#Title

தென்காசி தொகுதி-,சுரண்டை நகர செயலாளர் ஏ.ஜி.கணேசன் ஏற்பாட்டில், தென்காசி சட்டமன்றத் தொகுதியின் கழக வேட்பாளர் டாக்டர் கலை கதிரவன் அவர்களை ஆதரித்து மாற்றுத்திறனாளிகள் அணி மாநில தலைவர் ரெ.தங்கம் தெருமுனை கூட்டம் வாயிலாக கழக அரசின் சாதனைகளை கூறி வாக்கு சேகரித்தார். வஞ்சகமான – தீய முயற்சியை எதிர்த்து வாக்களித்த எதிர்க்கட்சியினரை பெண்களுக்கு எதிரானவர்கள் என சித்தரிக்க மோடி முயற்சி! மாநிலங்களவை கழகக் குழுத் தலைவர் திருச்சி சிவா அறிக்கை!

புதுடெல்லி, ஏப். 20–

தங்கள் நோக்கங்கள் நிறை வேறுவதற்காக எத்தகைய குறுக்குவழி களையும் கையாளும் மோடி அரசின் வழக்கமான தந்திரங்கள் இம்முறை படுதோல்வியடைந்துள்ளதாக மாநிலங்களவை திமுக குழுத்தலைவர் திருச்சி சிவா தெரிவித்துள்ளார்.

மாநிலங்களவை திமுக குழுத்தலைவர் திருச்சி சிவா வெளியிட்டுள்ள அறிக்கையில், உலகின் மிகப்பெரிய ஜனநாயக நாட்டின் பிரதமரான மோடி, முன்எப்போதும் இல்லாத வகையில், எதிர்க்கட்சிகள் மீது காழ்ப்புணர்ச்சி கொண்ட தாக்குதலை தொடுக்கும் வகையில் ஒரு தேசிய உரையை தொலைக்காட்சியில் நிகழ்த்தியுள்ளதாக கூறியுள்ளார்.

ஆளும் தேசிய ஜனநாயக கூட்டணிக்கு ஒரு பின்னடைவாக அமைந்த ஜனநாயக வாக்களிப்பு செயல்முறையை ஏற்றுக்கொள்வதற்கு பதிலாக, மக்களவை வாக்கெடுப்பில் ஏற்பட்ட தோல்வியின் மீதான தனது சகிப்புத்தன்மையின்மையையே பிரதமரின் உரை வெளிப் படுத்துவதாக திருச்சி சிவா விமர்சித்துள்ளார்.

தொகுதி மறுவரையறை மற்றும் பெண்களுக்கான 33 சதவீத இட ஒதுக்கீடு ஆகிய இரண்டு அரசியலமைப்பு திருத்தங்களையும் ஒன்றாக இணைக்கும் வஞ்சகமான மற்றும் தீய முயற்சியை எதிர்த்து வாக்களித்த அனைத்து எதிர்க்¬¬¬¬¬¬கட்சிகளையும், பெண்களுக்கு எதிரானவர்கள் என்று சித்தரிக்க பிரதமர் மோடி முயன்றுள்ளதாகவும் குற்றம் சாட்டியுள்ளார்.

மக்களவையில் ஆளும் கூட்டணிக்கு மூன்றில் இரண்டு பங்கு பெரும்பான்மை இல்லாதததால், இந்த மசோதா வாக்கெடுப்பில் தோல்வியடையும் என்பதை நன்கு அறிந்திருந்தும், எதிர்த்து வாக்களிப்பவர்களைக் குறை கூறுவதற்காகவே மோடி அரசு இவ்வாறு செய்துள்ளதாக திருச்சி சிவா விமர்சித்துள்ளார். தங்கள் நோக்கங்கள் நிறை வேறுவதற்காக எத்தகைய குறுக்குவழிகளை யும் கையாளும் மோடி அரசின் வழக்கமான தந்திரங்கள் இம்முறை படுதோல்வியடைந்துள்ளதாக திருச்சி சிவா தெரிவித்துள்ளார். இது பிரதமருக்கும், உள்துறை அமைச்சருக்கும் ஒரு புதிய அனுபவமாக அமைந்துள்ளதாகவும் பெண்களுக்கு 33 சதவீத இடஒதுக்கீடு மசோதா எதிர்கட்சிகளின் ஒத்துழைப்புடன் மட்டுமே கடந்த 2023 ஆம் ஆண்டு நிறைவேற்றப்பட்டது என்பதை மோடியால் புறந்தள்ளிவிட முடியாது என்றும் கூறியுள்ளார்.

தமிழ்நாட்டில் முத்தமிழறிஞர் கலைஞர் ஆட்சிக்காலத்தில்தான் சொத்தில் பெண்களுக்கும் பங்கு உண்டு என்ற சட்டம் நிறைவேற்றப்பட்டது என்பதை பிரதமர் மோடிக்கு நினைவூட்டுவதாகவும் திருச்சி சிவா குறிப்பிட்டுள்ளார்.

இதேபோன்று, முதலமைச்சர் மு.க.ஸ்டாலினின் தற்போதைய ஆட்சியில்தான், உள்ளாட்சி அமைப்புகளில் பெண்களுக்கு 50 சதவீத இட ஒதுக்கீடு, வேலை வாய்ப்புகளில் பெண்களுக்கு 40 சதவீத இடஒதுக்கீடு வழங்கப்பட்டதும் பிரதமருக்கு தெரிந்திருக்க வாய்ப்பில்லை என்றும் திருச்சி சிவா கூறியுள்ளார்.

மேலும், காவல்துறையில் பெண்களை பணியில் அமர்த்தியதும் திமுக ஆட்சியில்தான் என்றும் அவர் தெரிவித்துள்ளார். அதேநேரம், இந்தியாவில் 20 மாநிலங்களில் ஆட்சியில் உள்ள பா.ஜ.க.வில், டெல்லியில் மட்டும்தான், ஒரேயொரு பெண் முதலமைச்சர் உள்ளதாகவும், அதுவும் டெல்லியில் பெண் அமைச்சர்கள் யாரும் இல்லை என்பதை பிரதமர் மோடி வசதியாக மறந்துவிட்டதாகவும் அவர் கூறியுள்ளார். இதன் மூலம் எதிர்க்கட்சிகள் பெண்களின் நலனுக்கு ஆதரவாக செயல்படுவ தில்லை என்று குற்றம் சாட்டுவதற்கான நம்பகத்தன்மை மோடியிடம் துளிக்கூட இல்லை என்பதை நாட்டு மக்கள் ஏற்றுக்கொள்வார்கள் என்றும் குறிப்பிட்டுள்ளார்.

எதிர்கட்சியினரை நோக்கி ஒரு விரலை நீட்டும்போது, மற்ற மூன்று விரல்கள் தங்களை நோக்கி காட்டுகின்றன என்பதை பிரதமர் மோடி மறந்துவிடக்கூடாது என, மாநிலங்களவை திமுக குழுத்தலைவர் திருச்சி சிவா வெளியிட்டுள்ள அறிக்கையில் விளக்கமாக எடுத்துரைத்துள்ளார்.