கீழ்பென்னாத்தூர், ஏப். 22–
கீழ்பென்னாத்தூர் சட்டமன்றத் தொகுதியில் மகளிர் சுயஉதவி குழுக்கள் மற்றும் பொதுமக்கள் மத்தியில் நடைபெற்ற கூட்டத்தில் அமைச்சர் எ.வ. வேலு கலந்து கொண்டு உரையாற்றினார்.
அவர் பேசியதாவது:
“தமிழ்நாட்டில் தற்போது நிலவும் அரசியல் சூழ்நிலையில், எதிர்க்கட்சிகள் பொய்யான வாக்குறுதிகளை அளித்து மக்களை தவறாக வழிநடத்த முயற்சிக்கின்றன. ‘வானத்தை வில்லாக வளைப்பேன், மண்ணை கயிறாக திரிப்பேன்’ என்று கூறும் வகையில் யதார்த்தமற்ற வாக்குறுதிகளை வழங்கி மக்களை ஏமாற்றுகின்றனர்.
எடப்பாடி பழனிசாமி அவர்கள் தனது தேர்தல் அறிக்கையில் கூறிய ஒரு வாக்குறுதியையும் முழுமையாக நிறைவேற்ற வில்லை. ஒரு ரேஷன் கார்டுக்கு செல்போன் வழங்குவேன் என்று கூறினார். ஆனால் அவை எதுவும் நடை
முறைக்கு வரவில்லை.
ஆனால் முதலமைச்சர் மு.க. ஸ்டாலின் அவர்கள், சொன்ன வாக்குறுதிகளை மட்டும் அல்லாமல், சொல்லாத வாக்குறுதிகளையும் நிறைவேற்றியுள்ளார். குறிப்பாக விடியல் பயணம் திட்டம், மகளிர் உரிமைத்தொகை, காலை உணவு திட்டம், நான் முதல்வன் திட்டம், புதுமைப்பெண் திட்டம், இல்லம் தேடி கல்வி, இல்லம் தேடி மருத்துவம் போன்ற பல மக்கள் நலத்திட்டங்களை வழங்கியுள்ளார்.
ஆனால் எடப்பாடி தலைமையிலான ஆட்சியில் எந்த ஒரு முக்கியமான திட்டமும் செயல்படுத்தப்படவில்லை.
மேலும், இந்த தேர்தலிலும் மக்களுக்காக பல்வேறு நலத்திட்டங்கள் அறிவிக்கப்பட்டுள்ளன. இல்லத்தரசிகளுக்கான ரூ.8,000 கூப்பன் திட்டம், மகளிர் உரிமைத் தொகை ரூ.2,000, நான் முதல்வன் மற்றும் புதுமைப்பெண் திட்டங்களுக்கு மாதம் ரூ.1,500 வழங்கப்படும். விடியல் பயணம் திட்டமும் தொடர்ந்து செயல்படுத்தப்படும். இத்திட்டங்கள் அனைத்தையும் நிச்சய மாக நிறைவேற்றுவார்.
ஆகையால், சொன்ன வாக்குறுதிகளை நிறைவேற்றுபவர்களுக்கு மக்கள் வாக்களிக்க வேண்டும். ‘செய்வதை சொல் வார், சொல்வதை செய்வார்’ என்பதே தளபதி மு.க. ஸ்டாலின் அவர்களின் அடையாளம்.
அதேபோல், உங்கள் தொகுதி வேட்பாளர்
கு.பிச்சாண்டி மிகவும் அமைதியானவர், உங்கள் வீட்டுப் பிள்ளை போன்றவர். எந்நேரமும் அவரை நீங்கள் சந்திக்கலாம். மக்களுடன் எளிதாக பழகும் குணம் கொண்டவர்.
ரூ.8,000 மகளிர் கூப்பன் திட்டத்தின் மூலம், இந்த பகுதியில் உள்ள பெண்கள் தங்களுக்கு தேவையான பொருட்களை வாங்கலாம். குறிப்பாக டிவி, ஃப்ரிட்ஜ், மைக்ரோ ஓவன், வாஷிங் மெஷின் போன்ற உபகரணங்களை வாங்க இந்த திட்டம் உதவும்.
மகளிர்க்காக சிறப்பான ஆட்சி வழங்கக்கூடியவர் மு.க. ஸ்டாலின் என்பதால், அனைவரும் உதயசூரியன் சின்னத்தில் வாக்களித்து, உங்கள் வீட்டுப் பிள்ளை கு. பிச்சாண்டியை பெருவாரியான வாக்கு வித்தியாசத்தில் வெற்றி பெறச் செய்ய வேண்டும்” என்றார்.
இந்த கூட்டத்தில் மாநில பொறியாளர் அணி செயலாளர் எஸ்.கே.பி. கருணா, ஒன்றிய செயலாளர் ஆரஞ்சு ஆறுமுகம், பேரூராட்சி செயலாளர் சி.கே. அன்பு முருகையன், தொகுதி பொறுப்பாளர்கள், பணிக்குழு நிர்வாகி கள், மாவட்ட பிரதிநிதிகள் இளைஞர் அணி மகளிர் அணி சின்னத்திரை நடிகர் சையத் ஜஹிருத்தீன் மற்றும் கூட்டணி கட்சி நிர்வாகிகள் உள்ளிட்டோர் கலந்து கொண்டனர்.