தருமபுரி, ஏப். 23 –
திராவிட முன்னேற்றக் கழக தலைமையிலான மதசார்பற்ற முற்போக்குக் கூட்டணி வேட்பாளர்களை ஆதரித்து விவசாயி கள் – தொழிலாளர்கள் கட்சி தமிழ்நாடு முழுவதும் களப்பணியாற்றி வருகிறது. கட்சியின் தலைவர் பொன்குமார் அவர்கள் தமிழ்நாடு முழுவதும் வாக்கு சேகரித்து பிரச்சாரம் மேற்கொண்டு வருகிறார். அந்த அடிப்படையில் தர்மபுரி மாவட்டத்தில் போட்டியிடும் திமுக தலைமையிலான அணியின் வேட்பாளர்களை ஆதரித்து பிரச்சாரம் மேற்கொண்டார். குறிப்பாக பென்னாகரம், தர்மபுரி போன்ற தொகுதிகளில் அவர் பிரச்சாரம் மேற்கொண்ட போது பேசியதாவது:-
இந்த மாவட்டம் மிகவும் பிற்படுத்தப்பட்ட சமுதாயமான வன்னியர்கள் நிறைந்த மாவட்டமாகும். வன்னியர்களுக்கு நடந்த பல்வேறு நன்மைகள் அனைத்தும் திராவிட முன்னேற்ற கழக ஆட்சியில் மட்டுமே நடந்துள்ளது. அதிமுக ஆட்சியால் வன்னியர்களுக்கு இன்னல்கள் மட்டுமே நேர்ந்துள்ளது.
மருத்துவர் ஐயா ராமதாஸ் அவர்கள் தலைமையில்வன்னியர்கள் தனி இட ஒதுக்கீடு கோரி நடத்திய சாலை மறியல் போராட்டத்தில் 21 வன்னியர்களை குருவிகளை சுடுவதுப் போன்று சுட்டு வீழ்த்தியது அப்போதைய அ.தி.மு.க அரசு. அந்தப் போராட்டத்தில் பல்லாயிரம் வன்னியர்கள் மீது வழக்குத் தொடுத்து நீதிமன்றத்திற்கு அலைகழிக்க வைத்தது அப்போதைய அ.தி.மு.க அரசு. இறுதிவரை வன்னியர்களின் இடஒதுக்கீடு கோரிக்கையை ஏற்காமல் அவமதித்தது அன்றைய அ.தி.மு.க அரசு. வன்னியர்களை ஏமாற்றிட அவசரகதியில், சட்டப் பாதுகாப்பின்றி 10.5 தனி ஒதுக்கீடு சட்டம் இயற்றியது எடப்பாடி அ.தி.மு.க அரசு. இப்படிப்பட்ட அ,தி,மு,கவோடு கூட்டணி அமைத்துள்ள அன்புமணி பாட்டாளி மக்கள் கட்சிக்கு வாக்களித்திட வேண்டுமா?.
இட ஒதுக்கீடு போராட்டத்தில் உயர்நீத்த 21 தியாகிகளின் இரத்தத்தில் வளர்ந்த பா.ம.க. மத்தியில் தொடர்ந்து முக்கிய அமைச்சர்களாக இருந்தும் அந்தக் குடும்பங்களுக்கு இன்று வரை ஒன்றுமே செய்யாத அன்புமணி பா.ம.க. வன்னியர்களுக்கு என்ன செய்திட போகிறது?. பகல், இரவு பாராமல் பட்டி தொட்டி எல்லாம் பயணித்து பாட்டாளி மக்கள் கட்சியை வளர்த்தெடுத்த ஐயா இராமதாசுக்கு துரோகம் செய்த அன்புமணி பாட்டாளி மக்கள் கட்சிக்கா ஒட்டு?. பா.ம.கவின் அடித்தளமாக இருந்த மாவீரன் குரு மற்றும் அவரது குடும்பத்தைக் கைவிட்ட பா.ம,க விற்கு வாக்களித்திட வேண்டுமா?.
தி.மு.க ஆட்சியில்
•ஆயிரக்கணக்கான வன்னியர் பிள்ளை கள் பொறியாளர்களாக. மருத்துவர்களாக. வழக்கறிஞர்களாக பட்டம் பெற்றிடவும், வேலை வாய்ப்பு களைப் பெற்றிடவும் காரணமான வன்னியர் உள்ளிட்ட மிகப் பிற்படுத்தப் பட்டோருக்கு 20ரூ தனி இடஒதுக்கீடு வழங்கப்பட்டது.
• வன்னியர் இடஒதுக்கீடு போராட்டத்தில் அ.தி.மு.க. அரசால் சுட்டுக் கொல்லப்பட்ட 21 பேரை சமூகநீதிதியாகிகள் என அறிவித்து அவர்களது குடும்பங்களுக்கு தலா ரூ,3 இலட்சம் இழப்பீடு வழங்கப்பட்டது.
• அவர்களின் வாரிசுகள் இன்று வரை மாதம்ரூ,3000 வீதம் ஒய்வூதியம் பெற்றிட உத்தரவிடப்பட்டது.
• இடஒதுக்கீடு போராட்டத்தில் பல்லாயிரக்கணக்கான வன்னியர்கள் மீதுஅ.தி.மு.க. அரசால் போடப் பட்ட வழக்குகள் திரும்பப் பெறப்பட்டு நிம்மதி யடைய செய்தது.
• வன்னிய வள்ளல்கள் பலரால் அறக்கட்டளை பெயரில் எழுதிவைக்கப்பட்டுள்ள இலட்சம் கோடிக்கும் அதிகமான சொத்துக்களை ஒருங்கிணைத்து. வன்னியர்களுக்குப் பயன்படுத்திட 2009 இல் “வன்னியர் பொதுச் சொத்து நலவாரியம்’ அமைக்க உத்தரவிடப்பட்டது.
• சென்னையில் பெருந்தலைவர் படையாட்சியாருக்கு சிலை வைக்க இடம் அளிக்கப்பட்டது.
• வாழப்பாடியாரால் நிறுவப்பட்ட படையாட்சியார் சிலை கலைஞரால் திறந்து வைக்கப்பட்டது.
• இடஒதுக்கீடு தியாகி களுக்கு விழுப்புரத்தில் மணிமண்டபம் நிறுவ ப்பட்டுள்ளது.
• முன்னாள் அமைச்சர் எ,கோவிந்தசாமி அவர்களுக்கு மணிமண்டபம் நிறுவப்பட்டுள்ளது.
• தியாகி கடலூர் அஞ்சலை அம்மாள் அவர்களுக்கு கடலூரில் சிலை நிறுவி திறக்கப்பட்டுள்ளது.
• சுதந்திரப் போராட்ட தியாகி அஞ்சலை அம்மாள் அவர்களுக்கு அரசு விழா எடுக்க அறிவிக்கப்பட்டுள்ளது.
• கடலூரில் தியாக அஞ்சலை அம்மாள் அறிவுலகக் கட்டடம் கட்ட அறிவிக்கப்பட்டுள்ளது.
• சுதந்திரப் போராட்ட தியாகி நாகப்பபடையாட்சியாருக்கு மயிலாடுதுறையில் சிலை வைக்கப்பட்டது,
• முதன் முதலில் வன்னியர் ஒருவரை மத்திய அமைச்சராக்கியது தி.மு.க அரசு
• அரசு பணியாளர் தேர்வாணையத்திற்கு (கூசூஞளுஊ) வன்னியர்களைத் தலைவராக நியமித்தது,
• முதன் முதலில் வன்னியர் ஒருவரை உயர் நீதிமன்ற நீதிபதியாக்கியது என அனைத்து நன்மைகளும் வன்னியர்களுக்கு தி.மு.க ஆட்சியில் மட்டுமே கிடைத்துள்ளது.
எனவே வன்னியர்கள் இதனை எண்ணிப் பார்த்து தி.மு.க அணிக்கு வாக்களித்திட வேண்டும். இவ்வாறு தலைவர் பொன்குமார் அவர்கள் பேசினார்.