திண்டுக்கல், ஏப்.-23 –
திண்டுக்கல் நகருக்கு வைகை அணையிலிருந்து குடி தண்ணீர் கொண்டுவரப்படும் என்று திண்டுக்கல் ஒன்றியம் பாடியூரில் நடைபெற்ற தேர்தல் பிரச்சாரத்தில் அமைச்சர் ஐ.பெரியசாமி பேசி உதயசூரியன் சின்னத்திற்கு வாக்குகள் சேகரித்தார். கிராம ஊராட்சிகளில்
100 நாள் வேலைத்திட்டத்தைமுடக்க நினைக்கும் பா.ஜ.க.விற்கும், துணை போகும் அ.தி.மு.க. கூட்டணிக்கும் தக்க பாடம் புகட்ட வேண்டும் என்று அமைச்சர் ஐ.பெரியசாமி வேண்டுகோள் விடுத்தார்.
திண்டுக்கல் சட்டமன்றத் தொகுதியில் தி.மு.க. சார்பாக போட்டியிடும் வெற்றி வேட்பாளர் ஐ.பி.செந்தில்குமாரை ஆதரித்து தி.மு.க. மாநில துணைப் பொதுச்செயலாளரும், ஊரக வளர்ச்சித்துறை அமைச்சருமான ஐ.பெரியசாமி திண்டுக்கல் தொகுதிக்குட்பட்ட பாடியூர்,பாறையூர், பெரியகோட்டை,பாலகிருஷ்ணாபுரம், மாலைப்பட்டி ஆகியகிராமங்களுக்கு சென்று, உதயசூரியன் சின்னத்திற்கு வாக்குகள் சேகரித்தார். பாடியூரில் நூற்றுக்கணக் கான பொது மக்கள் மத்தியில் பேசிய அமைச்சர் ஐ. பெரியசாமி, திண்டுக்கல் நகருக்கு காவிரி கூட்டுக்குடி நீர் தந்த முத்தமிழ் அறிஞர் கலைஞர் என்றார். திண்டுக்கல் மாவட்டத்தில் தி.மு.க. ஆட்சியின்போது வழங்கப்பட்ட முதியோர் உதவித் தொகையை திண்டுக்கல் மாவட்டத்திற்கு மட்டும் சுமார் 20 ஆயிரம் பேருக்கு 10 வருடங்களாக அ.தி.மு.க. அரசு நிறுத்தி வைத்தது. மீண்டும் முதல்வர் மு.க.ஸ்டாலின் அவர்கள் தலைமையில் ஆட்சி அமைந்தவுடன் அவர்களுக்கு வழங்கப்பட்டது. இதுபோல 100 நாள் வேலைத்திட்டத்தையும், மத்தியில் ஆளும் பா.ஜ.க. அரசு நிறுத்தப் பார்க்கிறது. ஆனால், தமிழக முதல்வர் மத்திய அரசே நிறுத்தினாலும், தமிழகத்தில் தொடர்ந்து100 நாள் வேலைத்திட்டம் நடைபெற நடவடிக்கை எடுப்பார் என்றார். வளர்ந்து வரும் திண்டுக்கல் நகரின் குடி தண்ணீர் தேவைக்காக தற்போது சுமார் ரூபாய் 700 கோடி மதிப்பில் வைகை அணையிலிருந்து குழாய் மூலம் குடி தண்ணீர் கொண்டுவரப்பட்டு நிலக்கோட்டை, ஆத்தூர், திண்டுக்கல், ஒட்டன்சத்திரம் ஆகிய தொகுதிகளுக்கும் குடி தண்ணீர் விநியோகம் செய்ய ஆய்வு மேற்கொள்ளப்பட்டு தேர்தல் முடிந்த பின்பு ஒரு மாத காலத்தில் அதற்கான பணிகள் தொடங்கும் என்றார். தமிழக முதல்வர் துணை முதல்வராக இருந்தபோது மகளிருக்கான சுயஉதவிக் குழுக்களை தொடங்கி வைத்தாரோ, அன்றிலிருந்து இன்று வரை பெண்கள் முன்னேற்றங்களுக்கான திட்டங்களைத்தான் செயல்படுத்தி வருகிறார். மகளிர் உரிமைத்தொகை, விடியல் பயணம், காக்கும் கரங்கள். புதுமைப்பெண், போன்ற திட்டங்களை செயல்படுத்திய தமிழக முதல்வர் தேர்தலுக்கு பிறகு அனைத்து மகளிருக்கும் ரூ. 2 ஆயிரம் உரிமைத் தொகை வழங்குவதோடு, ரூ.8 ஆயிரத்திற்கான
கூப்பன்களை வழங்கி உ
ங்களை மகிழ்ச்சியில்
ஆழ்த்தவுள்ளார். ஆனால், அ.தி.மு.க.வினர் சிவகாசி யில் அச்சடித்த போலி காசோலைகளை வழங்கி உங்களை ஏமாற்ற பார்த்தார்கள், நீங்கள் ஏமாறவில்லை. காரணம் திராவிட மாடல் ஆட்சி மூலம் பயனடைந்த உங்களால் தமிழக முதல்வர் மு.க. ஸ்டாலின் அவர்களை என்றும் மறக்க முடியாது. இந்த தொகுதியில் போட்டியிடும் வெற்றி வேட்பாளர் ஐ.பி.செந்தில்குமார், நீங்கள் கூப்பிட்ட குரலுக்கு ஓடோடி வந்து உங்களுக்கு உதவக்கூடியவர். அதனால் மறக்காமல் நீங்கள் வாக்களிக்க வேண்டிய சின்னம் உதயசூரியன்,உதயசூரியன், உதயசூரியன் என்றார்