­சி­யல் நாட­கம் ஆகும். தற்­போ­துள்ள 543 நாடா­ளு­மன்ற உறுப்­பி­னர்­க­ளில் வெறும் 75 பெண் உறுப்­பி­னர்­கள் மட்­டுமே உள்­ள­னர். இது மொத்த விகி­தா­சா­ரத்­தில் வெறும் 14% மட்­டுமே. இருக்­கும் இடங்­க­ளி­லேயே 33% இட­ஒ­துக்­கீட்டை உட­ன­டி­யாக உறுதி செய்ய இந்த அர­சுக்­குத் துணி­வில்லை. மாறாக, தொகுதி மறு­சீ­ர­மைப்பு (Delimitation) என்ற பெய­ரில், மாநி­லங்­க­ளின் மக்­கள் தொகையை கணக்­கில் வைத்து இடங்­களை அதி­க­ரித்து, அதன் பிறகு இட­ஒ­துக்­கீடு வழங்­கு­வோம் என்­பது ஆதிக்­க­வா­தி­க­ளின் மோச­டித் திட்­டம். இது பெண்­க­ளின் உரி­மையை வழங்­கா­மல் காலங்­க­டத்­தும் தந்­தி­ரம் மட்­டு­மல்­லாது, மக்­கள் தொகை­யைக் கட்­டுப்­ப­டுத்­திய தென் மாநி­லங்­க­ளின் அர­சி­யல் பலத்­தைக் குறைக்­கும் ஒரு சதி­யு­மா­கும்.

இந்­தி­யா­வில் எப்­போ­தெல்­லாம்ஜன­நா­ய­கத்­தின் குரல்­வளை நெறிக்­கப்­ப­டு­கி­றதோ, அப்­போ­தெல்­லாம் அதைத் தடுத்து நிறுத்த எழும் முதல் குரல் திரா­வி­டப் பேரா­சான்­க­ளுக்­குப் பிறகு, தமிழ்­நாடு முத­ல­மைச்­சர் மாண்­பு­மிகு மு.க. ஸ்டாலின் அவர்­க­ளு­டை­ய­தா­கத்­தான் இருக்­கி­றது. பாசி­சத்தை வேர­றுக்­கும் ஆற்­றல்என்­பது திரா­விட இனத்­திற்கே உரிய மர­பா­கும்.

தென்­னிந்­திய மாநி­லங்­க­ளின் உரி­மை­க­ளுக்­கா­க­வும், கூட்­டாட்­சித் தத்­து­வத்­தைக் காக்­க­வும், வேற்­று­மை­யில் ஒற்­றுமை காண அவர் முன்­னெ­டுக்­கும் முயற்­சி­கள் இன்று தேசிய அள­வில் பெரிய வெற்­றி­யைப் பெற்­றுள்­ளன. எதேச்­ச­தி­கா­ரத்­தி­னை­யும் சர்­வா­தி­கா­ரத்­தை­யும் முறி­ய­டிக்­கும் ஜன­நா­ய­கத்­தின் பாது­காப்பு அர­ணாக அவர் விளங்­கு­கி­றார்.

நாடா­ளு­மன்­றத்­தில் எதிர்க்­கட்சி உறுப்­பி­னர்­கள் கருப்பு உடை அணிந்து வந்­த­தைப் பார்த்து, “திருஷ்டி கழிப்­பது போல் இருக்­கி­றது” எனப் பிர­த­மர் கூறி­யது அவ­ரின் பிரி­வி­னை­வா­தப் போக்­கைக் காட்­டி­யது. இதற்­குப் பதி­லடி கொடுத்த நாடா­ளு­மன்ற உறுப்­பி­னர் கனி­மொழி கரு­ணா­நிதி அவர்­கள் “கருப்பு என்­பது அன்னை காளி­யின் நிறம்; அது பெண்­ணின் சக்தி. அகந்தை, ஆண­வம் மற்­றும் அறி­யா­மையை அழிக்­கும் நிறம் அது,” என்று மிக வலி­மை­யா­கப் பதிவு செய்­தார். திரா­விட இயக்­கத்­தின் அடை­யா­ள­மான கருப்பு, அதி­கார வர்க்­கத்­தின் அறி­யா­மை­யைச் சுட்­டெ­ரிக்­கும் நெருப்பு என்­பதை இது மீண்­டும் நிரூ­பித்­துள்­ளது.

பெண்­க­ளுக்­கான இட ஒதுக்­கீட்டு மசோ­தாவை தனி­யாக தாக்­கல் செய்­யா­மல், தொகுதி மறு சீர­மைப்பு வரை­ய­றை­யு­டன் இணைத்­தி­ருப்­பது திட்­ட­மிட்ட சதிச்­செ­யல். 33% இட­ஒ­துக்­கீடு தடை­யா­வ­தற்கு எதிர்க்­கட்­சி­கள் தான் கார­ணம் என்று பொய்ப் பிரச்­சா­ரம் செய்­யும் பாஜ­க­வி­ன­ருக்கு, இந்­தத் தேர்­த­லில் மக்­கள் தகுந்த பாடம் புகட்­டு­வார்­கள். மாநில உரி­மை­க­ளைப் பறித்து, குர­லற்­ற­வர்­க­ளின் மன்­ற­மாக நாடா­ளு­மன்­றத்தை மாற்­றத் துடிக்­கும் முயற்­சி­கள் ஒரு­போ­தும் வெற்றி பெறாது.

எத்­த­கைய அடக்­கு­மு­றை­கள் வந்­தா­லும், ஒடுக்­கப்­பட்­டோ­ரின் பாது­காப்­புக் கவ­ச­மாக விளங்­கும் இந்­திய அர­சி­ய­ல­மைப்­புச் சட்­டத்தை நமக்­குத் தந்த சமூக நீதிப் போர்­வாள் அண்­ணல் அம்­பேத்­கர் அவர்­க­ளுக்­குப் புக­ழஞ்­ச­லி­ யை­யும் வாழ்த்­து­க­ளை­யும் சமர்ப்­பிக்­கி­றோம். அவ­ரின் சட்­டம் இருக்­கும் வரை, பாசிச சக்­தி­கள் வீழ்த்­தப்­ப­டு­வது உறுதி!

இவ்­வாறு புதுச்­சேரி மாநி­லம் எதிர்க்­கட்­சித் தலை­வர் இரா. சிவா, எம்.எல்.ஏ. குறிப்­பிட்­டுள்­ளார்.