திருப்பூர், ஏப். 20 –
திருப்பூரில் திமுக தேர்தல் பிரச்சாரப் பொதுக் கூட்டத்தில், பீகார் மாநில முன்னாள் துணை முதல்வர் தேஜஸ்வி யாதவ் பேசிய
தாவது:
தமிழக முதல்வர் மு.க.ஸ்டாலினுடன், எங்களது பயணம் இன்று, நேற்று ஏற்பட்டது அல்ல. அது, நீண்ட, நெடிய பயணம். தமிழக முன்னாள் முதல் வர் கலைஞர் , எனது தந்தை லாலு பிரசாத் யாதவ் காலத்தில் இருந்தே எங்களது பயணம் துவங்கியது.
தமிழ்மண்ணில் சமூக நீதி நிலை நிறுத்தப்பட்டு வருகிறது. பீகாரில், தமிழகத்தை பின்பற்றி சமூக நீதி நிலை நிறுத்தப் பட்டு வருகிறது. முதல்வர் மு.க. ஸ்டாலின் தலைமையில் தமிழ்நாடு வேகமாக முன்னேறி வருகிறது. தொழில்நுட்பம் மூலம் நல்ல வளர்ச்சியை தமிழ்நாடு அடைந்து வருகிறது. கல்வி, வேலை வாய்ப்பு, சுகாதாரம், மனித வள மேம்பாடு என எல்லா துறைகளிலும் தமிழ்நாடு வளர்ந்து நிற்கிறது.
பிரதமருக்கு தகுந்த பாடம்!
தமிழ்நாட்டில் தரமான கல்வி வழங்கப்படுகிறது. நாட்டின் ஒட்டுமொத்த ஜி.டி.பி வளர்ச்சியில் தமிழ்நாடு இரண்டாவது இடம் பிடித்துள்ளது. ஒட்டுமொத்த தொழில் வளர்ச்சியில் தமிழ்நாடு முன்னணி யில் இருக்கிறது. தனி நபர் வருமானத்திலும் தமிழ்நாடு உயர்ந்து நிற்கிறது. தமிழ் நாடு வளர்ந்தால்தான் இந்தியா வளர முடியும் என்ற நிலையை தமிழக முதல்வர் மு.க. ஸ்டாலின் உருவாக்கி உள்ளார்.
இந்தியாவில் உள்ள முன்னணி அரசியல் கட்சி தலைவர்களின் கோரிக்கையை புறம் தள்ளி, நாடாளுமன்ற தொகுதி மறுசீரமைப்புமசோதாவை பாராளுமன்றத்தில் நிறைவேற்ற முயன்றார் பிரதமர் மோடி. ஆனால், அவருக்கு தமிழக முதல்வர் மு.க.ஸ்டாலின், தகுந்த பாடம் புகட்டி உள்ளார்.
தமிழக சட்டமன்ற தேர்தல் பிஸிகளுக்கு இடையே அவர், டெல்லிக்கு ஆட்டம் காட்டியுள்ளார். அவரது செயல், எங்களைப் போன்ற இளம் அரசியல் தலைவர்களுக்கு ஊக்கம் அளிப்பதாக உள்ளது. அவர், எங்களுக்கு சிறந்த முன்னுதாரணமாக திகழ்கிறார்.
அறிஞர் அண்ணா, கலைஞர் ஆகியோரை தொடர்ந்து முதல்வர் மு.க.ஸ்டாலின் தலைமையில் தமிழ்நாடு எல்லா துறை களிலும் வளர்ச்சி கண்டு வருகிறது. இதை, எனது தந்தை அடிக்கடி நினைவு கூறுவார். தமிழக முதல்வர் மு.க.ஸ்டாலினுக்கு தமிழக மக்கள் எப்போதும். துணை நிற்க வேண்டும். அவரது கரத்துக்கு வலு சேர்க்கும் வகையில் நாங்களும் இணைந்து பயணிப் போம்.
இவ்வாறு தேஜஸ்வி யாதவ் பேசினார்.