உலக நாடு­கள் பல­வற்­றிற்­குச் செல்­லும்­போது, அங்கே இருக்­கின்ற தமி­ழர்­க­ளைப் பார்க்­கும்­போது, ‘‘தி.மு.க.வினால்­தான் நான் இங்கே வந்து வேலை செய்­கி­றேன். கலை­ஞ­ரால்­தான், எனக்கு வேலை கிடைத்­தி­ருக்­கி­றது. எனக்கு இட ஒதுக்­கீடு கொடுத்து, வேலை­வாய்ப்பை உரு­வாக்­கிக் கொடுத்­தார்’’ என்று சொல்­கி­றார்­கள். உல­கம் முழு­வ­தும் இன்­றைக்கு எங்கே போனா­லும், தி.மு.க.பற்­றித்­தான் புகழ்ந்து பேசிக் கொண்டு இருக்­கி­றார்­கள். தி.மு.க. தான் நமக்கு உந்து சக்­தி­யாக இருக்­கி­றது என்­கிற உணர்வு வந்­தி­ருக்­கி­றது நாட்­டில். அத­னால், புதி­தாக யார் வந்­தா­லும், தி.மு.க.வை எதிர்த்­தால்­தான், தி.மு.க.வை விமர்­ச­னம் செய்­தால்­தான் வளர முடி­யும் என்று நினைக்­கி­றார்­கள். அது தவறு. தி.மு.க. ஒரு ஆக்­கச் சக்தி. இன்­றைக்­குப் பல்­லா­யி­ரக்­க­ணக்­கான தொழிற்­சா­லை­கள் தமிழ்­நாட்­டில் வந்­தி­ருக்­கி­றது என்­றால், அதற்­குக் கார­ணமே தி.மு.க.தான். தி.மு.க. ஓர் ஆக்க சக்­தி­யாக இருந்து, தி.மு.க. ஆட்­சி­யில் இருந்த நேரத்­தில் கொண்டு வந்­த­தால்­தான்.

நெறி­யா­ளர்: ‘‘Stalin is more Dangerous’’ என்­பது ஒரு ஸ்டேட்­மெண்ட். அந்த ஸ்டேட்­மெண்ட்டை எச். ராஜா சொல்­லும்­போது, அவர் என்ன உணர்­வில் சொன்­னார் என்று தெரி­ய­வில்லை. அப்­பொ­ழுது நீங்­கள் அதி­கா­ரத்­தி­லே­யும் இல்லை. அந்த ஸ்டேட்­மெண்ட்­டைச் சொல்­லும்­போது உங்­க­ளுக்கு என்ன உணர்வு வந்­தது?

முத­ல­மைச்­சர் மு.க.ஸ்டாலின்: அவர் என்ன அர்த்­தத்­தில் சொன்­னார் என்று எனக்­குத் தெரி­ய­வில்லை. என்ன அர்த்­தத்­தில் சொல்­லி­ருப்­பார் என்­றும் நம்­மால் புரிந்­து­கொள்ள முடி­ய­வில்லை. ஆனால், அதை நான் பெரு­மை­யாக நினைக்­கி­றேன்.

ஏனென்­றால், ஒரு பொறுப்­பில் இருக்­கும்­போது, அதை அவர் சொல்­லும்­போது, கலை­ஞரை விட டேஞ்­ச­ரஸ் என்று சொல்­லும்­போது, கலை­ஞர் நிறைய செய்­தி­ருக்­கி­றார். இப்­பொ­ழுது அதை­விட நாமும் அதி­க­மா­கச் செய்ய வேண்­டும் எதிர்­பார்க்­கி­றாரா? அப்­ப­டித்­தான் நானும் நினைக்­கி­றேன். இன்­னும் அதைச் சொல்­லட்­டும், நான் இன்­னும் மேற்­கொண்டு என்­னு­டைய பொறுப்­பு­ணர்வை நான் வெளியே காட்­டு­கி­றேன்.

டபுள் இன்­ஜி­னில் என்ன

வளர்ச்­சியை பார்த்­து­விட்­டார்­கள்?

நெறி­யா­ளர்: பிர­த­மர் தொடங்கி, டில்­லி­யி­லி­ருந்து எந்­தத் தலை­வர்­கள் வந்­தா­லும், டில்­லி­யி­லே­யும், ஒன்­றி­யத்­தி­லே­யும் ஒரே ஆட்சி இருக்க வேண்­டும். தமிழ்­நாட்­டி­லும், அதே ஆட்சி இருக்க வேண்­டும். டபுள் என்­ஜின் சர்க்­கார் என்று பேசு­கி­றார்­கள். வளர்ச்சி அத­னால் குன்­றிப் போய்­விட்­டது. டில்­லி­யோடு இணக்­க­மாக இருக்க வேண்­டும் என்று சொல்­கி­றார்­களே?

முத­ல­மைச்­சர் மு.க.ஸ்டாலின்: மணிப்­பூ­ரில் டபுள் இன்­ஜின் தான்; பீகா­ரில் டபுள் இன்­ஜின் தான்; பிஜேபி ஆளக்­கூ­டிய மாநி­லங்­க­ளில் டபுள் இன்­ஜின் தான். டபுள் இன்­ஜின் மாநி­லத்­தி­லி­ருந்து என்ன வளர்ச்­சி­யைத் பார்த்­து­விட்­டார்­கள்?

டபுள் இன்­ஜின் இல்­லாத தமிழ்­நாட்­டில், இன்­றைக்கு நாங்­கள் சாதனை செய்­தி­ருக்­கி­றோம். அதே மாதிரி கேரளா ஆகட்­டும். அதா­வது பி.ஜே.பி. ஆட்சி இல்­லாத மாநி­லங்­க­ளில் பார்த்­தீர்­கள் என்­றால், அங்­கே­தான் வளர்ச்சி இருக்­கி­றதே தவிர, பி.ஜே.பி. ஆளக்­கூ­டிய மாநி­லங்­க­ளில் எங்­கே­யும் வளர்ச்சி இல்லை. அது ஒரு டப்பா இன்­ஜின்­தான்.

நெறி­யா­ளர்: மக்­க­ளுக்கு ஒரு சர்ப்­ரைஸா ஒன்று நடந்­தது. திடீ­ரென்று ஒரு நாள் காலை­யில் 5000 ரூபாய் பணம், ஒரு கோடியே 31 லட்­சம் பேரின் கணக்­கில் வந்து விழுந்­தது. அது எப்­படி ரக­சி­ய­மாக வைத்­தி­ருந்து, விடி­யற்­கா­லை­யில் ஒரு சர்ப்­ரைஸ் கொடுத்தீர்கள்?

முத­ல­மைச்­சர் மு.க.ஸ்டாலின்: எங்­க­ளுக்கு ஏற்­க­னவே செய்தி கிடைத்­தது. இப்­படி நீதி­மன்­றத் ­துக்­குப் போகப் போகி­றார்­கள். இந்­தத் திட்­டத்தை எப்­ப­டி­யா­வது தடுத்து நிறுத்த வேண்­டும். தேர்­தலுக்­காக இதைப் பயன்­ப­டுத்­து­கி­றோம் என்று அவர்­கள் பயந்து போய், வழக்­குத் தொடுப்­ப­தற்கு முயற்சி செய்­தார்­கள். இந்­தச் செய்­தியை கேள்­விப்­பட்­வு­டனே, நான் அதி­கா­ரி­களை அழைத்­துப் பேசி, உடனே இதை எப்­ப­டிச் செய்­ய­லாம் என்­பதைப்­பற்றி ஆலோ­சனை செய்­தோம்.

எனக்­கும், அந்­தத் துறை­யி­னு­டைய அதி­கா­ரிக்கு மட்­டும்­தான் தெரி­யும். எவ்­வ­ளவு போடு­வது? எப்­பொ­ழுது போடு­வது? என்று.

ஆலோ­சனைசெய்­த­படி, உட­ன­டி­யாக ஒவ்­வொ­ரு­வ­ரு­டைய வங்­கிக் கணக்­கி­லும் அந்­தப் பணத்­தைப் போட்­டோம். அதற்­குப் பிறகு 6.30 மணிக்கு மேல், நான் அது சம்­பந்­த­மாக ஒரு வீடியோ செய்தி வெளி­யிட்டு, அது வெளி­யில் வந்­தது.

தலை­வர் கலை­ஞ­ரி­டம் கற்­றுக்­கொண்­டது!

நெறி­யா­ளர்: ஒரு திட்­டத்தை எடுத்­துக்­கொண்­டால், அதை, மிக நுணுக்­க­மாக சில நேரங்­க­ளில் பின்­பற்­று­வ­தைப் பார்க்க முடி­கி­றது. ஒரு பெண் வீடு கேட்டு, வீடு இல்லை என்று சொல்லி, கோரிக்கை வைக்­கி­றார். அவ­ருக்கு வீடு ‘சாங்­ஷன்’ செய்­கி­றீர்­கள். அதற்­குப் பிறகு, திரு­நெல்­வே­லிக்­குச் செல்­லும்­போது, அந்த வீட்­டைப் போய்ப் பார்க்­கி­றீர்­கள். அந்த வீட்­டைக் கட்­டு­கிறார்­களா என்று பின்­பற்­றிப் பார்க்­கி­றீர்­கள். அதற்­குப் பிறகு அந்த வீட்­டிற்­குப் போகி­றீர்­கள்.

ஒரு விஷ­யத்­தைத் தொடர்ந்துபின்­பற்­று­கி­றீர்­கள். இந்­தப் பின்­பற்­று­தல் என்­பதை இந்­தத் திட்­டத்­திற்கு மட்­டும் செய்­கி­றீர்­களா? அல்­லது பொது­வாக உங்­க­ளு­டைய இயல்பா?

முத­ல­மைச்­சர் மு.க.ஸ்டாலின்: பொது­வா­கவே என்­னு­டைய இயல்பு அது­தான். தலை­வ­ரி­டம் கற்­றுக் கொண்­டது அது. தலை­வர் ஒரு காரி­யத்தை எங்­க­ளி­டம் செய்­யச் சொல்­லு­வார். அப்­படி எங்­க­ளி­டம் சொல்­லிட்டு, அதற்கு முன்பே தொலைப்­பேசி­யில் தொடர்பு கொண்டு பேசி­வி­டு­வார்.

உதா­ர­ணத்­திற்கு, நான் சென்னை மாந­க­ராட்சி மேய­ராக இருந்­த­போது, பேப்­ப­ரில் ஒரு செய்தி வரும். அதைப் பார்த்­து­விட்டு, என்­னி­டம் சொல்­லு­வார். சரிப்பா, நான் அதைக் கவ­னிக்­கி­றேன் என்று சொல்­வேன். ஆனால், எனக்கு முன்பே, மாந­க­ராட்சி ஆணை­ய­ரி­டம் தொலைப்­பே­சி­யில் தொடர்பு கொண்டு, அந்த விஷ­யத்­தைப்­பற்றி பேசி­யி­ருப்­பார்.

இதை அவ­ரி­ட­மி­ருந்து நான் கற்­றுக்­கொண்­டேன். அந்த அடிப்­ப­டை­யில்­தான், எந்த வேலை­யாக இருந்­தா­லும், நான் உடனே பார்த்து, தினேஷிடம் சொல்­லி­ருக்­கி­றேன். சம்­பந்­தப்­பட்ட என்­னு­டைய செயலாளர்களிடம் சொல்­லி­யி­ருக்­கி­றேன். அந்த அதி­கா­ரியை நானே தொலைப்­பே­சி­யில் தொடர்பு கொள்­வேன்.

உதா­ர­ணமா சுற்­றுப்­ப­ய­ணம் செய்­யும்­போது பெட்­டி­ஷன் கொடுப்­பார்­கள். அதை வாங்­கிப் பார்ப்­பேன். சில பெட்­டி­ஷன் பெரிய ‘ஸ்கீமாக’ இருக்­கும். நீதி­மன்­றப் பிரச்­சினை அல்­லது காவல் நிலை­யப் பிரச்­சி­னை­கள் இருக்­கும். சில பெட்­டி­ஷன், படித்­து­விட்டு, வேலை­யில்­லா­மல் இருக்­கின்ற, பாதிக்­கப்­பட்ட பெண்­ணாக இருக்­கும். அந்­தப் பெட்­டி­ஷ­னைப் பார்த்­த­வு­டனே, அங்கே இருக்­கின்ற மாவட்ட ஆட்­சித் தலை­வ­ரி­டம் அதைக் கொடுத்து, இந்த மனு­வைப் பாருங்­கள் என்­பேன். உடனே மாவட்ட ஆட்­சி­யர் , நான் நிகழ்ச்சி முடிந்து போவ­தற்­குள், அந்­தப் பெண்­ணுக்கு வேலை கொடுத்­தா­கி­விட்­டது; அல்­லது வீடு கொடுத்­தா­கி­விட்­டது என்று சொல்­வார். அவர்­க­ளு­டைய தொலைப்­பேசி எண்­ணைக் கேட்டு வாங்கி, அவர்­க­ளைத் தொடர்பு கொண்டு பேசு­வேன். அல்­லது அந்­தப் பக்­கம் செல்­லும்­போது, அவர்­களை நேரில் சென்று பார்ப்­பேன். அப்­ப­டியே பழ­கி­விட்­டேன்; தொடர்ந்து அது­போன்றே செயல்­பட்டு வரு­கி­றேன்.

பள்­ளிக் குழந்­தை­கள் படிப்­ப­தற்­கான

நிதியை நிறுத்­தும் பா.ஜ.க. அரசு!

நெறி­யா­ளர்: இந்­தத் தேர்­த­லி­னு­டைய ஒரு முக்­கி­ய­மான பேசு பொருள், நீங்­கள் பி.ஜே.பி.க்கு எதி­ராக பேசு­கிற ஒன்று. குறிப்­பாக பிர­த­மர் மோடி, உள்­துறை அமைச்­சர் அமித் ஷா போன்­ற­வர்­க­ளைப்­பற்றி பேசும்­போது, கடு­மை­யாக விமர்­ச­னம் செய்­கி­றீர்­கள். தமிழ்­நாட்டை வஞ்­சிக்­கி­றார்­கள் என்று சொல்­கி­றீர்­கள். ஒரு முத­ல­மைச்­ச­ராக, உங்­களை மிக­வும் பாதித்த விஷ­யம் எது?

முத­ல­மைச்­சர் மு.க.ஸ்டாலின்: பள்ளி குழந்­தை­கள், அவர்­கள் படிப்­ப­தற்­காக ஒன்­றிய அரசு கொடுக்­கின்ற நிதி – இந்­தி­யைக் கற்­றுக் கொண்­டால்­தான், அந்த நிதி­யைக் கொடுப்­போம் என்று சொன்­னார்­கள் பாருங்­கள், அது என்னை மிக­வும் பாதித்த விஷ­யம். ஏனென்­றால், படிக்­கின்ற பிள்­ளை­க­ளுக்கு நிதி தரு­கின்ற எத்­த­னையோ அரசு, ஒன்­றி­யத்­தில் இருந்­தி­ருக்­கி­றது. அவர்­கள் எல்­லாம், இந்­தி­யைக் கற்­றுக்­கொள்ள முயற்சி செய்­யுங்­கள் என்று கட்­டா­யப்­ ப­டுத்­து­வார்­களே தவிர, இப்­பொ­ழுது உள்ள ஒன்­றிய பா.ஜ.க. அரசு போன்று நிதியை நிறுத்­தி­யது கிடை­யாது.

நெறி­யா­ளர்: இந்­தி­யைத் திணிக்க முயற்சி செய்­வார்­களா?

முத­ல­மைச்­சர் மு.க.ஸ்டாலின்: திணிக்க முயற்சி செய்­வார்­கள். ஆனால், இப்­போது உள்ள ஒன்­றிய பா.ஜ.க. அரசு நிதியே கொடுக்க மாட்­டேன் என்று சொன்­ன­து­தான் என்னை மிக­வும் பாதித்­தது.

நாக­ரிக அர­சி­யலை

தொடர்ந்து செய்­வேன்!

நெறி­யா­ளர்: நாக­ரிக அர­சி­யல் செய்­கி­றீர்­கள் நீங்­கள் என்று உங்­கள்­மீது ஒரு குற்­றச்­சாட்டு உள்­ளதே?

முத­ல­மைச்­சர் மு.க.ஸ்டாலின்: நாக­ரிக அர­சி­யல் செய்­வ­தைக் குற்­றச்­சாட்டு என்று சொன்­னால், அதைத் தொடர்ந்து நான் செய்­வேன். கடந்த சட்­ட­மன்­றத் தேர்­த­லில் வெற்றி பெற்­ற­வு­டன், தலை­வர் நினை­வி­டத்­திற்­குச் சென்று மரி­யாதை செய்­து­விட்டு, செய்­தி­யா­ளர்­க­ளைச் சந்­தித்­த­பொ­ழுது நான் சொன்ன முதல் வார்த்தை என்­ன­வென்­றால், ‘‘எனக்கு வாக்­க­ளித்­த­வர்­கள் மகிழ்ச்சி அடை­ய­வேண்­டும்; எனக்கு வாக்கு அளிக்­கத் தவ­றி­ய­வர்­கள், ‘இவ­ருக்கு வாக்­க­ளிக்­கா­மல்விட்­டு­ விட்­டோமே என்று வருந்­த­வேண்­டும்’’ என்று சொன்­னேன். அதைத்­தான் நான் பெரு­மை­யாக நினைக்­கி­றேன்.

நெறி­யா­ளர்: பொது­வாக பல அர­சி­யல்­வா­தி­க­ளுக்கு, அதி­கா­ரம்கைக்கு வந்­த­வு­டன், அந்த அதி­கா­ரத்­தைத் தங்­களை வளர்த்­துக் கொள்ள பயன்­ப­டுத்­து­வார்­கள். அல்­லது தங்­க­ளு­டைய எதி­ரி ­களை ஒழிப்­ப­தற்கு அந்த அதி­கா­ரத்­தைப்பயன்­ப­டுத்­து­வார்­கள். ஆனால், நீங்­கள் அப்­படி இல்லை என்று சொல்­கி­றீர்­கள். அந்­தப் பண்பு உங்­க­ளுக்கு எப்­படி வந்­தது?

முத­ல­மைச்­சர் மு.க.ஸ்டாலின்: அது என்­னு­டைய அப்­பா­வி­டம் இருந்துவந்­தது. அதெல்­லாம் நல்ல பண்­பு­தானே!

தமிழ்­நாட்­டின் உரிமை

பாது­காக்­கப்­பட்­டது!

நெறி­யா­ளர்: தொகுதி மறு வரை­யறை சட்­டம் தோல்வி அடைந்­தி­ருக்­கி­றது. இதற்கு எதி­ராக முத­லில் ஒரு போர்க்­கொடி உயர்த்­தி­யது தமிழ்­நா­டு­தான். நீங்­கள்­தான் ‘ஒரு பைனல் வார்­னிங்’ என்று சொன்­னீர்­கள்.. அந்த மசோ­தா­வின் நகலை தீ வைத்து எரிக்­க­வும் செய்­தீர்­கள். ஒரு பெரிய கிளர்ச்சி வெடிக்­கும் என்­றும் அறி­வித்­தீர்­கள். அந்த சட்ட மசோதா தோல்வி அடைந்­த­வு­டன், அதைக் கொண்­டா­ட­வும் செய்­தீர்­கள். பட்­டாசு வெடித்து இந்­தப் போராட்­டத்தை பெரி­தாக செய்­ய­வேண்­டும் என்று ஏன் நினைத்­தீர்­கள். இவ்­வ­ளவு பெரிய வெற்றி கிடைக்­கும் என்று நினைத்­தீர்­களா, இந்­தக் கிளர்ச்­சியை அறி­வித்­த­பொ­ழுது?

முத­ல­மைச்­சர் மு.க.ஸ்டாலின்: இந்­தப் போராட்ட நாளன்று நான் கருப்­புச் சட்டை அணிந்­தேன். தி.மு.க. தோழர்­கள், தோழ­மைக் கட்­சிக்­காரர்­க­ளும் கருப்­புச் சட்டை அணிந்­தார்­கள். அன்­றைக்கு நான் நாமக்­கல்­லில் இருந்­தேன். அங்கே இயக்­கத் தோழ­ரின் வீட்­டின் அருகே கருப்­புக் கொடி ஏற்றி வைத்து, அந்த மசோ­தா­வின் நகலை தீ வைத்து எரித்­தேன். அந்­தத் தீ தமிழ்­நாடு முழு­வ­தும் நன்­றா­கப் பற்­றிக் கொண்­டது. அன்று மாலை செய்தி வந்­தது, அந்த மசோதா தோற்­றுப் போய்­விட்­டது என்று. ‘‘தமிழ்­நாட்­டின் உரிமை பாது­காக்­கப்­பட்டு இருக்­கி­றது’’ என்­பதை நினைத்து மகிழ்ச்­சி­ய­டைந்­தேன்.

பிர­த­மர் மோடிக்கு பெரிய தோல்வி!

நெறி­யா­ளர்: இந்­தக் கிளர்ச்சி அறி­வித்­த­பொ­ழுது, இந்­தியா முழு­வ­தும் உள்ள எல்லா எதிர்க்­கட்­சி­க­ளும் ஒன்­று­ப­டு­வார்­கள், இதைத் தடுத்து நிறுத்­து­வ­தற்கு முன் வரு­வார்­கள் என்று எதிர்­பார்த்­தீர்­களா? மோடி அரசு தோல்­வி­யைச் சந்­திக்­கும், அந்த மசோதா தோல்­வி­ய­டை­யும் என்று நினைத்­தீர்­களா?

முத­ல­மைச்­சர் மு.க.ஸ்டாலின்: அது என்ன நிலை வருதோ, இல்­லையோ! தமிழ்­நாட்­டைப் பொறுத்­த­வ­ரைக்­கும் நாங்­கள் எதிர்ப்­பைத் தெரி­விப்­ப­தாக முடிவு செய்­தோம். இது சம்­பந்­த­மாக ராகுல் காந்­தி­யி­டம் பேசி­னேன். அன்னை சோனியா காந்­தி­யி­டம் பேசி­னேன். காங்­கி­ரஸ் கட்­சி­யின் தலை­வர் கார்­கே­வி­டம் பேசி­னேன். அது­மட்­டும் இல்­லா­மல், அகி­லே­ஷி­டம் பேசி­னேன். மம்தா அவர்­க­ளி­டம் பேசி­னேன். தெலுங்­கானா முத­ல­மைச்­ச­ரி­டம் பேசி­னேன். கேரளா முத­ல­மைச்­ச­ரி­டம் பேசி­னேன். எல்­லோ­ரி­ட­மும் பேசி ஒருங்­கி­ணைத்­தோம். அது­மட்­டும் இல்­லா­மல், எங்­க­ளு­டைய நாடா­ளு­மன்ற உறுப்­பி­னர்­கள், அவர்­க­ளு­டைய நாடா­ளு­மன்ற உறுப்­பி­னர்­க­ளி­டம் தொடர்பு கொண்டு, அது ஒரு லாபி­யைச் செய்­தோம்.

அத­னால், மோடி­யைப் பொறுத்­த­வ­ரைக்­கும் இதில் பெரிய தோல்வி. எங்­க­ளைப் பொறுத்­த­வ­ரைக்­கும் மகிழ்ச்­சி­யாக இருக்­கி­றோம் நாங்­கள்.

சர்­வா­தி­கார தனத்­திற்கு முற்­றுப்­புள்ளி!

நெறி­யா­ளர்: பொது­வாக, பிர­த­ம­ருக்­குக் கடி­தம் எழு­தி­னால், அவ­ரி­டம் இருந்து பதில் வரு­வது, நேரம் கொடுப்­பது; முக்­கி­ய­மான ஒரு பிரச்­சினை என்­றால், ஆலோ­சனை செய்­ய­லாம் வாருங்­கள் என்று முத­ல­மைச்­சர்­களை அழைப்­ப­துத ஒரு மர­பாக இருக்­கும். இந்­தப் பிரச்­சி­னை­யில், அது மாதி­ரி­யான எந்த ஆலோ­ச­னை­யும் நடக்­க­வில்­லையா?

முத­ல­மைச்­சர் மு.க.ஸ்டாலின்: தி.மு.க. மட்­டும் இல்லை; எந்த மாநி­லத்­தின் முத­ல­மைச்­ச­ரி­ ட­மும் பேச­வில்லை. எந்­தக் கட்­சித் தலை­வ­ரி­ட­மும் பேச­வில்லை. அது­கு­றித்த எந்த ஆலோ­ச­னை­யும் கிடை­யாது. இது எவ்­வ­ளவு பெரிய விஷ­யம் – அதைப்­பற்றி ஆலோ­சனை செய்­யா­மல், திடீ­ரென்று அந்த மசோ­தாவை நாடா­ளு­மன்­றத்­தில் தாக்­கல் செய்து, ஒருபெரிய சர்­வா­தி­கா­ர­மாக நடந்­து­கொண்­டார்­கள். அதற்கு முற்­றுப்­புள்ளி வைக்­கப்­பட்டு இருக்­கி­றது.

பெண்களுக்கான இட­ஒ­துக்­கீட்டை

முக­மூ­டி­யாக பயன்­ப­டுத்­தும் பா.ஜ.க.!

நெறி­யா­ளர்: பி.ஜே.பி. இதில் முன் வைக்­கிற ஒரு விமர்­ச­னம், பெண்­க­ளுக்கு இட ஒதுக்­கீடு தரு­வ­தற்கு நாங்­கள் சட்­டம் கொண்டு வந்­தோம். தி.மு.க., காங்­கி­ரஸ், இந்­தி­யா­வில் இருக்­கிற எல்லா எதிர்க்­கட்­சி­க­ளும், பெண்­கள் முன்­னே­று­வதை விரும்­ப­வில்லை. அத­னால், அந்­தச் சட்­டத்தை எதிர்த்­துத் தோற்­க­டித்­து­விட்­டார்­கள் என்று ஒரு பரப்­பு­ரையை செய்­கி­றார்­கள். இந்­தக் குற்­றச்­சாட்­டிற்கு உங்­கள் பதில் என்ன?

முத­ல­மைச்­சர் மு.க.ஸ்டாலின்: பெண்­க­ளுக்கு இட ஒதுக்­கீடு என்­பதை மூன்று ஆண்­டு­க­ளுக்கு முன்பே, 2023 ஆம் ஆண்­டில் 33% இட ஒதுக்­கீடு கொடுக்க வேண்­டும் என்று சொல்லி, அன்­றைக்கே கொண்டு வந்­தா­யிற்று. அப்­பொ­ழுதே அதை நடை­மு­றைக்­குக் கொண்டு வந்­தி­ருக்­க­வேண்­டும். ஒன்­றிய பா.ஜ.க. அரசு நாளைக் கடத்­தி­விட்­டார்­கள்.

அதை எல்­லா­ருமே ஆத­ரித்­தோம். அந்­தப் பெண்­கள் இட ஒதுக்­கீட்டை எல்லா கட்­சி­யும் ஆத­ரித்­தது.. தி.மு.க.வும் மனப்­பூர்­வ­மாக ஆத­ரித்­தது. ஏற்­க­னவே தமிழ்­நாட்­டைப் பொறுத்­த­வ­ரைக்­கும் பெண்­க­ளுக்கு 33% இட ஒதுக்­கீடு மட்­டும் இல்லை, 50% இட ஒதுக்­கீட்­டினை மாந­க­ராட்­சி­க­ளில் கொடுத்­தி­ருக்­கி­றோம். நக­ராட்­சி­யில் கொடுத்­தி­ருக்­கி­றோம். 50 சத­வி­கி­தத்­திற்­கும் மேலே தமிழ்­நாட்­டில் பெண் மேயர்­கள் இருக்­கி­றார்­கள். ஒன்­றிய பா.ஜ.க. அரசு, தொகுதி மறு­வ­ரை­யைக் கொண்டு வரு­வ­தற்­காக, ஒரு முக­மூ­டி­யைத் தயார் செய்து, அந்த முக­மூ­டி­யா­கத்­தான் பெண்­கள் இட ஒதுக்­கீட்­டைப் பயன்­ப­டுத்­தி­னார்­களே தவிர, வேறு ஒன்­றும் இல்லை.

எதிர்க்­கட்­சி­க­ளின்

ஒற்­று­மை­தான் கார­ணம்!

நெறி­யா­ளர்: இந்­திய நாடா­ளு­மன்ற வர­லாற்­றில், கடந்த 10, 12 ஆண்­டு­க­ளாக எந்­தச் சட்­டத்­தைக் கொண்டு வந்­தா­லும், நரேந்­திர மோடி அவ­ரு­டைய அரசு கொண்டு வந்­தால், அதை நிறை­வேற்­றி­ வி­டு­வார்­கள். அது 370 ஆக இருக்­க­லாம்; காஷ்­மீ­ராக இருக்­க­லாம். சர்ச்­சைக்­கு­ரிய எந்த மசோ­தா­வாக இருந்­தா­லும், அவர்­க­ளுக்கு இருக்­கும் மெஜா­ரிட்­டி­யால் அதை நிறை­வேற்றி விடு­வார்­கள். முதல் முறை­யாக ஒரு பெரிய தோல்­வியை சந்­தித்­தி­ருக்­கி­றார் மோடி. இதற்கு அர­சி­யல் முக்­கி­யத்­து­வம் என்ன?

முத­ல­மைச்­சர் மு.க.ஸ்டாலின்: எதிர்க்­கட்­சி­களின் ஒற்­று­மை­தான், இத­னு­டைய வெற்­றிக்கு அடிப்­ப­டை­யாக அமைந்­தது. வட இந்­தியா – தென்­னிந்­தியா என்று சொல்­லிப் பிரிக்­கப் பார்த்­தார்­கள். ஆனால், இந்­தப் பிரச்­சி­னை­யில், எல்­லா­ரும் ஒற்­று­மை­யாக இருந்து, அந்த வேறு­பாடு பார்க்­கா­மல், ஒற்­று­மை­யாக இருந்­த­தி­னால்­தான் இதில் வெற்றி அடைந்­தி­ருக்­கி­றோம்.

இதில், உத்­த­ரப்­பி­ர­தே­சத்­திற்கு அதி­க­மான தொகுதி கிடைக்­கி­றது என்று அகி­லேஷ் ஏமாந்து போய்­வி­ட­வில்லை. அதில் உள்ள சூழ்ச்­சி­யைப் புரிந்­து­கொண்டு, அவ­ரும் அந்த மசோ­தாவை கடு­மை­யாக எதிர்த்­தார். ஆனால், இங்கே இருக்­கக்­கூ­டிய எடப்­பாடி பழ­னி­சாமி, ‘சப்­போர்ட்’ செய்­தார். அமித்ஷா சொல்­வ­து­தான் சரி; அதைத்­தான் கேட்­க­வேண்­டும் என்­கிற மாதிரி அவர் ஒரு பிரச்­சா­ரம் செய்­தார்.

ஆக, மோடி­யைப் பொறுத்­த­வ­ரை­யில், இது அவ­ருக்­குத் தோல்வி; எடப்­பாடி பழ­னி­சா­மி­யைப் பொறுத்­த­வ­ரைக்­கும் இது பெரிய துரோ­கம்.

தமிழ்நாட்டிற்கு எதையும் செய்யாதவர்!

நெறி­யா­ளர்: மிகத் தீவி­ர­மான அர­சி­ய­லைப்­பற்றி பேசிக் கொண்­டி­ருக்­கி­றோம். அதற்­கி­டை­யில், நீங்­கள் சந்­தித்த தலை­வர்­கள், நீங்­கள் பார்க்­கின்ற பிர­ப­லங்­கள், அவர்­க­ளைப்­பற்றி உங்­கள் எண்­ணம் என்­ன­வென்று தெரிந்­து­கொள்ள விரும்­பு­கி­ றேன். ஒரு வரி­யில் சொன்­னால் போதும்? பிர­த­மர் மோடி!

முத­ல­மைச்­சர் மு.க.ஸ்டாலின்: பிர­த­மர் மோடி, தமிழ்­நாட்­டுக்கு எதை­யும் செய்­யாத ஒரே பிர­த­மர்.

நெறி­யா­ளர்: சோனியா காந்தி?

முத­ல­மைச்­சர் மு.க.ஸ்டாலின்: சோனியா காந்தி, எல்­லோ­ரை­யும் அர­வ­ணைத்து அர­சி­யல் நடத்­திக் கொண்­டி­ருக்­கக்­கூ­டி­ய­வர்.

நெறி­யா­ளர்: ராகுல் காந்தி?

முத­ல­மைச்­சர் மு.க.ஸ்டாலின்: நம்­பிக்கை நட்­சத்­தி­ரம்; ஒரு சிறந்த போராளி!

நெறி­யா­ளர்: எடப்­பாடி பழ­னி­சாமி?

முத­ல­மைச்­சர் மு.க.ஸ்டாலின்: எடப்­பாடி பழ­னி­சாமி, தமி­ழர்­க­ளுக்­கான உரி­மையை இது­வரை கேட்­காத ஒரு தமி­ழர்.

நெறி­யா­ளர்: சீமான்?

முத­ல­மைச்­சர் மு.க.ஸ்டாலின்: சீமான், ஒரு நல்ல பேச்­சா­ளர்.

நெறி­யா­ளர்: விஜய்?

முத­ல­மைச்­சர் மு.க.ஸ்டாலின்: ஒரு நல்ல நடி­கர்.

நெறி­யா­ளர்: ரஜி­னி­காந்த்?

முத­ல­மைச்­சர் மு.க.ஸ்டாலின்: என்­றென்­றும் சூப்­பர் ஸ்டார். நான் அடிக்­கடி பேசு­கின்ற ஒரு நல்ல நண்பர்.

நெறி­யா­ளர்: கமல்­ஹா­சன்?

முத­ல­மைச்­சர் மு.க.ஸ்டாலின்: உள்­ளூரை பேசு­கின்ற உலக நாய­கன்.

நெறி­யா­ளர்: பிர­த­மர் நரேந்­திர மோடியை சந்­தித்­தால், என்ன கேட்­பீர்­கள்?

முத­ல­மைச்­சர் மு.க.ஸ்டாலின்: எய்ம்சை சீக்­கி­ரம் கட்டி, திறப்­ப­தற்கு வாருங்­கள் என்று கேட்­பேன். வெறுப்­பில்­லாத ஓர் அன்­பான இந்­தி­யாவை உரு­வாக்­குங்­கள் என்று கேட்­டேன்.

பெரிய மாற்­றத்தை கொண்டு வந்து

பெரிய புரட்­சியை ஏற்­ப­டுத்­தியுள்ளோம்!

நெறி­யா­ளர்: இந்­தத் தேர்­தல் பரப்­பு­ரை­யில் ஒளிக்­கிற இன்­னொரு சொல், ‘‘மாற்­றம்’’ அதற்கு உங்­கள் பதில்?

முத­ல­மைச்­சர் மு.க.ஸ்டாலின்: இது, தேர்­த­லுக்­குத் தேர்­தல் சொல்­லக்­கூ­டிய வார்த்­தை­தான் இது. மாற்­றம் என்­பது முன்­னேற்­ற­மாக அமை­ய­வேண்­டும். பின்­னோக்கி செல்­லக்­கூ­டாது. திரா­விட முன்­னேற்­றக் கழ­கம் ஆட்சி பொறுப்பு ஏற்ற பிறகு, எல்­லாத் துறை­க­ளி­லே­யும் பெரிய பெரிய மாற்­றத்­தைக் கொண்டு வந்து, பெரிய புரட்­சியை ஏற்­ப­டுத்தி இருக்­கி­றோம்.

கல்­வித்­து­றை­யில், மருத்­து­வத் துறை­யில், பொரு­ளா­தா­ரத் துறை­யில், தொழில் துறை­யில் இப்­படி சொல்­லிக் கொண்டே போக­லாம். எல்­லாத் துறை­க­ளி­லும் மாற்­றத்தை ஏற்­ப­டுத்­தி­ருக்­கி­றோம். அப்­ப­டிப்­பட்ட மாற்­றம்­தான் தேவை நாட்­டுக்கு. எங்­க­ளைத் தவிர, யார் மாற்­றத்தை ஏற்­ப­டுத்தமுடி­யும்?

உங்­க­ளுக்கு இந்த ஸ்டாலின் மீண்­டும் வேண்­டும்!

நெறி­யா­ளர்: நிறை­வாக ஒரு கேள்வி! மக்­கள் ஏன் உங்­க­ளுக்கு ஓட்­டுப் போட வேண்­டும்? ‘‘மீண்­டும் ஏன் ஸ்டாலின்?’’

முத­ல­மைச்­சர் மு.க.ஸ்டாலின்: நான் பொறுப்­புக்கு வந்து, கடந்த அய்ந்து ஆண்­டு­க­ளில், என்­னென்ன வாக்­கு­று­தி­க­ளைக் கொடுத்­தேனோ, அதை­யெல்­லாம் முடிந்த வரைக்­கும் செய்து முடித்­து­விட்­டேன். அதில் எனக்கு முழுத் திருப்தி. இருந்­தா­லும், கட்­ட­மைப்பை மிக உறு­தி­யா­கக் கட்­டி­விட்­டோம். இன்­னும் செய்ய வேண்­டி­யது நிறைய இருக்­கி­றது; அதை­யும் செய்­வோம். செய்­யத்­தான் போகி­றோம், அது உறுதி! அதற்­கா­கத்­தான் இந்த ஸ்டாலின் உங்­க­ளுக்கு மீண்­டும் வேண்­டும்!

இவ்­வாறு முதல்­வர் மு.க.ஸ்டாலின் அவர்­கள் பேட்­டி­ய­ளித்­தார்.