தென்காசி.ஏப்.20–
தென்காசி மாவட்டம் தென்காசி சட்டமன்ற தொகு திக்கு உட்பட்ட சுரண்டை
பொட்டல் மாடசாமி கோவில் தெருவில் தென்காசி சட்டமன்றத் தொகுதி மதசார்பற்ற முற்போக்கு கூட்டணி கழக வெற்றி வேட்பாளர் மரு.கலை கதிரவனுக்கு வாக்கு சேகரிக்கும் நிகழ்வு தென்காசி தெற்கு மாவட்ட பொறுப்பாளர் வே.ஜெயபாலன் தலைமையில் கழக இணை அமைப்பு செயலாளர் அன்பகம் கலை முன்னாள் தென்காசி தெற்கு மாவட்ட செயலாளர் பொ.சிவபத்ம நாதன் தென்காசி சட்டமன்ற உறுப்பினர் பழனி நாடார் ஆகியோர் முன்னிலையில் நடைபெற்றது.நகர பொறுப்பாளர் கணேசன் வரவேற்புரையாற்றினார்.
இந்நிகழ்வில் மீன்வளம் மீனவர் நலன் மற்றும் கால்நடை பராமரிப்புத்துறை அமைச்சர் அனிதா ஆர்.ராதாகிருஷ்ணன் பங்கேற்று சுரண்டை பொட்டல் மாடசாமி கோவில் தெருவில் அமைந்துள்ள பெருந்தலைவர் காமராஜர் அவர்களின் முழு திருவுருவசிலைக்கு மாலை அணிவித்து மரியாதை செலுத்தினர்.
பின்னர் அமைச்சர் அனிதா ஆர்.ராதா கிருஷ்ணன் பேசியதாவது.
இங்கு வேட்பாளராக நிற்கும் மருத்துவர் கலை கதிரவன்,தந்தை அன்பகம் கலை அவர்கள் கழகத் தலைவர் அவர்களுடன் 50 ஆண்டு காலம் நெருக்கமாக பழகி வருகிறவர் ஆவார்.உங்களுக்கு நல்ல வேட்பாளர் கிடைத்து ள்ளார்.அவரை நீங்கள் அதிகமான வாக்கு வித்தி யாசத்தில் வெற்றி பெறச் செய்ய வேண்டும்.நான் தொடர்ந்து திருச்செந்தூர் தொகுதியில் 6 முறை வெற்றி பெற்றுள்ளேன்.முதலமைச்சர் கழக தலைவர் அவர்களின் சாதனைகளை சொல்லிக் கொண்டே போகலாம்.
தற்போது தேர்தல் அறிக்கையில் கலைஞர் மகளிர் உரிமைத்தொகை ரூபாய் 2000 ம் ஆக உயர்த்தி வழங்கப்படும் என்றும்,ரூபாய் 8000 மதிப்பில் இல்லத்தரசி கூப்பன் வழங்கப்படும் என்றும் அறிவித்துள்ளார் கள்.
உங்கள்வேட்பாளர் கலை கதிரவன் மருத்துவர்,நல்லவர்,எல்லாரிடமும் அன்பாக பழகக் கூடியவர்.இங்கே கழகத் தலைவர் முதலமைச்சர் அவர்கள் நிற்பதாக நினைத்துக் கொண்டு நீங்கள் அதிகமான வாக்கு வித்தியாசத்தில் கலை கதிரவனை வெற்றி பெறச் செய்ய வேண்டும்.
இது சாதாரண வெற்றியாக இருக்கக் கூடாது.முழு அளவிலான வாக்குகளை பதிவு செய்ய வேண்டும். ஆகவே நீங்கள் அனைவரும் உதயசூரியன் சின்னத்திற்கு வாக்களித்து அமோகமான வெற்றியை பெற்றுத் தர வேண்டும் என்று உங்களை எல்லாம் கேட்டுக்கொள்கிறேன்.
இவ்வாறு அமைச்சர் அனிதா ஆர். ராதாகிருஷ்ணன் பேசினார்.