சிவகங்கை, ஏப். 21–
வருகிற 23ஆம் தேதி தமிழகசட்டமன்றத் தேர்தல் நடைபெற உள்ளது. இதில் சிவகங்கை மாவட்டம் சிவகங்கைசட்டமன்றத் தொகுதியில் முக்குலத்தோர் புலிப்படை தலைவர் நடிகர் கரு ணாஸ் போட்டி இடுகிறார்.அவரை ஆதரித்து கூட்டணிக் கட்சியினர் தீவிர வாக்கு சேகரிப்பில் ஈடுபட்டு வருகிறார்கள்.
இந்த நிலையில் நேற்று முன்தினம் காளையார் கோவிலில் கிழக்கு ஒன்றிய செயலாளர் வேஆரோக்கியசாமி தலைமையில் நடைபெற்ற தேர்தல் பிரச்சார பொதுக்கூட்டத்தில் வேட்பாளர் நடிகர் கருணாஸிற்கு வாக்குக் சேகரித்து சிவகங்கை மாவட்ட கழகச் செயலாளர் கூட்டுறவு துறை அமைச்சர் கே.ஆர்.பெரியகருப்பன் பேசியதாவது.
கழகத் தலைவர், தளபதி அவர்கள் தலைமையிலான மதச்சார்பற்ற கூட்டணி நடைபெற உள்ள தேர்தலில் 200க்கும்மேற்பட்ட இடங்களில் வெற்றிபெறுவது உறுதி .கழக ஆட்சியின் ஐந்தாண்டுகால சாதனைகளை மக்களிடம் நாம் எடுத்துக் கூறி வாக்கு கேட்டு வருகிறோம். மீண்டும் ஆட்சிக்கு வந்ததும் நாம் நிறைவேற்றப்பட வேண்டிய திட்டங்கள் குறித்து மக்களிடம் எடுத்துக் கூறுகிறோம் மக்கள் நம்மை மிகவும் ஆதரித்து வருகிறார்கள்.
இந்த நிலையில் கடந்த தேர்தலில் சிவகங்கை சட்டமன்ற தொகுதியில் சூழ்ச்சி யால் அ.தி.மு.க வேட்பாளர் வெற்றி பெற்றார் .இம்முறை அந்த சூழ்நிலை வந்துவிடக்கூடாது. கழகத் தலைவர் தளபதி அவர்களே போட்டியடுவதாக நினைத்து நாம் நடிகர் வேட்பாளர் கருணாஸ் அவர்களை வெற்றி பெறச் செய்ய வேண்டும். அ.தி.மு.க. வேட்பாளர் எம்.பி., எம்.எல்.ஏ. ஆக இருந்தும் இந்த தொகுதிக்கு எதுவும் செய்யாமல் கழக அரசை குறை கூறி வருகிறார். நியாயமான மக்களின் பிரச்சினை தீர்க்க அவர் எவ்விதத்திலும் முயற்சி எடுக்கவில்லை.சட்டமன்றத்தில் கோரிக்கை வைக்கவில்லை.இம்முறை நடிகர் கருணாஸைவெற்றிபெற செய்திட நாம்சபதம் மேற்கொள்ள வேண்டும். இதன் சிவகங்கை தொகுதிவளம் பெறும். அனைவரும் ஒன்று சேர்ந்து களப் பணியாற்றி அவரை தேர்தலில் வெற்றி பெறச் செய்து கழக தலைவர் தளபதி அவர்களிடம் வெற்றி வீரராக சமர்ப்பிப்போம். அதற்கு அனைவரும் தீவிரமாக களப்பணி ஆற்ற வேண்டும் . இவ்வாறு அமைச்சர் கே.ஆர்.பெரியகருப்பன் பேசினார்.
இந்த கூட்டத்தில் வேட்பாளர் நடிகர் கருணாஸ் ,மாநிலக் கழக செய்தி தொடர்பு துறை இணைத்தலைவர் மருது அழகுராஜ் ஆகியோர் பேசினார்கள்.
இந்த கூட்டத்தில் மாவட்டக் கழக துணைச் செயலாளர் த.சேங்கை மாறன், மாவட்ட மாணவரணி அமைப்பாளர் கதி.ராஜ்குமார், தலைமைக் கழக பேச்சாளர் இணைச்செயலாளர் வேங்கை பிரியா, மாவட்ட மகளிரணி அமைப்பாளர் திருமதி பவானி கணேசன், மாவட்ட இளைஞரணி துணை அமைப்பாளர்கள் கார்த்தி, மதிவாணன்,
நிர்வாகிகள் எஸ்தர் மேரி, ஆர்.கோதண்டபாணி,
ஆர்.வி.எஸ்.அரங்கநாதன், பிள்ளையார்பட்டி சதீஸ், கண்ணதாசன் இலக்கிய அணி குரு போஸ், ஒன்றிய துணைச் செயலாளர் எஸ். முத்துக்குமார் மற்றும் கூட்டணி கட்சியினர் கலந்து கொண்டார்கள். முன்னதாக நடிகர் கருணாஸ் மனைவி கிரேஸி கருணாஸ் திரைப்பட பாடல்கள் பாடி தனது கணவர் கருணாஸிற்கு வாக்கு சேகரித்தார்.