சென்னை, ஏப். 22 –

முதல்­வர் மு.க.ஸ்டாலின்அவர்­க­ளு­டன் ஆம் ஆத்மி கட்­சித்தலைவர் கெஜ்­ரி­வால் நேற்று முன்தினம் பிரச்­சா­ரம் செய்­தார். அப்­போதுதேர்­த­லுக்­குப் பிறகு அ.தி.மு.க.வை பா.ஜ.க. 3ஆக பிளந்­து­வி­டும் என்று கெஜ்­ரி­வால் குறிப்­பிட்­டார்.பா.ஜ.க.வுடன் கூட்­டணி அமைத்துஅ.தி.மு.க. மிகப்­பெ­ரிய துரோ­கத்­தைச் செய்­து­விட்­ட­தா­கத் தெரி­வித்­தார். மேலும், ஸ்டாலின் தமி­ழ­கத்­திற்­காக மட்­டு­மின்றி ஒட்­டு­மொத்த இந்­திய தேசத்­திற்­கா­க­வும் குரல் கொடுக்­கி­றார் என்­றும் அவர் தெரி­வித்­தார்.

சென்­னை­யில் தமிழ்­நாடு முதல்­வர் மு.க.ஸ்டாலின் அவர்­க­ளு­டன் இணைந்து டெல்லி மாநில முன்­னாள் முதல்­வ­ரும் ஆம் ஆத்மி கட்­சித் தலை­வ­ரு­மான கெஜ்­ரி­வால் பிரச்­சா­ரம் மேற்­கொண்­டார். சென்னை புளி­யந்­தோப்பு பகு­தி­யில் பிரச்­சா­ரம் செய்­த­னர். “வணக்­கம்” எனச் சொல்லி தமி­ழில் கெஜ்­ரி­வால் தனது உரையை தொடங்­கி­னார். அப்­போது அவர் பேசி­ய­தா­வது:–

தமிழ்­நாட்­டில் சிறப்­பான ஆட்சி நடப்­ப­தைப் பார்க்க முடி­கி­றது. தமிழ்­நாடு மக்­கள் மத்­தி­யில் பேசு­வ­தைப் பெரு­மை­யாக நினைக்­கி­றேன். அ.தி.மு.க.வை பா.ஜ.க. முழு­மை­யா­கக் கைப்­பற்­றி­விட்­டது. பா.ஜ.க. கட்­டுப்­பாட்­டில் தான் அ.தி.மு.க. உள்­ளது.

“பீகா­ரில் என்ன நடந்­தது என்று பாருங்­கள்.. நேற்று வரை முதல்­வ­ராக இருந்த நிதிஷ் குமாரை இன்று அந்த பத­வி­யில் இருந்து நீக்­கி­விட்­டார்­கள். இன்று அவர் சாதா­ரண எம்.பி.யாக ஆக்­கி­விட்­டார்­கள்.

தேர்­த­லுக்­குப் பிறகு அ.தி.மு.க. வை 3ஆக பா.ஜ.க. பிளந்­து­வி­டும். அதன் பிறகு பா.ஜ.க. ஆட்­டத்தை ஆரம்­பித்­து­வி­டும். அவர்­கள் தமிழ்­நாட்டை ஆளத் துடிக்­கி­றார்­கள். தமிழ்­நாட்­டிற்கு பா.ஜ.க. தேவை­யில்லை. பா.ஜ.க.வுடன் கூட்­டணி அமைத்து மிகப் பெரிய பாவத்தை அ.தி.மு.க. செய்­து­விட்­டது.

டெல்­லி­யில் நாங்­கள் இத்­தனை கால­மா­கச் செய்த எல்லா நல்ல விஷ­யங்­க­ளை­யும் பா.ஜ.க. நிறுத்­தி­விட்­டது. நாங்­கள் ஆரம்­பித்த பள்ளி, மருத்­து­வ­ம­னை­கள் என எல்­லா­வற்­றை­யும் நிறுத்­தி­விட்­டார்­ கள். நாங்­கள் மின்­சா­ரம், தண்­ணீரை இல­வ­ச­மா­கக் கொடுத்­தோம். அதை­யும் நிறுத்­தி ­விட்­டார்­கள். நான் இதை உங்­க­ளுக்கு ஒரு எச்­ச­ரிக்­கை­யா­கவே விடுக்­கி­றேன். அவர்­கள் வந்­தால் எல்லா நல்ல விஷ­யங்­க­ளை ­யும் நிறுத்­தி­வி­டு­வார்­கள்.

ஸ்டாலின் தமிழ்­நாட்­டிற்­கா­கப் பல வளர்ச்சி திட்­டங்­க­ளைக் கொண்டு வந்­துள்­ளார். அது தொடர வேண்­டும். மத்­தி­யில் பா.ஜ.க.வுக்கு எதி­ராக வலி­மை­யான குர­லாக ஸ்டாலின் இருக்­கி­றார். அவர் தமிழ்­நாட்­டிற்கு மட்­டு­மில்லை.. ஒட்­டு­மொத்த தேசத்­திற்­கா­க­வும் குரல் கொடுக்­கி­றார். தொகுதி மறு­சீ­ர­மைப்பு மசோதா மூலம் நாட்டை உடைக்க பார்த்­தார்­கள். ஆனால், அதற்கு எதி­ரா­க­வும் ஸ்டாலின் குரல் கொடுத்­தார். பா.ஜ.க.வின் திட்­டத்தை முறி­ய­டித்­தோம்”.

முதல்­வர் மு.க.ஸ்டாலின் போல்

வேறு தலை­வர் கிடைக்க மாட்­டார்!

முத­ல­மைச்­சர் மு.க. ஸ்டாலி­னைப் போல உங்­க­ளுக்கு ஒரு தலை­வர் கிடைக்க மாட்­டார். தமிழ்­நாட்­டுக்கு ஏரா­ள­மான நன்­மை­களை செய்­துள்­ளார் முத­ல­மைச்­சர் மு.க.ஸ்டாலின் தமிழ்­நாட்­டுக்கு மட்­டு­மல்­லா­மல் ஒட்­டு­மொத்த இந்­தி­யா­வுக்­கா­க­வும் பாடு­ப­டு­கி­றார். தமிழ்­நாடு மக்­க­ளின் மத்­தி­யில் பேசு­வதை பெரு­மை­யாக நினைக்­கி­றேன்.

“நான் டெல்­லி­யில் இருந்து வந்­தி­ருக்­கி­றேன், ஏனென்­றால் ஸ்டாலின் என்­னு­டைய சகோ­த­ரர். அவர் எனக்கு மிக­வும் நெருங்­கிய நண்­பர். அது­மட்­டு­மல்­லா­மல், உங்­கள் குடும்­பத்­திற்கு நிறைய வளர்ச்சி பணி­களை செய்­தி­ருக்­கி­றார். உங்­க­ளு­டைய குழந்­தை­க­ளுக்­காக அதிக பணி­களை செய்துவரு­கி­றார். உங்­கள் குடும்­பத்­தின் உடல்­ந­லத்­திற்­கா­க­வும் கல்­விக்­கா­க­வும் நிறைய உழைத்து வரு­கி­றார். அவர் மாதிரி ஒரு தலை­வர் உங்­க­ளுக்கு கிடைக்­கப்­போ­வ­ தில்லை. அத­னால் தான் அவ­ருக்­காக வாக்கு சேக­ரிக்க நான் வந்­தி­ருக்­கி­றேன். நான் டெல்லி முதல்­வ­ராக இருந்த போது, ஒரு நாள் தமிழ்­நாட்­டின் முதல்­வர் அலு­வ­ல­கத்­தில் இருந்து அவர் மூல­மாக எனக்கு கால் வந்­தது. டெல்­லி­யில் செய்­துள்ள நல்ல பணி­களை பார்க்க வேண்­டும் என்று முதல்­வர் ஸ்டாலின் கூறி­னார். நான் மிக­வும் ஆச்­ச­ரி­ய­ம­டைந்­தேன்.

மக்­க­ளுக்­காக உழைக்­கும்

முதல்­வர் ஸ்டாலின்!

பொது­வாக முத­ல­மைச்­சர்­ களி­டம் அதி­க­மாக அகங்­கா­ரம் இருக்­கும். யாரும் மற்ற மாநி­லங்­க­ளுக்­குச் சென்று அங்கு செய்­துள்ள நல்ல பணி­களை பார்க்க மாட்­டார்­கள். ஆனால் ஸ்டாலி­னுக்கு அகங்­கா­ரம் இல்லை. அவர் மக்­க­ளுக்­காக உழைக்­கி­றார். அவர் டெல்­லிக்கு வந்து நாங்­கள் மேம்­ப­டுத்­திய மருத்­து­வ­ம­னை­கள், பள்­ளி­கள் அனைத்­தை­யும் பார்­வை­யிட்­டார். அதன் பிறகு அவர் என்னை தமிழ்­நாட்­டுக்கு வர வேண்­டும் என அழைப்பு விடுத்­தார். நானும் தமிழ்­நாட்­டுக்கு வந்து இங்கு செய்­துள்ள நல்ல பணி­களை பார்த்­தேன். சுமார் 1.3 கோடி குடும்ப பெண்­கள் ஒவ்­வொரு மாத­மும் ரூ.1,000 ஊக்­கத்­தொகை பெறு­கி­றார்­கள். இந்­தி­யா­வி­லேயே மற்ற மாநி­லங்­கள் இதை பெற்­றி­ருக்­க­வில்லை. இங்கே முதல்­வ­ரின் காலை உண­வுத் திட்­டம் உள்­ளது. இதன் மூலம் பள்­ளிக் குழந்­தை­கள் காலை உண­வைப் பெறு­கி­றார்­கள். இந்­தி­யா­வி­லேயே எந்த மாநி­ல­மும் இதை செயல்­ப­டுத்­த­வில்லை. பள்­ளி­யில் தேர்ச்சி பெற்று கல்­லூரி செல்­லும் பெண்­கள் ஒவ்­வொரு மாத­மும் ரூ.1,000 பெறு­கி­றார்­கள். நாட்­டி­லுள்ள வேறு எந்த மாநி­லத்­திற்­கும் இது கிடைப்­ப­தில்லை.

பா.ஜ.க.வை வெறுக்­கும்

தமிழ்­நாட்டு மக்­கள்!

என்.டி.ஏ என்­றால் நியூ டெல்லி அலைன்ஸ் (New delhi alliance). என்.டி.ஏ என்­பது பா.ஜ.க மற்­றும் அதி­முக அல்ல, என்.டி.ஏ என்­பது பா.ஜ.க மட்­டும் தான். அதி­மு­கவை பா.ஜ.க அப­க­ரித்­து­விட்­டது. பீகா­ரில் என்ன நடந்­தது என்று பாருங்­கள். நேற்று வரை நிதிஷ் குமார் முதல்­வ­ராக இருந்­தார், ஆனால் இன்று அவர் ராஜ்ய சபா எம்.பியாக பத­வி­யேற்­றுள்­ளார். அவ­ருக்கு நடந்­தது மாதிரி தான் அதி­மு­க­வுக்­கும் நடக்­கும். அதி­முக மூன்று துண்­டு­க­ளாக உடைந்­துள்­ளது. அதை பா.ஜ.க முழு­மை­யாக கைப்­பற்­றி­விட்­டது. தமிழ்­நாட்டை அப­க­ரிக்க வேண்­டும் என பா.ஜ.க நினைக்­கி­றது. ஆனால் தமிழ்­நாட்டு மக்­கள் பா.ஜ.கவை வெறுக்­கி­றார்­கள்”.

இவ்­வாறு டெல்லி முன்­னாள் முதல்­வர் அர­விந்த் கெஜ்­ரி­வால் பேசி­னார்.