சென்னை, ஏப். 23–

கழ­கத் தலை­வ­ரும், முத­ல­மைச்­ச­ரு­மான மு.க.ஸ்டாலின் அவர்­கள் நேற்றுமுன்தினம் (21.04.2026) சென்னை – வில்­லி­வாக்­கம் சட்­ட­மன்­றத் தொகுதி கழக வேட்­பா­ளர் கார்த்­திக் மோகனை ஆத­ரித்து, ஆற்­றிய உரை வரு­மாறு:–

தமிழ்­நாடு மீதும், தமிழ் மக்­கள் மீதும் கடந்த ஒரு மாத கால­மாக நான் தமிழ்­நாடு முழு­வ­தும் சுற்­றுப் பய­ணம் செய்து, அங்­குள்ள வாக்­கா­ளர்­களை சந்­தித்த போது, “வரும் சட்­ட­மன்­றத் தேர்­த­லில் மீண்­டும் நம்­மு­டைய திரா­விட மாடல் 2.0 ஆட்சி உரு­வா­கப் போகி­றது. அதற்கு நாங்­கள் ஆத­ரவு தரப் போகி­றோம்” என்ற உறு­தியைதந்­தி­ருக்­கி­றார்­கள்.

அந்த உறு­தியை பெற்­றுக் கொண்டு, நான் நேற்­றைக்கு முன்­தி­னம் சென்னை திரும்­பி­னேன். நேற்று முன்­தி­ன­மும், நேற்­றும் சென்­னை­யில் உள்ள பல்­வேறு தொகு­தி­க­ளுக்­குச் சென்று, இதே போன்ற பிரச்­சா­ரப் பய­ணத்தை நான் தொடர்ந்து நடத்­தி­னேன்.

அதைத் தொடர்ந்து, இன்­றையநிறைவு நாள் பிரச்­சா­ரத்தை மாலை ஆறுமணிக்­குள் முடிக்க வேண்­டும் என்­பதுஉங்­க­ளுக்­கெல்­லாம் நன்­றா­கத் தெரி­யும்.

கொளத்­தூர் தொகு­தி­யில்­தான் நான் வேட்­பா­ள­ராக நிற்­கி­றேன். அது­வும் உங்­க­ளுக்­குத் தெரி­யும். எதற்­காக சொல்­கி­றேன் என்­றால், வேட்­பு­மனு தாக்­கல் செய்­து­விட்டு சென்­ற­வன்­தான். இன்­னும் தொகு­தி­யை­கூட சென்று பார்க்­க­வில்லை. இங்கு முடித்­து­விட்டு, இறு­தி­யாக அங்­கு­தான் செல்­கி­றேன். அங்கு சரி­யாக ஒரு மணி நேரம்­தான்.

என்ன நம்­பிக்கை என்­றால், “ஊரார் பிள்­ளையை ஊட்டி வளர்த்­தால், தான் பிள்ளை தானே வள­ரும்” என்று சொல்­வார்­கள் அல்­லவா? அந்த உணர்­வோ­டு­தான் நான் இருக்­கி­றேன்.

நிறைவு பிரச்­சா­ரப் பொதுக்­கூட்­டம் கொளத்­தூ­ரில் நடை­பெ­று­கி­றது. அத­னால் நீண்ட நேரம் இங்கு பேச வாய்ப்­பில்லை என்­றா­லும், சுருக்­க­மாக நான் உங்­களை எல்­லாம் கேட்­டுக்­கொள்ள விரும்­பு­வது, தமிழ்­நாட்­டில் என்­னு­டைய தலை­மை­யில் திரா­விட மாடல் ஆட்சி உரு­வா­ன­தற்­குப் பிறகு, தேர்­தல் நேரத்­தில் சொன்ன உறு­தி­மொ­ழி­கள் எல்­லாம் எப்­படி காப்­பாற்­றப்­பட்­டி­ருக்­கின்­றன என்­பது உங்­க­ளுக்கு நன்­றா­கத் தெரி­யும். ஏறக்­கு­றைய 90 சத­வீ­தத்­திற்­கும் மேலான வாக்­கு­று­தி­களை நிறை­வேற்­றித் தந்­தி­ருக்­கி­றோம். மீதம் இருக்­கும் உறு­தி­மொ­ழி­கள், ஒன்­றிய அர­சின் தடை­யால் – இடை­யூ­று­க­ளால் – நிதி தராத கார­ணத்­தி­னால் – முறை­யான அனு­மதி வழங்­காத கார­ணத்­தி­னால், அந்­தப் பணி­கள் தடைப்­பட்­டி­ருக்­கின்­றன.

உதா­ர­ணத்­திற்­குச் சொல்ல வேண்­டும் என்­றால், நாங்­கள் ஆட்­சிக்கு வந்­தால் கலை­ஞர் மக­ளிர்உரி­மைத்­தொகைவழங்­கப்­ப­டும் என்று வாக்­க­ளித்­தோம். அது முடி­யவே முடி­யாது என்று அனை­வ­ரும் சொன்­னார்­கள்.நாங்­கள் ஆட்­சிக்கு வந்­த­வு­டன், நிதி பற்­றாக்­கு­றையை சரி­செய்து, அந்த உரி­மைத்­தொ­கையை வழங்­கத் தொடங்­கி­னோம். அப்­போது கொரோனா நோய்த்­தொற்­றும் கொடு­மை­யான காலக்­கட்­டத்­தில் இருந்­தது. அந்த உரி­மைத் தொகை­யை­யும் திரா­விட மாடல் 2.0 ஆட்சி வந்­த­தற்கு பிறகு, 2 ஆயி­ரம் ரூபா­யாக உயர்த்­தப் போகி­றோம்.

கல்­லூரி செல்­லும் மாண­வ–­மா­ண­வி­க­ளுக்கு புது­மைப்­பெண், தமிழ்ப்­பு­தல்­வன் திட்­டங்­க­ளின் கீழ் மாதா­மா­தம்ஆயி­ரம் ரூபாய் வழங்­கு­கி­றோம்.

அதே­போன்று, காலை உண­வுத் திட்­டம் உள்­ளிட்ட பல்­வேறு திட்­டங்­களை நிறை­வேற்­றிக் கொண்­டி­ருக்­கி­றோம்.

இப்­போது நம்­மு­டைய தேர்­தல் அறிக்­கை­யில், நாம் மீண்­டும் ஆட்­சிக்கு வந்­த­தற்­குப் பிறகு ‘இல்­லத்­த­ரசி’ திட்­டத்­தின்­கீழ்8 ஆயி­ரம் ரூபாய்க்கு கூப்­பன் வழங்­கப் போகி­றோம். பெண்­கள் தங்­க­ளுக்கு விருப்­ப­மான பொருளை வாங்­கிக் கொள்­ள­லாம்.

பெண்­க­ளு­டைய முன்­னேற்­றத்­தி ற்­காக இந்த ஆட்சி என்­னென்ன செய்து கொண்­டி­ருக்­கி­றது என்­பது உங்­க­ளுக்­கெல்­லாம் நன்­றா­கத் தெரி­யும். உங்­கள் முன்­னேற்­றம்­தான், நாட்­டின்முன்­னேற்­றம் என்ற அடிப்­ப­டை­யில்­தான், அந்­தப் பணி­களைஎல்­லாம் செய்து கொண்­டி­ருக்­கி­றோம்.

கடந்த முறை தேர்­தல் நடந்­த­போதுஎன்ன சொன்­னார்­கள் என்­றால், “ஸ்டாலி­னுக்கு கட்­டம் சரி­யில்லை. அத­னால் முத­ல­மைச்­ச­ராக முடி­யாது” என்­றார்­கள். அந்­தக் கட்­டத்தை உடைத்து, முத­ல­மைச்­ச­ரா­கி ­விட்­டேன். இப்­போதுஎன்ன சொல்­கி­றார்­கள் என்­றால், “தொடர்ந்துதி.மு.க. 2 முறை ஆட்­சிக்கு வந்­தது இல்­லை­யாம்”.இந்த முறை, அதை­யும் உடைத்து இரண்­டா­வது முறை­யாக, உங்­க­ளு­டைய அன்­போடு, உங்­கள் வீட்­டுப் பிள்­ளை­யாக இந்த ஸ்டாலின் ஆட்­சிக்கு வரத்­தான் போகி­றான்.

அது ஏதோ பத­விக்­காக வரு­கி­றோம் என்று நினைக்­கா­தீர்­கள். ஒட்­டு­மொத்த தமிழ்­நாட்­டை­யும் காப்­பாற்ற வேண்­டும் என்­ப­தால்­தானேதவிர, வேறு அல்ல.

பல்­வேறு திட்­டங்­களை நிறை­வேற்­றிக்கொண்­டி­ருக்­கும் திரா­விட முன்­னேற்­றக் கழக ஆட்சி ஏழா­வது முறை­யாக மல­ர­வும், நான் இரண்­டா­வது முறை­யாக பொறுப்­பேற்­ப­தற்குநல்­வாய்ப்­பை­யும்தேடித் தாருங்­கள் என்று உங்­க­ளை­யெல்­லாம் அன்­போடு கேட்­டுக் கொள்­கி­றேன்.

நம்­மு­டைய கார்த்­திக் மோகன், ஒரு நல்ல இளை­ஞர். துடிப்­பா­ன­வர். எப்­போ­தும் சிரித்­துக் கொண்டே இருப்­பார். அந்த சிரித்த முகத்­தோடு, உங்­க­ளு­டையகுறை­களை எல்­லாம் கேட்டு, உங்­க­ளை­யும் சிரிக்க வைப்­பார். உங்­கள் குடும்­பத்­தி­லும் மகிழ்ச்­சியை வர வைப்­பார். என்ன பிரச்­சினை என்­றா­லும், துடிப்­போடு உங்­க­ளுக்­கா­கப் பணி­யாற்­றக் கூடிய ஒரு சிறந்த இளை­ஞ­ரைத்­தான் தேர்ந்­தெ­டுத்து, இன்­றைக்கு வேட்­பா­ள­ராக நிறுத்­தி­யி­ருக்­கி­றோம். அவரை பெரு­வா­ரி­யான வாக்­கு­கள் வித்­தி­யா­சத்­தில் வெற்றிபெற வையுங்­கள் என்று உங்­களை எல்­லாம் அன்­போடு கேட்டு விடை­பெ­று­கி­றேன்.

இவ்­வாறு கழ­கத் தலை­வர், முதல்வர் மு.க.ஸ்டாலின் அவர்­கள் உரை­யாற்­றி­னார்.