திருச்சி, ஏப்.22-–
திராவிடத்தை யாராலும், எவனாலும் வீழ்த்த முடியாது என மக்கள் நீதி மய்யத்தின் தலைவர் கமல்ஹாசன் தெரிவித்தார்.
திருச்சி மாவட்டத்தில் சுற்றுப் பயணம் செய்து பிரசாரம் மேற்கொண்ட மக்கள் நீதி மய்யத்தின் தலைவர் கமல்ஹாசன் திருச்சி மேற்கு தொகுதியில் அமைச்சர் கே.என். நேருவுக்கு ஆதரவாக உதயசூரியன் சின்னத்தில் வாக்குகள் கேட்டு பேசியதாவது:
திருச்சி என் மனதில் நெருங்கிய இடம் பிடித்த பகுதி. மறைந்த எனது மூத்த சகோதரர் சந்திரஹாசன் 40 ஆண்டுகள் இங்குதான் இருந்தார். திருச்சியை முன்னோடியாக கொண்டு செல்ல வேண்டும் என்றால் திராவிட மாடல் ஆட்சியே மீண்டும் தொடர வேண்டும். தமிழகத்தை உற்று நோக்குகையில் உலக நாடுகள் பலவும் வியக்கு கின்றன என்றால், அது பள்ளிக் கல்வியில் செய்துள்ள புரட்சியே. மத்திய அரசு மும்மொழிக் கொள்கையை திணித்தபோதும் அதனை ஏற்காது, நிதியை வழங்காவிட்டாலும் தமிழகம் போராடும் என இருமொழிக் கொள்கையில் உறுதியாக நின்றது. தமிழகத்துக்கு தனிக் கல்விக் கொள்கையை உருவாக்கி, குறிப்பாக, கல்வி சேர்க்கையில் பெண்களின் எண்ணிக்கை முன்
பிருந்ததைவிட 34 விழுக்காடு அதிகமாகியுள்ளது. அமெரிக்க, ஐரோப்ப நாடுகளே தமிழகப் பொருளாதாரத்தை கண்டு வியக்கிறது. இந்தியப் பொருளாதார வளர்ச்சியில் முக்கியப் பங்கு வகிக்கும் மாநிலங்களில் தமிழகம் முன்னோடி யாக உள்ளது. நான் முதல்வன் திட்டம் மூலம் மாணவர்கள் அனைவரையும் முதல்வனாக்கும் திட்டத்தை கொண்டு வந்துள்ளார் முதல்வர் மு.க. ஸ்டா லின். திருச்சிக்கு ஒலிம்பிக் அகாதெமியை அளித்து, சிறிய கிராமங்க ளில் எல்லாம் விளையாட்டு மைதானத்தை அளித்துள்ளார் துணை முதல்வர் உதயநிதி ஸ்டாலின். ஆனால், தில்லியோ தமிழகத்தை திரும்பிப் பார்க்க மறுக்கிறது. பட்ஜெட்டில் தமிழகத்துக்கு ஒதுக்கீடு இல்லை. இது செஞ்சாதான், அது கொடுப்போம் என்பது வியாபாரமா?. இந்தத் திட்டத்தை செயல்படுத்தினால், நிதி என்பது மத்திய அரசின் மிரட்டல் நடவடிக்கையே. மொழியை திணிக்கக் கூடாது. ஒவ்வொரு மொழிக்கும் பாரம்பரியம், வரலாறு உள்ளது. தமிழர்களின் பாரம்பரியத்துக்கு கீழடியே சாட்சி. ஆனால், அந்த கீழடியை ஏற்காது மறைக்க முயலுகின்றனர். எனவேதான், பிரதமருக்கு கீழடி நினைவுச் சின்னத்தை பரிசளித்தேன்.
ஹிந்தி மொழியின் வயது என்ன?. அவரவர் நம்பிக்கை அவருடையது. அதை வேறொருவர் மீது திணிக்கக் கூடாது. குழந்தையிடம் அதுக்கு தேவையில்லாததை வாயில் திணித்தால் துப்பிவிடும். கக்கிவிடும். தமிழகத்துக்கு தேவையில்லாதவற்றை மத்திய அரசு திணித்தால் அதேநிலை உருவாகும்.இந்தத் தேர்தலின் மையக் கருத்தே வளர்ச்சி தொடர வேண்டுமா?, மாநில உரிமைகள் காக்கப்பட வேண்டுமா? என்ற கேள்விகளுக்கான பதில்தான். அந்த பதிலை வாக்கு மூலம் ஏப்.23ஆம் தேதி அனைவரும் தெரிவிக்க வேண்டும்.எதிர்த்து பேசியவர்கள், எதிர் சித்தாந்தம் கொண்டவர்கள், மாற்றுக் கொள்கை கொண்டவர்கள் என 15 கட்சிகளுக்கு மேல் ஓரணியில் அரவணைத்து செல்லும் முதல்வரின் கரத்தை வலுப்படுத்த வேண்டும். ம்ககள் நீதி மய்யம் கட்சிதான் முதன்
முதலாக மகளிர் உரிமைத் தொகைத் திட்டம் குறித்து பேசியது. அதனை செயல்
படுத்திய காரணத்துக்காகவே திமுக அரசை மக்கள் நீதி மய்யம் ஆதரிக்கிறது. கட்சி நலன் பாராது, தமிழகத்தின் நலன்தான் முக்கியம் என்பதற்காவே தி.மு.க. கூட்டணியில் இடம்பெற்றுள்ளோம். மழை, புயல், வெள்ளம், விபத்து காலங்களில் முந்தைய முதல்வர் ஹெலிகாப்டரில் வந்தது தெரியும். இப்போது, மக்களைத் தேடி ஓடோடி வரும் முதல்வர் யார் என்பது மக்களுக்குத் தெரிகிறது. வடக்கு இந்தியா கம்பெனி தமிழகத்தை கைப்பற்ற முயற்சிக்கிறது. ஒரே மாதிரி தேர்தல், ஒரே மாதிரி வண்ணம் என்பது ஒரே நாடாக இருக்காது. சாத்தியமும் இல்லை. தமிழகம் தேசிய நீரோட்டத்துடன் கலக்காது என்பது பெரிய பொய். அமைச்சர் கே.என். நேருவுக்கு சூட்டியுள்ள பெயரே தேசிய நீரோட்டத்தில் தமிழகம் கலந்திருப்பதற்கான சாட்சி. பொய்யான கருத்து திணிப்புகளை நம்பக் கூடாது. கைபேசிகளை திருப்பி வைத்துவிட்டு சிந்தித்துப் பார்த்தால் வளர்ச்சி பாதைக்கு அழைத்து சென்றது யார் என தெரியும். திராவிடத்தை யாராலும், எவனாலும் வீழ்த்த முடியாது. எத்தனை கட்சிகள் இருந்தாலும் திராவிடத்தை தொடவே முடியாது .
இவ்வாறு அவர் பேசினார் .