#Title காத்திடுவீர் திராவிட தமிழ்மண்ணை! பூ க்காட்டில் சாக்காட்டுக்கு அனுப்பும் பூநாகம் ஒளிந்திருப்பது போல... புனிதம் அண்ணா பெயரில் எம்.ஜி.ஆர். ஆரம்பித்த கட்சிக்குள் பூநாகங்கள் நுழைந்து நந்தவனத்தை நச்சரவ வனமாக்கியிருப்பதை... பொதுமக்கள் அறியாதிருப்பது துரதிருஷ்டம்! அந்த மக்கள் பார்வையில் எம்.ஜி.ஆரும், ஜெயலலிதாவும்... அண்ணா உருவம் தாங்கிய கொடியும்... இரட்டை இலையும் தெரிகிறதே தவிர... முன்பிருந்த தூய்மையான நந்தவனம் நச்சரவ வனமாக ஆகியிருப்பதை அறிந்திலர்..! பொய்யர்கள்... புளுகு மூட்டைகள்... ஊழல்வாதிகள்... நிறைந்த தலைமைகள்... தாங்கள் ஆட்சிக்கு வரவேண்டுமென்பதற்காக டெல்லியின் முரட்டு அடிமைகளாக மாற... கட்சியையும் அதன் தூய தொண்டர்களையும் அடமானம் வைத்துவிட்டனர். இத்தகைய தீயசக்திகள் மூலம் சங்கிகள் தமிழ்நாட்டை கைப்பற்றிவிட முயற்சிக்கிறார்கள். அதனை முறியடிக்கவே முத்துவேல் கருணாநிதி ஸ்டாலின் போராடுகிறார். இது பெரியார் மண்... அண்ணா உருவாக்கிய பகுத்தறிவு மண்! கலைஞர் உழைத்து வளர்த்த திராவிட மண்! அதனை அடக்கி ஒடுக்கி அடிமைப்படுத்த முயல்கிறது மதவாத ஒன்றிய அரசு. தமிழர்களே..! உணர்வீர்... ஒன்று படுவீர்... வரலாற்றுப் பிழை நடந்து விடாமல் காத்திடுவீர் திராவிட... தமிழ்மண்ணை. ஓட்டளிப்பீர் உதய சூரியனுக்கு! வி.செ.குகநாதன் திரைப்பட இயக்குநர்

நெய்வேலி சட்டமன்றத் தொகுதி கழக வேட்பாளர் சபா. இராஜேந்திரன் முத்தாண்டிக்குப்பம் கடைவீதியில் இறுதி கட்ட தேர்தல் பிரச்சார பரப்புரையில் ஈடுபட்டார். காங்கிரஸ் எம்.எல்.ஏ., எம்.ஆர் .இராதா கிருஷ்ணன், வி.சி.க. மாவட்ட செயலாளர் மருத முத்து, தே.மு.தி.க, ம.தி.மு.க, செந்தில்குமார், சி.பி.எம்., சி.பி.ஐ. உள்ளிட்ட கூட்டணி கட்சி நிர்வாகிகள், பொதுமக்கள் பெருந்திரளாக கலந்து கொண்டனர்.