தொடக்­கம் : 10.8.1942 – முரசு : 84 – ஒலி : 250 – திரு­வள்­ளு­வர் ஆண்டு 2057 – சித்திரை 08 – செவ்வாய்க்கிழமை 21 ஏப்ரல் 2026 – மதுரை • 12 பக்­கங்­கள்

Established : 10.8.1942 - – Volume : 84 - – Issue 250 : Thiruvalluvar Year – 2057 – Chithirai08 – Tuesday 21 April 2026 – Madurai • 12 Pages ₹ 5.00

சென்னை, ஏப்.21–

‘‘வளர்ச்சித் திட்டங்களுக்கு முட்டுக் கட்டை போடும் பா.ஜ.க. – அ.தி.மு.க. கூட்டணி தமிழ் நாட்டுக்குப் பேராபத்து’’ என ‘டெக்கான் ஹெரால்டு’ ஆங்கில நாளேட்டிற்கு அளித்த சிறப்புப் பேட்டியில் கழகத் தலைவர், முதல்வர் மு.க.ஸ்டாலின் அவர்கள் குறிப்பிட்டார்.

டெக்­கான் ஹெரால்டு ஆங்­கில நாளேட்­டுக்கு முதல்­வர் மு.க.ஸ்டாலின் அவர்­கள் அளித்த சிறப்புப் பேட்டி வரு­மாறு:–

செய்­தி­யா­ளர்: கடந்த ஐந்து ஆண்­டு­களில் உங்­கள் அர­சின் செயல்­தி­றனை நீங்கள்எவ்­வாறு மதிப்­பீடு செய்­கி­றீர்­கள்?

முதல்­வர் மு.க.ஸ்டாலின்: எல்­லார்க்­கும் எல்­லாம் என்ற நோக்­கோடு ஐந்து ஆண்­டு­கால திரா­விட மாடல் ஆட்­சி­யில் பல்­வேறு திட்­டங்­க­ளைச் செயல்­ப­டுத்­தி­னோம். எங்­க­ளின் ஆட்­சியை நாங்­கள் மதிப்­பி­டு­வதை விட பொது­மக்­க­ளில் ஒரு­வர் கூறி­யதை நினைவு கூறு­கி­றேன். 2021 இல் நாங்­கள் ஆட்­சிக்கு வந்த போது நான் கூறி­யது ‘எங்­க­ளுக்கு வாக்­க­ளிக்­காத மக்­க­ளும் இவர்­களுக்கு வாக்­க­ளிக்­கத் தவறி விட்­டோமே’ என எண்­ணும் வகை­யில் சிறப்­பான ஆட்­சி­யைத் தரு­வோம் என்­றேன். சில வாரங்­க­ளுக்கு முன்பு திரா­விட மாடல் அர­சின் மக­ளிர் உரி­மைத் தொகை திட்­டம், விடி­யல் பய­ணம், புது­மைப் பெண், தமிழ்ப்­பு­தல்­வன் திட்­டம், நான் முதல்­வன் திட்­டம் உள்­ளிட்ட அனைத்து திட்­டங்­க­ளை­ யும் பட்­டி­ய­லிட்­ட­வர் கடந்த முறை தி.மு.க.விற்கு வாக்­க­ளிக்­கா­மல் தவ­றி­விட்­டேன் ஆனால் இந்த முறை தி.மு.க.விற்கு தான் வாக்­க­ளிப்­பேன் எனவீடியோ பதி­விட்­டி­ருந்­தார். இதை­விட வேறு என்னமதிப்­பீடு வேண்­டும். ஒரு­வ­ரும் பின்­தங்கி விடக் கூடாது என பார்த்து பார்த்­துத் திட்­டங்­கள் வகுத்து செயல்­பட்­டுள்­ளோம். அத­னால் அனைத்­துத் தரப்பு மக்­க­ளின் ஆத­ர­வை­யும் பெற்­றுள்­ளோம்.

கலை­ஞர் மக­ளிர் உரி­மைத்­தொகை ரூ.2000 –

8ஆம் வகுப்பு வரை காலை உண­வுத் திட்­டம்!

எண்­ணற்ற திட்­டங்­களை நாங்­கள் செயல்­படுத்தி இருந்­தா­லும் ஒன்­றல்ல இரண்டு திட்­டங்­கள் என் மன­திற்கு நெருக்­க­மான திட்­டங்­கள். ஒன்று மக­ளிர் உரி­மைத் தொகை திட்­டம். அடுத்து அமை­யும் திரா­விட மாடல் 2.0 ஆட்­சி­யில் இத்­தொ­கையை ரூ.2000 ஆக உயர்த்த உள்­ளோம். மற்­றொரு முக்­கி­ய­மான திட்­டம் பள்­ளிக் குழந்­தை­க­ளின் பசி­யாற்­றும் காலை உண­வுத் திட்­டம். தனிப்­பட்ட முறை­யில் இது என் மன­திற்கு நெருக்­க­மான திட்­டம் மட்­டு­மல்ல இத­யத்­தில்இடம்­பெற்ற திட்­ட­மும் கூட. அடுத்து அமை­யும் ஆட்­சி­யில் 8-ஆம் வகுப்பு வரை இந்த திட்­டத்தை விரி­வு­ப­டுத்த உள்­ளோம்.

தமிழ்­நாட்டு மக்­கள் முது­கில்

குத்­தும் அ.தி.மு.க.!

செய்­தி­யா­ளர் : 2026 சட்­ட­மன்­றத் தேர்­தலை தமிழ்­நாடு மற்­றும் NDA இடை­யே­யான போராட்­ட­மாக நீங்­கள் முன்­னி­றுத்­தி­யுள்­ளீர்­கள். இத­னால் தமிழ்­நாட்­டில்BJP வளர்ச்­சியை நீங்­கள் ஒப்­புக்­கொள்­கிறீர்­களா அல்­லது மாநி­லத்­தில் நில­வும் எதிர்ப்பு உணர்­வு­களை வாக்­கு­க­ளா­கப் பெற முயற்­சிக்­கி­றீர்­களா?

முதல்­வர் மு.க.ஸ்டாலின்: தமிழ்­நாட்­டில் பா.ஜ.க. வள­ர­வில்லை; இங்கு வள­ர­வும் முடி­யாது. தான் நேர­டி­யாக வர இய­லாத விரக்­தி­யில் அ.தி.மு.க.வின் முது­கில் ஏறிக்கொண்டு கொல்­லைப்­பு­ற­மாக வர பா.ஜ.க முயல்­கி­றது. இந்­தத் தேர்­த­லில் அ.தி.மு.க.முக­மூடி அணிந்த படி வந்­தி­ருக்­கும் பா.ஜ.க.வின் முகத்­தி­ரை­யைக் கிழிக்­கவே இந்த பிரச்­சா­ரத்தை முன்­னெ­டுத்­துள்­ளோம். இதோ இப்­போது கூட தொகுதி மறு­வ­ரை­யறை என்ற பெய­ரில் தமிழ்­நாடு உள்­ளிட்ட தென் மாநி­லங்­க­ளின் அர­சி­யல் உரி­மை­யைப் பறித்து அடி­மை­யாக்­கும் முயற்­சியை முன்­னெ­டுத்­தது ஒன்­றிய பா.ஜ.க. அரசு, தி.மு.க. உள்­ளிட்ட கூட்­ட­ணிக் கட்­சி­யி­னர் வலு­வாக எதிர்த்து நின்று அந்த ஆபத்தை முறி­ய­டித்­தோம். ஆனால் அ.தி.மு.க. தமிழ்­நாட்­டிற்­குப் பேரா­பத்து விளை­விக்­கும் ஒன்­றிய பா.ஜ.க. அர­சின் முயற்­சிக்கு ஆத­ரவு தெரி­வித்து தமிழ்­நாட்டு மக்­க­ளின் முது­கில் குத்­தி­யது. அத­னால் தான் இந்த தேர்­தலை தமிழ்­நாடு Vs டெல்லி என்­கி­றோம்.

செய்­தி­யா­ளர் : தி.மு.க. தலை­மை­யி­லான மதச்­சார்­பற்ற முற்­போக்­குக் கூட்­டணி தொடர்ந்து மூன்று பொதுத் தேர்­தல்­களில் வெற்றி பெற்­றுள்­ளது. இதற்­குப்­பிற­கும் கூட்­ட­ணியை விரி­வு­ப­டுத்­தி­யது ஏன்? உங்­கள் அர­சுக்கு எதி­ரான எதிர்ப்பு வாக்­கு­களை சம­நி­லைப்­ப­டுத்­தவா அல்­லது நான்கு முனைப் போட்­டி­யாக மாறு­வ­தாலா?

முதல்­வர் மு.க.ஸ்டாலின்: 2019 இல் இருந்து தமிழ்­நாட்டு மக்­க­ளின் பேரா­த­ர­வைப் பெற்று வென்று வரு­கி­றோம். இந்த ஐந்­து­வ­ருட திரா­விட மாடல் ஆட்­சி­யால் அந்த ஆத­ரவு இன்­னும் கூடி­யுள்­ள­தால் எங்­க­ளது ஆட்­சிக்­கும் கூட்­ட­ணிக்­கும்ஆத­ர­வான அலை வீசு­கி­றது. மக்­கள் ஆத­ர­வு­டன்200 தொகு­தி­க­ளுக்கு மேல் உறு­தி­யாக வெல்வோம்.

பல­முறை தோற்­க­டிக்­கப்­பட்ட கூட்­டணி!

செய்­தி­யா­ளர் : ஒரு பலம்­வாய்ந்த கூட்­ட­ணியை அ.தி.­மு.க. கட்­ட­மைத்­துள்­ளது.அது பற்­றிய உங்­கள் கருத்து என்ன? பல­முனை போட்­டியை எப்­படி பார்க்­கி­றீர்­கள்? பிர­தான போட்டி யாருக்­கி­டை­யில்?

முதல்­வர் மு.க.ஸ்டாலின்: திருத்­தம். அவர்­கள் பலம் வாய்ந்த கூட்­டணி அல்ல. பல­முறை தமிழ்­நாட்டு மக்­க­ளால் தோற்­க­டிக்­க­பட்ட கூட்­டணி. இந்த தேர்­தல் தமிழ்­நாட்­டின் உரி­மை­யை­யும் எதிர்­கால நல­னை­யும் பாது­காக்­கும் தமிழ்­நாடு அணிக்­கும் , தமிழ்­நாட்­டைக் கைப்­பற்றி தனது கைப்­பா­வை­யாக மாற்­றத் துடிக்­கும் டெல்லி அணிக்­கு­மான தேர்­தல் என்று ஏற்­க­னவே கூறி­விட்­டேன்.

டபுள் எஞ்­சின் என்ற

டப்பா எஞ்­சின் தேவை­யில்லை!

செய்­தி­யா­ளர் : பிர­த­மர் நரேந்­திர மோடி மற்­றும் பா.ஜ.க. தலை­வர்­கள் தமிழ்­நாட்­டில் “இரட்டை எஞ்­சின் அரசு” பற்றிபேசு­கின்­ற­னர். அ.தி.மு.க. தலை­வர்­களும்அதைப் பேசு­கின்­ற­னர். இதை நீங்­கள் எப்­படி பார்க்­கி­றீர்­கள்? இப்­ப­டிப்­பட்ட நிலை­யில் இது ஜன­நா­ய­கத்­தில் சரி­யா­னதா?

முதல்­வர் மு.க.ஸ்டாலின் : டபுள் எஞ்­சின் சர்க்­கார் என்று சொல்­லக்­கூ­டிய மாநி­லங்­களை விட சூப்­பர் ஃபாஸ்ட் எஞ்­சி­னாக விளங்­கும் திரா­விட மாடல் அர­சில் தமிழ்­நாடு அதிக வளர்ச்சி கண்­டி­ருக்­கி­றது. நீங்­கள் சுட்­டிக்­காட்­டும் “டபுள் எஞ்­சின் சர்க்­கார்” மாநி­லங்­கள் வளர்ச்­சி­யில் கடைசி இடத்­தில் உள்­ளன. மத வன்­மு­றை­கள், பெண்­களுக்கு எதி­ரான குற்­றங்­க­ளில் எல்­லாம் முதல் இடத்­தில் உள்­ளன. டபுள் எஞ்­சின் என்ற டப்பா எஞ்­சின் எங்­க­ளுக்­குத் தேவை­யில்லை என தமிழ்­நாட்டு மக்­கள் நிரா­க­ரித்து விடு­வார்­கள்.

இவர்­கள் வாக்­கு­று­தி­கள் பற்­றிப் பேச­லாமா?

செய்­தி­யா­ளர் : பல துறை­க­ளில் உங்­கள் அரசு வெற்றி பெற்­றி­ருந்­தா­லும், 2021 தேர்­த­லுக்கு முன் மக்­க­ளி­டம் அளித்த வாக்­கு­று­தி­களை நிறை­வேற்­ற­வில்லை என்று எதிர்க்­கட்­சி­கள் குற்­றம்­சாட்­டு கின்­றன. இதற்கு உங்­கள் பதில் என்ன?

முதல்­வர் மு.க.ஸ்டாலின்: எந்த எதிர்க்­கட்சி அப்­படி கூறு­வது, ஒவ்­வொ­ரு­வ­ரின் வங்­கிக் கணக்­கி­லும் 15 லட்­சம் ரூபாய் போடு­வோம் என பிரச்­சா­ரம் செய்து மக்­களை ஏமாற்றி 2014 இல் ஆட்­சிக்கு வந்த பா.ஜ.க.வா? 2016 இல் கொடுத்த வாக்­கு­று­தி­க­ளில் 10% கூட நிறை­வேற்­றா­மல் தமிழ்­நாட்­டின் உரி­மை­க­ளை­யும் டெல்­லி­யி­டம் அட­கு­வைத்த அ.தி.மு.க.வா.? இவர்­க­ளுக்குவாக்­கு­று­தி­கள் பற்­றிப் பேச என்ன தகுதி இருக்­கி­றது?

இது­வரை அர­சி­யல் வர­லாற்­றில் எந்த அர­சும் நிறை­வேற்­றி­டாத வகை­யில் தேர்­தல் வாக்­கு­று­தி­களை மட்­டு­மின்றி- சொல்­லாத திட்­டங் களான காலை உண­வுத் திட்­டம், புது­மைப் பெண் திட்­டம், தமிழ்ப்­பு­தல்­வன் திட்­டம் உள்­ளிட்­ட­வை­க­ளை­யும் நிறை­வேற்­றிய அர­சு­தான் திரா­விட மாடல் அரசு! ஒன்­றிய பா.ஜ.க. அர­சின் ஒத்­து­ழை­யா­மையை, நிதி தராத அடா­வ­டியை மீறி இந்த சாத­னை­களை நாங்­கள் செய்­தி­ருக்­கி­றோம். நாங்­கள் சொன்­ன­தை­யும் செய்­வோம். சொல்­லா­த­தை­யும் செய்­வோம். அத­னால்­தான் இப்­போதுநாங்­கள்வெளி­யிட்­டுள்ள தேர்­தல் அறிக்கை சூப்­பர்ஸ்­டா­ராக தமிழ்­நாட்டு மக்­கள் மத்­தி­யில் பவனி வரு­கி­றது.

பா.ஜ.க. ஆளும் மாநி­லங்­க­ளில்­தான்

பெண்­க­ளுக்­கானபாது­காப்பு கேள்­விக்­குறி!

செய்­தி­யா­ளர் : தமிழ்­நாட்­டில் பெண்­கள் பாது­காப்­பாக இல்லை இங்கு நடை­பெற்ற பொதுக்­கூட்­டம் ஒன்­றில் பிர­த­மர் மோடி குற்­றம் சாட்­டி­யுள்­ளார். அது­மட்­டு­மின்றி தமிழ்­நாட்­டில் தி.மு.க. ஆட்­சி­யில் சட்­டம் ஒழுங்கு சீராக பரா­ம­ரிக்­கப்­ப­ட­வில்லை என்­கிறகுற்­றச் சாட்­டும் உள்­ளது. இது­கு­றித்து உங்­கள் பதில் என்ன?

முதல்­வர் மு.க.ஸ்டாலின்: பிர­த­மர் மணிப்­பூரை மறந்து விட்­டுப் பேசு­கி­றார். பெண்­கள் பாது­காப்பு பற்­றிப் பேச பா.ஜ.க.வின­ ருக்கு எவ்­வித தார்­மீக உரி­மை­யும் இல்லை. மணிப்­பூ­ரில் அங்குஆட்சி செய்த பா.ஜ.க. அர­சால் தூண்டி விடப்­பட்ட வன்­மு­றை­யின் போது பெண்­க­ளுக்கு நேர்ந்த கொடுமை, காஷ்­மீர் சிறுமி பாலி­யல் வன்­கொ­டுமை, ஒலிம்­பிக்­கில் பதக்­கம் வென்று இந்­தி­யா­விற்கு பெருமை சேர்த்த மல்­யுத்த வீராங்­க­னை­க­ளுக்கு நேர்ந்த பாலி­யல் துன்­பு­றுத்­தல், உத்­த­ர­பி­ர­தே­சத்­தில் இப்­போது கூட உச்­ச­நீ­தி­மன்­றத்­தால் கண்­டிக்­கப்­பட்ட பாலி­யல் வன்­கொடுமை என பா.ஜ.க. ஆளும் மாநி­லங்­க­ளில்­தான் பெண்­களுக்­கான பாது­காப்பு கேள்­விக்­கு­றி­யாக இருக்­கி­றது. அவற்­றை­யெல்­லாம் பிர­த­ம­ரின் கவ­னத்­திற்கு உங்­க­ளைப் போன்ற ஊட­கங்­கள் கொண்டு சென்று “தமிழ்­நாட்­டின் மீது அபாண்­ட­ மாக குற்­றம் சாட்­டு­வது ஏன்” என்று கேள்வி கேட்க வேண்­டும். பெண்­கள் பாது­காப்­பி­லும், சட்­டம் ஒழுங்­கி­லும் தமிழ்­நாடு பா.ஜ.க. மாநி­லங்­களை விட முதன்மை மாநி­ல­மாக உள்­ளது என்­ப­து­தான் உண்மை!

மக்­கள் நலத்­திட்­டங்­கள் – உள்­ளூர்

பொரு­ளா­தாரம் வலு­வ­டை­யவே செய்­யும்!

செய்­தி­யா­ளர்: தொடர்ந்து இரண்­டா­வது முறை­யாக ஆட்­சிக்கு வந்­தால் மேலும் பல திட்­டங்­களை நிறை­வேற்­றப் போவ­தாக நீங்­கள் வாக்­கு­றுதி அளித்­துள்­ளீர்­கள். அவற்றை செயல்­ப­டுத்த அர­சுக்கு போது­மான நிதி உள்­ளதா? கடந்த ஐந்து ஆண்­டு­க­ளில் தி.மு.க. அரசு மட்­டும் 5 லட்­சம் கோடி ரூபாய் கடன் வாங்­கி­யுள்­ளது. மேலும் கடன் எடுப்­பது அர­சுக்கு சுமை­யாக மாறாதா?

முதல்­வர் மு.க.ஸ்டாலின்: கட­னாளி மாநி­ல­மாக விட்­டுச்­சென்­றது கடந்த அ.தி.மு.க. ஆட்சி. நான்­காண்டு காலம் பா.ஜ.க.வின் முக­மூ­டி­யாக அ.தி.மு.க. ஆட்சி நடத்­திய போதே இப்­படி கடன்­வாங்கி விட்டு- நிதி மேலாண்­மையை அடி­யோடு சீர­ழித்து விட்­டுப் போனார்­கள். தி.மு.க. அரசு பொறுப்­பேற்­ற­வு­டன் பொரு­ளா­தார ஆலோ­ச­னைக் குழு அமைத்து- அ.தி.மு.க. ஆட்­சி­யின் நிதி சீர்­கேடு குறித்து வெள்ளை அறிக்கை வெளி­யிட்டு- கடந்த 5 ஆண்­டு­க­ளில் தமிழ்­நாடு நிதி நிலையை சீராக்­கி­யி­ருக்­கி­றோம். ஒன்­றிய பா.ஜ.க. அர­சின் பார­பட்ச GST நிதி பங்­கீடு, கல்வி நிதி, குடி­நீர் திட்ட நிதி, நூறு நாள் வேலை திட்ட நிதி, வளர்ச்சி திட்ட நிதி என எந்த ஒரு நிதி­யை­யும் வழங்­கா­மல் வஞ்­சித்த போதும் தமிழ்­நாட்­டின் தொழில் வளத்­தைப் பெருக்கி 11.19% வளர்ச்சி விகி­தத்­து­டன் No1 மாநி­ல­மாக உயர்த்தி உள்­ளோம். தமிழ்­நாட்­டின் பொரு­ளா­தா­ரத்தை கடந்த அ.தி.மு.க. ஆட்­சி­யில் இருந்­த­தை­விட 16% அதி­க­ரித்­துள்­ளோம். தமிழ்­நாட்­டின் பொரு­ளா­தா­ரம் 30 லட்­சம் கோடி ரூபாய்க்கு மேல் உயர்ந்­துள்­ளது. 2030 ஆம் ஆண்­டுக்­குள் தமிழ்­நாட்­டின் பொரு­ளா­தா­ரத்தை 1 டிரில்­லி­யன் டாலர் அளவு உயர்த்த இலக்கு நிர்­ண­யித்து பணி­யாற்றி வரு­கி­றோம். கடந்த அ.தி.மு.க. ஆட்­சி­யில் வாங்­கப்­பட்ட கடனை விட குறைந்த விகி­தத்­தில்­தான் இப்­போது கடன் வாங்­கப்­பட்­டுள்­ளது . அ.தி.மு.க. ஆட்­சி­யில் எந்த நலத் திட்­டங்­க­ளும் வழங்­கா­ம­லேயே கடன் அளவு கடு­மை­யாக அதி­க­ரித்­தது. ஆனால் எங்­க­ளது ஆட்­சி­யில் மக­ளிர் உரி­மைத் தொகை, விடி­யல் பய­ணம், புது­மைப் பெண், தமிழ்ப் புதல்­வன், நான் முதல்­வன் உள்­ளிட்ட நலத்­திட்­டங்­க­ளும் அடிப்­படை கட்­ட­மைப்­பு­க­ளும் செயல்­ப­டுத்தி வரு­கின்ற போதும் கடன் அளவை கட்­டுக்­குள் வைத்­துள்­ளோம்.

எனவே மக்­க­ளுக்­கான நலத்­திட்­டங்­க­ளைச் செயல்­ப­டுத்­து­வ­தால் எந்த பொரு­ளா­தார நெருக்­க­டி­யும் உரு­வா­காது. மக்­க­ளுக்­கான நலத்­திட்­டங்­கள் என்­பது ஒன்­றிய பா.ஜ.க. அரசு கார்­ப­ரேட்­க­ளின் பல லட்­சம் கோடி கடனை தள்­ளு­படி செய்­ததே அது­போல அல்ல. மக்­கள் நலத்­திட்­டங்­கள் சமூக முத­லீ­டு­கள் அவை உள்­ளூர்ப் பொரு­ளா­த­ாரத்தை வலு­வ­டை­யவே செய்­யும்.

எதை­யும் தேர்­த­லுக்­காக செய்­வ­தில்லை!

செய்­தி­யா­ளர் : நேரடி நன்மை பரி­மாற்­றம் (Direct Benefit Transfer) மக்­க­ளுக்கு உத­வு­கி­றது. ஆனால் அர­சி­யல் கட்­சி­கள் அதை தேர்­த­லில் வெற்றி பெற ஆயு­த­மாக பயன்­ப­டுத்­து­வது சரியா?

முதல்­வர் மு.க.ஸ்டாலின்: அதை தேர்­தல் ஆயு­த­மாகப் பயன்­ப­டுத்­தி­யது ஒன்­றிய பா.ஜ.க. அர­சு­தான். பீகார் தேர்­த­லின் போது அதை செய்­த­னர். நாங்­கள் எதை­யும் தேர்­த­லுக்­காக செய்­வ­தில்லை. ஏற்­க­னவே நாங்­கள் செயல்­ப­டுத்திக் கொண்­டி­ருக்­கும் உரி­மைத் தொகை திட்­டத்­தைக் கூட சதி செய்து நிறுத்த ஒன்­றிய பா.ஜ.க. அர­சும் அதன் அடி­மைக் கூட்­ட­ணி­யும் முயன்­றது. அப்­படி உரி­மைத் தொகை திடீ­ரென நிறுத்­தப்­பட்­டால் அதை எதிர்­பார்த்­தி­ருக்­கும் 1.31 கோடி குடும்­பங்­கள் பாதிக்­கப்­ப­டும். ஆகவே தான் நாங்­கள் உரி­மைத் தொகையை முன் கூட்­டியே வழங்­கி­னோம். இதில் அர­சி­ய­லும் இல்லை. ஆயு­த­மும் இல்லை. மக­ளி­ரின் மேம்­பாடே மேலோங்கி நிற்­கி­றது.

அம­லாக்­கத் துறையின் லட்­ச­ணம்!

செய்­தி­யா­ளர் : புல­னாய்வு மற்­றும் பிற மத்­திய அமைப்­பு­கள் உங்­கள் அமைச்­சர்­க­ளுக்கு எதி­ராக வழக்­கு­கள் பதிவு செய்­துள்­ளன. அவற்றை பா.ஜ.க.வின் பழி­வாங்­கும் அர­சி­ய­லாக மட்­டுமே பார்ப்பதுநியா­யமா?

முதல்­வர் மு.க.ஸ்டாலின்: அம­லாக்­கத்­துறை பா.ஜ.க.வின் ஏவல் துறை­யாக செயல்­ப­டு­வதை நாங்­கள் மட்­டும் குறிப்­பி­ட­வில்லை. பல சம­யங்­க­ளில் நீதி­மன்­றங்­களே அதை உறுதி செய்­யும் வகை­யில் அம­லாக்­கத்­து­றைக்கு கண்­ட­னங்­களை பதிவு செய்­தி­ருக்­கின்­றன.

வட இந்­தி­யா­வில்அம­லாக்­கத்­துறை விசா­ர­ணைக்கு உட்­பட்ட பல அர­சி­யல் கட்­சி­யி­ன­ரும் இன்று பா.ஜ.க.வோடு கைகோர்த்து வாஷிங்மெஷி­னில் விழுந்த பிறகு ஒன்று விடு­விக்­கப்­பட்­டுள்ளார்­கள். அல்­லது புனி­தர்­க­ளாக்­கப்­பட்­டுள்­ளார் கள். அப்­ப­டி­யும் இல்லை என்­றால் எதிர்­கால கூட்­ட­ணிக்­காக “வழக்­கு­கள் கிடப்­பில்” போடப்­பட்­டுள்­ளது! இது­தான் பா.ஜ.க. ஆட்­சி­யில் அம­லாக்­கத்­து­றை­யின் சுதந்­தி­ரம்! முழுக்க முழுக்க பா.ஜ.க. வின் IT விங் போல Ed-wing ஆக அம­லாக்­கத்­துறை செயல்­பட்டு எதிர்க்­கட்­சி­களை முடக்க முயல்­கி­றது என்­ப­து­தான் மக்­க­ளின் பார்வை! அத­னால்­தான் அம­லாக்­கத்­து­றை­யின் நட­வ­டிக்­கை­களை “திரைக்­கதை வச­னம் பா.ஜ.க. இயக்­கு­வது அம­லாக்­கத்­துறை” என நாடே கூறு­கி­றது.

இவ்­வாறு முதல்­வர் மு.க.ஸ்டாலின் அவர்­கள் பேட்­டி­ய­ளித்­தார்.