திருச்சி , ஏப். 21 –

“தமி­ழ­கத்­தின் கலாச்­சா­ரம், மொழி மற்­றும் சமூ­க­நீதி மீது பா.ஜ.க. தொடுக்­கும் தாக்­கு­த­லைத் தடுக்க, தில்­லி­யில் உங்­கள் ராணுவ வீர­னாக இருந்து தமி­ழ­கத்­தைக் காப்­பேன்” என்று காங்­கி­ரஸ் தலை­வ­ரும் மக்­க­ளவை எதிர்க்­கட்­சித் தலை­வ­ரு­மான ராகுல் காந்தி உருக்­க­மா­கப் பேசி­னார்.

திருச்சி மாவட்­டம் துறை­யூ­ரில் சனிக் கிழமை நடை­பெற்ற மதச்­சார்­பற்ற முற்­போக்­குக் கூட்­டணி வேட்­பா­ளர்­களை ஆத­ரித்து தேர்­தல் பிரச்­சா­ரப் பொதுக் கூட்­டத்­தில் ராகுல் காந்தி உரை­யாற்­றி­னார்.

தமி­ழ­கத்­தின் ஆன்­மா­வைப் பறிக்­கச் சதி!

பொதுக் கூட்­டத்­தில் உரை­யாற்­றிய ராகுல் காந்தி, “பா.ஜ.க.வும் ஆர்.எஸ்.எஸ் அமைப்­பும் தமி­ழர்­க­ளின் தொன்­மை­யான மொழி மற்­றும் கலாச்­சா­ரத்தை வெறுக் கின்­றன. தமி­ழக முதல்­வர் ஸ்டாலினை மிரட்­டவோ, அடி­ப­ணிய வைக்­கவோ முடி­யாது என்­பது பா.ஜ.க.வுக்கு நன்­றா­கத் தெரி­யும். எனவே, ஊழல் புகார்­க­ளில் சிக்­கி­யுள்ள அ.தி.மு.க. அமைச்­சர்­களை ஈ.டி., சி.பி.ஐ. அமைப்­பு­களை வைத்து மிரட்­டித் தங்­க­ளுக்கு அடி­ப­ணிய வைத்­துள்­ள­னர்.

இன்­றைய அ.தி.மு.க. என்­பது பா.ஜ.க.வின் முக மூடி­யா­க­வும், பொம்மை கட்­சி­யா­க­வும் மாறி­ விட்­டது.

டிரம்ப்­பி­டம் மோடி சர­ண­டைந்து இந்­தி­யாவை விற்­றது போல, தமி­ழ­கத்தை விற்­கும் ஒரு பொம்மை முதல்­வரை இங்கு அமர்த்த மோடி­யும் அமித் ஷாவும் திட்­ட­மி­டு­கி­றார்­கள்” என்று சாடி­னார்.

தொகுதி மறு­சீ­ர­மைப்பு ஒரு துரோ­கம்!

“மக­ளிர் மசோதா என்ற போர்­வை­யில் தென்­னிந்­திய மாநி­லங்­க­ளின் பிர­தி­நி­தித்­து­வத்­தைக் குறைக்­கும் தொகுதி மறு சீர­மைப்­பைக் கொண்­டு­வர பா.ஜ.க. முயன்­றது. தமி­ழ­கத்­தின் சமூ­க­நீ­திக் கொள்கை அவர்­க­ளுக்கு மிகப்­பெ­ரிய எரிச்­ச­லைத் தரு­கி­றது.

சமத்­து­வத்­தைப் போதிக்­கும் தமி­ழ­கத்­தின் சிந்­த­னை­யைச் சிதைப்­பதே அவர்­க­ளின் நோக்­கம். ஆனால், அவர்­க­ளின் இந்­தச் சூழ்ச்­சி­களை முறி­ய­டித்­துத் தமி­ழ­கத்­தின் உரி­மை­களை மீட்­டெ­டுப்­போம். தமி­ழ­கத்­தின் சமூ­க­நீதி கொள்­கையைநாடு முழு­வ­தும் விரி­வு­ப­டுத்த வேண்­டும்” என்று அவர் வலி­யு­றுத்­தி­னார்.

குடும்ப உற­வும் பாச­மும் “தமி­ழக மக்­க­ளு­ட­னான எனது உறவு அர­சி­யல் சார்ந்­தது அல்ல; இது சம மரி­யாதை, அன்பு மற்­றும் ஈர்ப்­பால் உரு­வா­னது. எனது பாட்டி இந்­திரா காந்தி, தந்தை ராஜீவ் காந்தி காலத்­தி­லி­ருந்து தொடர்ந்து வரும் இந்த உறவு என்­றும் நிலைத்­தி­ருக்­கும்.

தமி­ழ­கத்­திற்­குத் தேவை­யான உரி­மை­க­ளைப் பெற்­றுத் தர தில்­லி­யில் நான் உங்­க­ளுக்­கா­கப் போரா­டு­வேன்” என்று அவர் நெகிழ்ச்­சி­யு­டன் பேசி­னார்.

முன்­ன­தாக, காங்­கி­ரஸ் வேட்­பா­ளர் லெனின் பிர­சாத் வழங்­கிய சீரக சம்பா அரி­சி­யைப் பரி­சா­கப் பெற்­றுக்­கொண்ட ராகுல் காந்தி, “இந்த அரி­சியை வைத்­துச் சமைப்­பேன்” என்று மகிழ்ச்­சி­யு­டன் தெரி வித்­தார்.

இக்­கூட்­டத்­தில் அமைச்­சர் கே.என். நேரு, காங்­கி­ரஸ் மூத்த தலை­வர் கே.வி. தங்­க­பாலு மற்­றும் கூட்­ட­ணிக் கட்சி வேட்­பா­ளர்­கள், நிர்­வா­கி­கள் திர­ளா­கக் கலந்து கொண்­ட­னர்.