புதுக்கோட்டை, - ஏப். 23 –
திருமயம் சட்டமன்றத் தொகுதி கழக வெற்றி வேட்பாளர், அமைச்சர் எஸ்.ரகுபதி செய்தியாளர்களுடன் கூறியதாவது:-
தேர்தல் களத்தில் தலைவர் தளபதி அவர்களின் தலைமையிலான திமுக ஆட்சிக்கு மிகப்பெரிய வரவேற்பு உள்ளது. நண்பர்கள் அனுபவசாலிகள் சிலர் என்னிடம் கூறிய போது சென்னை முதல் கன்னியாகுமரி வரை பயணம் செய்தோம். திராவிடம் ஆனால் ஆட்சிக்கு எதிரான அலை எந்த இடத்திலும் இல்லை மாறாக ஆதரவலை மட்டுமே உள்ளது என்று கூறினார். இந்த நிலை இருந்தாலே மிகப்பெரிய வெற்றியாக அமையும். இன்றைக்கு மகளிரை காக்கும் கவசமாக தளபதி அவர்கள் இருந்து கொண்டு இருக்கிறார்கள். தளபதி அவர்களை எந்த அம்புகளோ ஈட்டிகளையோ வீசினாலும் மகளிர் என்ற கவசத்தை தாண்டி செல்வது என்பது செல்ல முடியாத காரியம்.
அதே போல் பெண்கள் வாக்குகள் மிகப்பெரிய அளவில் ஆதரவாக இருக்கிறது.
70 முதல் 75 சதவீதம் வரை மகளிர் ஆதரவு இருப்பதால் கள நிலவரம் நன்றாக இருக்கிறது. தலைங மு.க.ஸ்டாலின் அவர்களின் திட்டங்களை நாங்கள் போவதற்கு முன்பாகவே மக்கள் சொல்லிவிடுகிறார்கள். திராவிட மாடல் ஆட்சியின் திட்டங்களினால் பயன்அடையாத குடும்பமே கிடையாது. எந்த கட்சியாக இருந்தாலும் எந்த இயக்கமாக இருந்தாலும், அவர்கள் அனைவரும் திராவிட மாடல் ஆட்சியின் திட்டங்களினால் பயன் அடைந்தவர்களாக இருக்கின்றனர். இது எங்களுக்கு மிகப் பெரிய வெற்றியைத் தரும்.
தி.மு.க. தேர்தல் அறிக்கை கதாநாயகன் மட்டுமல்ல கதாநாயகியும் கூட என தலைவர் அவர்கள் தெரிவித்துள்ளார்கள். மகளிர் உரிமைத் தொகை 2000 ரூபாயாக உயர்த்தப்படும் தமிழ் புதல்வன் புதுமைப் பெண் திட்டத்தில் 1500 ரூபாயாக வழங்கப்படும். எட்டாம் வகுப்பு வரை காலை உணவு திட்டம் விரிவாக்கம் என பல வாக்குறுதிகள் நிறைவேற் றப்பட இருக்கின்றன. இவற்றையெல்லாம் விட பெரிய வயவேற்பினை பெற்றிருப்பது ஸ்டாலின் கூப்பன் என்கிற கூப்பன் 8000 ரூபாய்க்கு வழங்கப்பட்டு அவர்களுக்கு விருப்பமான பொருட்களை பெற்றுக் கொள்ளலாம் என்பது தான்.
திருமயம் தொகுதியில் நலத்திட்டப் பணிகள் நிறைய நிறைவேற்றி உள்ளேன். மீண்டும் வெற்றி பெற்றதும் இன்னும் அதிகமான திட்டங்களை நிறைவேற்றுவோம். ரூ. 25 ஆயிரம் முதல் ஒரு லட்சம் வரை எங்கள் அறக்கட்டளையிலிருந்து திருமயம் தொகுதியில் கல்வி பயிலும் மாணவ மாணவியருக்கு 150 முதல் 200 பேர் வரை உதவி தொகை வழங்கப்படும். திருமண உதவித்தொகை 25 ஆயிரம் வழங்கப்படும். முதியோர் விடுதி கட்டி அரசிடம் ஒப்படைக்கப்படும். மாணவியர் கல்வி பயிலும் வழியில் மாணவர் விடுதி கட்டி அரசிடம் ஒப்படைத்து பயன்படுத்த செய்யப்படும். பொன்னமராவதி காரையூர் அரிமளம் பகுதியில் மாணவியர் விடுதி அமைத்து தரப்படும் இவ்வாறு அவர் கூறினார்.