திருச்சி, ஏப். 22 –
தமிழகத்தின் தற்போதைய அரசியல் சூழலில், திராவிட முன்னேற்றக் கழகத்தின் தலைமையிலான ‘திராவிட மாடல்’ ஆட்சி தொடர வேண்டியதன் அவசியத்தை வலியுறுத்தினார் விடுதலைச் சிறுத்தை கள் கட்சியின் தலைவர் தொல். திருமாவளவன் அவர்கள் திருச்சி கிழக்குத் தொகுதியில் மதச்சார்பற்ற முற்போக்கு கூட்டணியின் கிழக்கு சட்டமன்ற வேட்பாளர் இனிகோ இருதயராஜ் ஆதரித்து கீழப்புதூர் கீழக்கரை தாராநல்லூர் ஆகிய பகுதிகளில் திருச்சி தெற்கு மாவட்ட கழக செயலாளர் திருவெறும்பூர் மதச்சார்பற்ற முற்போக்கு கூட்டணியின் சட்டமன்ற வேட்பாளருமான அமைச்சர் அன்பில் மகேஸ் பொய்யாமொழி தலைமையில் நடைபெற்ற தேர்தல் பரப்புரையில் எழுச்சி உரையாற்றினார்.
புரட்சிகரமான திட்டங்களும் திராவிட மாடலும் முதலமைச்சர் மு.க. ஸ்டாலின் அவர்களின் தலைமையிலான அரசு, சமூகத்தின் அனைத்துத் தரப்பினருக்குமான திட்டங்களைச் செயல்படுத்தி வருவதாக அவர் குறிப் பிட்டார்:
மகளிர் விடியல் பயணம்: அரசுப் பேருந்துகளில் பெண்களுக்கு இலவசப் பயணம். மகளிர் உரிமைத் தொகை: தற்போது வழங்கப்பட்டு வரும் ₹1000 ஊக்கத்தொகையை ₹2000-ஆக உயர்த்தும் முன்னெடுப்பு.
கல்வி மற்றும் திறன் மேம்பாடு: மாணவர்களின் எதிர்காலத்தை உறுதி செய்யும் ‘நான் முதல்வன்’ திட்டம், உயர்கல்வி மாணவர்களுக்கான ‘புதுமைப் பெண்’ மற்றும் ‘தமிழ்ப் புதல்வன்’ நிதி உதவித் திட்டங்கள்.
பசிப்பிணி போக்கும் திட்டம்: அரசுப் பள்ளி மாணவர்களுக்கான காலைச் சிற்றுண்டித் திட்டம்.
தலித் கிறிஸ்தவர் உரிமைக்கான போராட்டம்
தலித் கிறிஸ்தவர்களைப் பட்டியல் இனத்தில் (SC) சேர்க்க வேண்டும் என்ற நீண்ட காலக் கோரிக்கையை விசிக தொடர்ந்து முன்வைத்து வருகிறது. இந்தக் கோரிக்கை நிறைவேற வும், தலித் கிறிஸ்தவர்க ளுக்கான உள் இடஒதுக்கீட்டை உறுதி செய்யவும் தி.மு.க. ஆட்சி தொடர வேண்டியது காலத்தின் கட்டாயம் என அவர் வலியுறுத்தினார்.
அரசியல் விமர்சனங்கள்: பா.ஜ.க. மற்றும் அதன் நிழல் கூட்டணிகள் பா.ஜ.க. அரசு சிறுபான்மை யினருக்கு எதிராகச் செயல்படுவதாகக் கடுமையான விமர்சனங்களை முன்வைத்தார்:
பா.ஜ.க. எதிர்ப்பு: வெளிநாட்டு நிதி உதவி பெறும் கிறிஸ்தவ நிறுவனங்களை முடக்குவது (FCRA), மத உணர்வுகளைப் புண்ப டுத்துவது போன்ற செயல்களில் பாஜக ஈடுபடுவதாகச் சாடினார்.
அ.தி.மு.க. விமர்சனம்: பாஜகவின் கொள்கைகளைச் சுமந்து வரும் அதிமுகவிற்கு மக்கள் தகுந்த பாடம் புகட்ட வேண்டும் என வேண்டுகோள் விடுத்தார்.
நடிகர் விஜய் மீதான விமர்சனம்: நடிகர் விஜய் (ஜோசப் விஜய்) மறைமுகமாக பாஜகவின் நலன்களுக்குத் துணை போவதாகவும், சிறுபான்மையினரின் வாக்குகளைப் பிரித்து திமுக ஆட்சியை அகற்றுவதற்காகவே அவர் கட்சி தொடங்கியுள்ளதாகவும் குற்றம் சாட்டினார்.
நல்லெண்ண இயக்கத்தின் நிறுவனத் தலைவரும், உதயசூரியன் சின்னத்தில் போட்டியிடும் வேட்பாளருமான அண்ணன் இனிகோ இருதயராஜ் அவர்களை ஆதரித்துப் பேசிய அவர்:
உதயசூரியன் சின்னம்: இதனை ‘கிறிஸ்தவர்களின் பாதுகாப்புச் சின்னம்’ எனக் குறிப்பிட்ட திருமாவளவன், சிறுபான்மை யினர் வாக்குகளைச் சிதறவிடாமல் உதயசூரியனுக்கு வாக்களிக்கக் கேட்டுக்கொண்டார்.
வேட்பாளர் இனிகோ இருதயராஜ் அவர்கள் மிகவும் எளிமையானவர், மக்களுக்காக எப்போதும் களத்தில் நிற்பவர் எனப் புகழாரம் சூட்டினார்.
மதச்சார்பற்ற கொள்கைகளையும், சமூக நல்லிணக்கத்தையும் பேணிக்காக்க வேண்டியது ஒவ்வொரு வாக்காளரின் கடமை. எனவே, விளிம்புநிலை மக்களின் உரிமைகளுக்காகவும், தமிழகத்தின் வளர்ச்சிப் பாதை தொடரவும் உதயசூரியன் சின்னத்தில் வாக்களித்து மதச்சார்பற்ற கூட்டணி யைப் பெருவெற்றி பெறச் செய்ய வேண்டும் எனத் தொல். திருமாவளவன் அவர்கள் தனது உரையை நிறைவு செய்தார்.
இறுதியாக திருச்சி தெற்கு மாவட்ட கழகச் செயலாளரும் திருவெறு ம்பூர் மதச்சார்பற்ற முற்போக்கு கூட்டணியின் வேட்பாளருமான அமைச்சர் முனைவர் அன்பில் மகேஸ் பொய்யாமொழி விற்கு உதயசூரியன் சின்னத்தில் வாக்களித்து பெருவாரியான வாக்குகள் வித்தியாசத்தில் வெற்றி பெறச் செய்ய வேண்டும் என கேட்டுக்கொண்டார்
இந்நிகழ்வில் தி.மு.க கழக மாநகரச் செயலாளர்
மு.மதிவாணன் தலை மைச் செயற்குழு உறுப்பினர் வண்ணை அரங்கநாதன், பகுதி கழகச் செயலாளர் ராஜ்முஹம்மத், பாபு மற்றும் கூட்டணி கட்சிகளின் நிர்வாகிகள் பொதுமக்கள் பெரும் திரளாக கலந்து கொண்டு சிறப் பித்தனர்.