கழகத் தலைவர் – முதலமைச்சர் மு.க.ஸ்டாலின் அவர்கள் கடந்த 16ஆம் தேதி நாமக்கல் வந்திருந்தபோது கருப்பு சட்டை அணிந்து தொகுதி மறு சீரமைப்புக்கு எதிராக தமிழ்நாட்டில் முதன் முதலாக நாமக்கல் நல்லிபாளையத்தில் உள்ள என். கே.செல்லப்பன் வீட்டின் முன்பு அமைக்கப்பட்டு இருந்த கொடிக் கம்பத்தில் கருப்புக் கொடி ஏற்றினார். 17-ஆம் தேதி நடைபெற்ற மக்களவையில் தொகுதி மறுவரையறை தோற்கடிக்கப்பட்டது. மு.க.ஸ்டாலின் அவர்கள் ஏற்றிய கருப்புக் கொடியை, நாமக்கல் கிழக்கு மாவட்ட தி.மு.க. செயலாளரும், மாநிலங்களவை உறுப்பினரும், நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என். இராஜேஸகுமார் இறக்கி வைத்தார். இந்நிகழ்ச்சியில் சட்டமன்ற உறுப்பினர் பெ.ராமலிங்கம், மாவட்ட அவைத் தலைவர் சி.மணிமாறன், மாநகராட்சி மேயர் கலாநிதி, துணை மேயர் பூபதி நகரச் செயலாளர் ராணா ஆனந்த், சிவகுமார் மற்றும் கழக நிர்வாகிகள், சார்பு அணி நிர்வாகிகள் உள்ளிட்டோர் கலந்து கொண்டு, பட்டாசு வெடித்து இனிப்புகள் வழங்கி வெற்றியை கொண்டாடினர்.