கீழ்பென்னாத்தூர், ஏப். 23–
கீழ்பென்னாத்தூர் தொகுதியில் மதசார்பற்ற முற்போக்கு கூட்டணி வேட்பாளர் கு. பிச்சாண்டி இறுதிக்கட்ட தேர்தல் பிரச்சாரத்தை துரிஞ்சாபுரம் மேற்கு ஒன்றிய மங்கலம் கிராமத்தில் முடித்தார்.
மதியம் 3 மணியளவில் நாயுடுமங்கலம் கூட்ரோட்டில் இருந்து வாகன பேரணியாக தொடங்கிய இந்த பிரச்சாரம், நார்த்தாம்பூண்டி,கோடிகுப்பம், பெரியகிளாம்பாடி, தேவனாம்பட்டு, கருந்துவம்பாடி, புதுமல்லவாடி, துரிஞ்சாபுரம், வடக்கரும்பலூர், மாதலம்பாடி, நூக்காம் பாடி உள்ளிட்ட பகுதிகள் வழியாக சென்று, இறுதியாக துரிஞ்சாபுரம் கிழக்கு ஒன்றியம் மங்களத்தில் நிறைவு
பெற்றது.
இறுதி பிரச்சாரத்தின் போது, வேட்பாளர் கு. பிச்சாண்டி அவர்கள் தாம் கடந்த ஆட்சிக்காலத்தில் செய்த பணிகளை மக்களிடம் விரிவாக எடுத்துரைத்தார். மேலும், வருகின்ற தேர்தலில் வெற்றி பெற்றால், தமிழக முதல்வர் மு.க. ஸ்டாலின் அவர்கள் தேர்தல் அறிக்கையில் அறிவித்துள்ள அனைத்து வாக்குறுதிகளையும் இந்த தொகுதியில் முழுமையாக நிறைவேற்றுவேன் என்றும் முக்கியமாக மகளிர்க்கு பல திட்டங்கள் இருக்கின்றன அதேபோல் மாணவ மாணவியர்களுக்கும் பல திட்டங்கள் இருக்கின்றன கட்டடமைப்பு, பொது சுகாதாரம், கல்வி, சாலை வசதி, போக்குவரத்து வசதி, பாலங்கள், நீர்தேக்க தொட்டிகள், பள்ளி கட்டிடங்கள் நியாய விலை கடைகள் தொலைநோக்கு பார்வை கொண்ட திட்டங்கள் இப்படி ஏராளமான பணிகள் செய்துள்ளேன். இனியும் தொடர்ந்து செய்வேன் என கூறினார் என்னை உதயசூரியன் சின்னத்தில் வாக்களித்து பெருவாரியான வாக்கு வித்தியாசத்தில் வெற்றி பெற செய்யுங்கள் என்று கேட்டுக் கொண்டார்
இந்த நிகழ்ச்சியில் திமுக மாநில பொறியாளர் அணி செயலாளர் எஸ்.கே.பி. கருணா, ஒன்றிய செயலாளர்கள் வி.பி. அண்ணாமலை, ராமஜெயம், ஆரஞ்சி ஆறுமுகம், சி. மாரிமுத்து, இரா. ராஜேந்திரன், பேரூர் கழக செயலாளர்கள் சி.கே. அன்பு, பா. முருகையன், ஒருங்கிணைப்பாளர்கள் பொன். கருணாநிதி, எம். அப்பாசாமி, சி. தேவேந்திரன், மா. குப்புசாமி, கா. சம்பத், கோ. கண்ணன், பகுதி செயலாளர்கள், பனிக்குழு பொறுப்பாளர்கள், கூட்டணி கட்சிகளின் மாவட்ட தலைவர்கள், நிர்வாகிகள், இளைஞர் அணி, மகளிர் அணி, விவசாய அணி உறுப்பினர்கள் மற்றும் பொதுமக்கள் என ஏராளமானோர் கலந்து கொண்டனர்.