சென்னை. ஏப். 22 –
நடைபெற இருக்கும் தமிழ்நாடு சட்ட மன்றத் தேர்தலில் மதச்சார்பற்ற தி.மு.க. முற்போக்குக் கூட்டணிக்குப் பள்ளி, கல்லூரி, பல்கலைக்கழக ஆசிரியர்கள் வாக்களித்து வெற்றிக்கு வழிசெய்ய வேண்டும் என்று சென்னைப் பல்கலைக்கழக ஆசிரியர் பேரவை மேனாள் தலைவரும் சென்னைப் பல்கலைக்கழக ஓய்வாசிரியர் பேரவை இந்நாள் தலைவரும் ஆன பேராசிரியர் மா.செல்வராசன் வேண்டுகோள் விடுத்துள்ளார்.
இது குறித்து அவர் வெளியிட்டுள்ள அறிக்கை வருமாறு!
பேரறிஞர் அண்ணா ஆட்சியில் இருந்த கால முதல் ஆசிரியர்கள் மேல் அளவற்ற மதிப்புக் கொண்டு அவர்களது தேவைகளை முழுமையாக நிறைவேற்றி வருகிறது தி.மு.க. அரசு.தமிழாசிரியர் தலைமை ஆசிரியர் ஆக முடியும் என்று ஆணை வெளியிட்டது தி.மு.க அரசு. ஊதியக் குழுக்கள் அமைத்து வறுமையில் இருந்த ஆசிரியர்கள் வளம்பெறும் வகையில் ஊதிய உயர்வை வாரி வழங்கியவர் முதல்வர் கலைஞர்! ஊர தோறும் பள்ளி என உருவாக்கியதால் ஆசிரியர்கள் எண்ணிக்கை உயர்ந்தது. பரிவுரை இல்லாமல் பணிமூப்பு அடிப்படையில் ஆசிரியர்களைத் தேர்ந்தெடுக்க ஆணயிட்டவர் கலைஞர் கல்லூரிகளின் எண்ணிக்கை கடகட என உயர்ந்தது கலைஞரால்! சிறிய நகரங்களில் எல்லாம. கல்லூரிகள் திறந்து தனியார்மயம் இருந்த கல்லூரிக் கல்வியை அரசுக் கல்லூரிகள் மூலம் இலவசமாக்கி அதிகப்படுத்தினார் . கல்லூரி, பல்கலைக்கழக ஆசிரியர்களுக்குப் பல்கலைக்கழக நல்கை ஆணைய உயர் ஊதியத்தை (யு.ஜி.சி) ஆசிரியர்கள் கேட்குமுன்1989,1996,2006 ஆம் ஆண்டுகளில் அள்ளி வழங்கினார். ஆனால் இதே யு.ஜி.சி ஊதிய உயர்வை அஇஅதிமுக ஆட்சியில் ஆசிரியர்கள் போராட்டங்கள் நடத்திச் சிறைகளை நிரப்பிய பின்னரே பெற முடிந்தது என்பது ஆசிரியர்கள் நினைவில் இருக்கும்.
இன்றைய முதல்வர் மு.க. ஸ்டாலின் அவர்கள் கல்வி வளர்ச்சியில் கண்ணுங் கருத்துமாக உள்ளார். பல்வேறு திட்டங்கள், சலுகைகள் மூலம் கற்போர் எண்ணிக்கையை உயர்த்தி வருகின்றார் . ஆண்டுக்கு ஐம்பதாயிரம் கோடி உரூபா கல்விக்கு ஒதுக்குகின்றார் மகப்பேறு விடுப்பு முதல் ஆசிரியர்களுக்கு எவ்வளவோ சலுகைகளை அளித்துள்ளர்.நீக்கப் பட்ட பழைய ஓய்வூதியத்தை ஆசிரியர்கள் விருப்பப்படி நிறைவேற்றி உள்ளார்.
இருபது அரசு கலை அறிவியல் கல்லூரிகள் திறந்துள்ளார்.
பதினான்கு பல்கலைக் கழகங்களில் துணை வேந்தர் களை நியமிக்க முடியா நெருக்கடி நிலையை ஒன்றிய அரசை ஆளும் கட்சி உருவாக்கி வருகின்றது! உயர்கல்வி எல்லோருக்கும் என்ற திராவிட மாடல் கொள்கைக்கு எதிராக உயர்கல்வி ஒரு சிலர்க்கே என்ற பிற்போக்குக் கொள்கையை ஒன்றிய அரசு நடைமுறைப் படுத்தி வருகிறது.
எனவே பள்ளிக் கல்வி சிறக்க,பல்கலைக்கழக,கல்லூரிக் கல்வி மேம்பட முதல்வர் மு.க. ஸ்டாலின் தலைமையிலான மதச்சார்பற்ற தி.மு.க. முற்போக்குக் கூட்டணிக்கு எல்லா ஆசிரியர்களும் வாக்களித்து வெற்றபெறச் செய்வது கடமையாகும்.
இவ்வாறு மா.செல்வ ராசன் வேண்டுகோள் விடுத்துள்ளார்.