ஓசூர், ஏப்.21–

தி.மு.க. தலை­வர் – தமிழ்­நாடு முத­ல­மைச்­சர் ஒரு சமூக நீதிப் போராளி என்­றும், நாட்­டி­லேயே நெம்­பர் ஒன் முத­ல­மைச்­ச­ராக திகழ்­கி­றார் என்­றும் காங்­கி­ரஸ் தலை­வர் மல்­லி­கார்­ஜூன கார்கே தெரி­வித்­துள்­ளார்.

ஓசூ­ரில் மதச்­சார்­பற்ற முற்­போக்­குக் கூட்­ட­ணிக் கட்சி வேட்­பா­ளர்­களை ஆத­ரித்து முதல்­வர் மு.க.ஸ்டாலின் பிர­ச்சா­ரம் மேற்­கொண்­டார். இதில் காங்­கி­ரஸ் தலை­வர் மல்­லி­கார்­ஜுன கார்கே, தேர்­தல் பொறுப்­பா­ளர் கிரிஷ் சோடங்­கர் உள்­ளிட்­டோர் கலந்­து­கொண்­ட­னர்.

இந்த தேர்­தல் பிர­ச்சா­ரப் பொதுக்­கூட்டத் தில் காங்­கி­ரஸ் கட்­சித் தலை­வர் மல்­லி­கார்­ஜுன கார்கே அவர்­கள் பேசி­ய­தா­வது:–

தி.மு.க. தலை­வர், முத­ல­மைச்­சர் மு.க.ஸ்டாலின் அவர்­கள் ஒரு சமூக நீதி போரா­ளி­யாக இன்­றைக்­குத் திகழ்ந்து கொண்­டி­ருக்­கி­றார். நலி­வுற்ற மக்­களை உயர்த்­து­வ­தற்­காக அல்­லும் பக­லும் உழைத்து வரு­கி­றார்.

இன்­றைக்கு இந்­தி­யா­வி­லேயே நெம்­பர் ஒன் முத­ல­மைச்­ச­ராக மு.க.ஸ்டாலின் அவர்­கள் திகழ்­கி­றார். அவர் ஒரு தனி மனி­தர் அல்ல. இன்­றைக்கு சொல்­லப் போனால், இந்த நாடே அவ­ருக்­குப் பின்­னால் இருந்து அவ­ருக்கு ஆத­ர­வாக இருக்­கி­றது.

பல மாதங்­க­ளாக மெள­ன­மாக இருந்­து­விட்டு தற்­போது அர­சி­யல் உள்­நோக்­கத்­து­டன் மக­ளிர் இட­ஒ­துக்­கீட்டை நிறை­வேற்ற நாட­க­மா­டு­கி­றது பாஜக. பெண்­க­ளுக்கு எதி­ரா­னது பாஜக அரசு என்­பதை மக்­கள் மறக்­க­மாட்­டார்­கள்.

மோடியை வீழ்த்த மதச்­சார்­பற்ற முற்­போக்­குக் கூட்­டணி வெற்­றி­யால் மட்­டுமே முடி­யும். மதச்­சார்­பற்ற முற்­போக்­குக் கூட்­ட­ணி­யி­ன­ரின் வாக்­கு­க­ளால் மட்­டுமே தொகுதிமறு­வ­ரையறை மசோ­தாவை தடுக்க முடிந்­தது.

2023–ஆம் ஆண்டே மக­ளிர் ஒட ஒதுக்­கீடு மசோ­தாவை கொண்­டு­வந்து விட்­டோம். ஆனால், அதனை காலம் தாழ்த்தி நிறை­வேற்­றத் துடிப்­பது ஏன்? மனு ஸ்மிரு­தியை பாது­காப்­பதே பாஜ­க­வின் கொள்கை. பாஜக ஆளும் பல மாநி­லங்­க­ளில் பெண்­கள் வன்­மு­றைக்­குள்­ளா­கி­றார்­கள். ஆனால், அவற்றை ஒரு­நா­ளும் மோடி கண்­டித்­த­தில்லை. நாட்­டின் எந்­த­வொரு பிரச்சினைகள் குறித்­தும் பேசா­த­வர் பிர­த­மர் மோடி.

மக்­க­ளின் பிரச்சினை­க­ளுக்கு ஒரு­நா­ளும் செவி­சாய்த்­த­தில்லை. பண­ம­திப்­பி­ழப்பு கொண்­டு­வந்­தார். அதனை ஏழை­க­ளுக்­காக செய்­தாரா?

கன்­னி­யா­கு­ம­ரி­யில் இருந்து காஷ்­மீர் வரை ராகுல் காந்தி நடைப்­ப­ய­ணம் மேற்­கொண்டு மக்­கள்பிரச்சினைகளை அறிந்­தார். மோடி அது­போன்று ஏதா­வது செய்­துள்­ளாரா? ஆட்சி அதி­கா­ரம் ஒன்றே பிர­த­ம­ரின் குறிக்­கோள். மக்­கள் தொகையை கட்­டுப்­ப­டுத்த பல்­வேறு நட­வ­டிக்­கை­களை எடுத்­தோம்.

தமிழ்­நாடு, கர்­நா­ட­கம், தெலங்­கானா, கேர­ளம் போன்ற மாநி­லங்­கள் மக்­கள் தொகையை கட்­டுப்­ப­டுத்­தின. அதற்கு தொகுதி மறு­வ­ரை­யறை மூலம் தண்­டனை கொடுக்­கப்­ப­டு­கி­றது.

இத்­த­கைய ஆட்­சிக்கு எதி­ராக இளை­ஞர்­கள், பெண்­கள் என பல­ரும் இணைந்து காங்­கி­ரஸ், தி.மு.க. உள்­ளிட்ட ஒரே சிந்­தனை உடைய மதச்­சார்­பற்ற முற்­போக்­குக் கூட்­ட­ணிக்கு வாக்­க­ளிக்க வேண்­டும்.

இவ்­வாறு காங்­கி­ரஸ் தலை­வர் மல்­லி­கார்­ஜூன கார்கே தனது உரை­யில் தெரி­வித்­தார்.