தருமபுரி, ஏப். 23 –-
தமிழ்நாட்டில் திராவிட பேரரசர் மு.க.ஸ்டாலின் அவர்களின் தலைமையிலான கூட்டணியின் வெற்றி என்பது உறுதியான ஒன்று,கழகத்தலைவர், முதலமைச்சர் கூறியதை போல் 200 க்கும் மேற்பட்ட தொகுதிகளில் இந்த கூட்டணி நிச்சயம் வெற்றி பெறும்.
கடந்த 5 ஆண்டுகளில் தி.மு.க. அரசு நிறைவேற்றி யுள்ள திட்டங்களில் பெரும்பான்மையான திட்டங்கள் மகளிர் மற்றும் இளைஞர்களுக்கானது உதாரணமாக மகளிர் உரிமை தொகை,நான் முதல்வன்,தமிழ்புதல்வன்,விடியல் பயணம் போன்றவை நாட்டின் கடைக்கோடி மகளிர் மற்றும் இளைஞர்களை சென்றடைந்து இருக்கிறது,அது தேர்தல் பரப்புரையின் போது அவர்கள் அளிக்கும் உற்சாக வரவேற்பின் மூலம் நமக்கு தெரிகிறது.மேலும் கடந்த கால தேர்தல்களை விட இந்த தேர்தல் வித்தியாசமானது என்று கழகதலைவர் கூறியது போல திமுக வா? அதிமுகவா? என்கிற தேர்தல் அல்ல இது தமிழ்நாடா? டெல்லியா? என்று பார்க்கிற தேர்தல் என்பதை மக்கள் நன்கு உணர்ந்து இருக்கின்றனர்.
முதல்மைச்சரின் தமிழ்புதல்வன்,தாயுமானவன்,மக்களை தேடி மருத்துவம், என அனைத்து திட்டங்க ளாலும் ஒவ்வொரு குடும்பத்தில் உள்ள யாராவது ஒருவர் நிச்சயம் பயன்படும் வகையில் செயல்படுத்தி உள்ளார்.இதனால் அனைத்து தரப்பு மக்களும் மீண்டும் கழகதலைவர் மாண்புமிகு முதலமைச்சர் தலைமையிலான திராவிட மாடல் அரசே ஆட்சியமைக்க வேண்டும் என்று விரும்புகின்றனர்.
கழகதலைவர் கூறியதைபோல தேர்தல் களத்தில் திமுகவின் தேர்தல் அறிக்கை சூப்பர்ஸ்டார் தான்,முதலமைச்சர் சொன்னால் நிச்சயம் செய்து கொடுப்பார் என்ற நம்பிக்கை நாட்டு மக்களிடையே இருக்கிறது,இல்லதரசி திட்டம் மூலம் வழங்க இருக்கிற ரூ.8000 கூப்பன்,மகளிர் உரிமைத்தொகை ரூ.2000 ஆக உயர்த்தி தருவது,5 லட்சம் கலைஞர் கனவு இல்லம் போன்ற திட்டங்கள் கடந்த முறை திமுகவிற்கு வாக்களிக்காத மக்களையும் இம்முறை திமுக மற்றும் அதன் கூட்டணி வேட்பாளர்களுக்கு வாக்களிக்க தயாராக்கி உள்ளது. மகளிர் உரிமைத்தொகையை செயல் படுத்த முடியாது என்று எள்ளி நகையாடிய அதிமுகவும்,பாஜகவும் இன்று தங்கள் தேர்தல் அறிக்கையில் அதனை சேர்க்கின்ற வகையில் நமது தேர்தல் அறிக்கையின் தாக்கம் உள்ளது, இந்திய துணைக்கண்டமே பின்பற்றும் வகையிலான தேர்தல் அறிக்கையை தான் திமுக அளித்துள்ளது.
எனவே தருமபுரி மாவட்டத்தின் தருமபுரி, அரூர், பாப்பிரெட்டிப்பட்டி, பென்னகரம், பாலக்கோடு ஆகிய 5 சட்டமன்ற தொகுதிகளிலும் நிச்சயம் பெருவாரியான வாக்கு வித்தியா சத்தில் திமுக மற்றும் கூட்டணி கட்சி வேட்பாளர்கள் வெற்றி பெறுவது உறுதி.
தருமபுரி மாவட்டத்தை பொறுத்தவரை மணியம்பாடியில் கலைஞர் பல்கலைக்கழகம்,மாணவர்கள் பயன்பெற அறிவு சார் மையம், படித்த இளைஞர்கள் பயன்பெற சிப்காட் தொழில் மையம்,புவிசார் வர்த்தக மையம்,விளையாட்டு துறையில் மினி ஸ்டேடியம் உள்ளிட்ட பல மாவட்டத்தின் வளர்ச்சிக்கு உதவும் திட்டங்கள் செயல்படுத்தப்படும்,மேலும் ஏற்கனவே ரூ.36.15 கோடி மதிப்பில் துவங்கப்பட்டுள்ள வெண்ணாம்பட்டி ரயில்வே மேம்பாலம்,ரூ.82.15 கோடி மதிப்பில் தொடங்கப்பட்டுள்ள பாதாள சாக்கடை திட்டங்கள் விரைந்து முடிக்கப் பட்டு பயன்பாட்டிற்கு வரும்.
தென்மாநிலங்களின் குரலை ஒடுக்க ஒன்றிய அரசு கொண்டு வந்த வஞ்சக தொகுதி வரையறை சட்டத்தை கழகதலைவர் மாண்புமிகு முதலமைச்சர் துணிவுடன் எதிர்த்து தமிழ்நாட்டின் குரலை வலுவாக பதிவு செய்து அந்த சட்டத்தை தோற்கடித்துள்ளார்.தமிழ்நாடு தேர்தலில் தி.மு.க. வெற்றியின் முன்னோட்டமாகவே இந்த வெற்றி கிடைத்துள்ளது.
இந்தியாவிலேயே வேலைக்கு செல்லும் பெண்கள் அதிகம் உள்ள மாநிலமாக தமிழ்நாடு தொடர,படித்த இளைஞர்கள் வேலை தேடி வெளியூருக்கு செல்லாமல் அவரவர் பகுதிகளிலேயே வேலை வாய்ப்பை பெற,விளையாட்டு துறையில் பல்வேறு இளம் திறமையாளர்களை அடையாளம் கண்டு அவர்கள் சாதிக்க,இது போன்ற எண்ணற்ற மக்கள் நலத்திட்டங்கள் தொடர மக்கள் திமுகவிற்கு வாக்களிக்க தயாராக உள்ளனர்.
எனவே மாண்புமிகு முதலமைச்சர் சொன்னதை போல் 200 க்கும் மேற்பட்ட தொகுதிகளில் நிச்சயம் திமுக கூட்டணி வெற்றி பெறும் என்று பாப்பிரெட்டிப்பட்டி தொகுதி வெற்றி வேட்பாளர்,திமுக மேற்கு மாவட்ட செயலாளர் முனைவர்.பி.பழனியப்பன் தெரிவித்தார்.
திராவிட முன்னேற்றக் கழகம் தலைமையிலான மதச்சார்பற்ற முற்போக்கு கூட்டணி சார்பில், ரிஷிவந்தியம் சட்டமன்றத் தொகுதியில் போட்டியிடும் கழக வெற்றி வேட்பாளர், கள்ளக்குறிச்சி தெற்கு மாவட்ட கழக செயலாளர் வசந்தம் க.கார்த்திகேயன், ரிஷிவந்தியம் சட்டமன்றத் தொகுதிக்குட்பட்ட பல்வேறு ஊராட்சிகளில் கழக நிர்வாகிகள் மற்றும் கூட்டணிக் கட்சி தோழர்களுடன் இருசக்கர வாகனத்தில் பேரணியாகச் சென்று, தமிழ்நாடு முதலமைச்சர், கழகத் தலைவர் மு.க.ஸ்டாலின் அவர்களின் தலைமையிலான திராவிட மாடல் நல்லாட்சியின் சாதனைகளை எடுத்துரைத்து, உதயசூரியன் சின்னத்தில் வாக்குகளை சேகரித்தார். இதில் கழக நிர்வாகிகள் மற்றும் கூட்டணி கட்சிகளைச் சேர்ந்த நிர்வாகிகள் பலர் கலந்து கொண்டனர்.