சென்னை, ஏப்.24–
தமிழ்நாடு சட்டமன்றத் தேர்தலுக்கான வாக்குப் பதிவு தமிழ்நாடு முழுவதும் விறுவிறுப்பாக நடைபெற்றது. கழகத் தலைவர் – முதல்வர் மு.க.ஸ்டாலின் அவர்கள் நேற்று சென்னை எஸ்.ஐ.இ.டி.கல்லூரியில்வாக்களித்தார். வாக்களித்தபின் செய்தியாளர்களுக்குப் பேட்டியளிக்கையில் ‘தமிழ் நாடு வெல்லும்’ என்று குறிப்
பிட்டார்.
சட்டமன்றத் தேர்தலையொட்டி தமிழ்நாடு முழுவதும் பொதுமக்கள் நீண்ட வரிசையில் நின்று தங்கள் வாக்கினைப் பதிவு செய்தனர்.
தமிழக சட்டமன்றத்துக்கான தேர்தல் தேதியை தேர்தல் ஆணையம் கடந்த மார்ச் 15-ந்தேதி அன்று அறிவித்தது. அதன்படி,ஏப்ரல் 23-ந்தேதி ஒரே கட்ட தேர்தல்நடைபெறும் என்றும் வாக்குஎண்ணிக்கை மே 4-ந்தேதிஅன்று நடைபெறும் என்றும்இந்தியத் தலைமை தேர்தல் ஆணையம் அறிவித்திருந்தது.
இதனையடுத்துஅரசியல் கட்சிகள் கூட்டணிப் பேச்சுவார்த்தை நடத்தியும், தொகுதிபங்கீடு, வேட்பாளர் தேர்வு, தேர்தல் அறிக்கைதயாரித்தல் உள்ளிட்ட பணிகளை முடித்து, தீவிர பிரச்சார பணிகளில் ஈடுபட்டன. தி.மு.க. தலைமையிலான மதச்சார்பற்ற முற்போக்குக்கூட்டணி சார்பில் போட்டியிடும் வேட்பாளர்களைஆதரித்து
கழகத் தலைவர், முதல்வர் மு.க.ஸ்டாலின் அவர்கள் தமிழ்நாடு முழுவதும் சூறாவளி பிரச்சாரம் மேற்கொண்டார்.
அதேபோல் துணை முதல்வர் உதயநிதி ஸ்டாலின், கழக துணைப் பொதுச் செயலாளர் கனிமொழி கருணாநிதி எம்.பி.உள்பட தி.மு.க. கூட்டணிக் கட்சித் தலைவர்கள், தேசிய கட்சியின் முன்னணித் தலைவர்கள் பிரச்சாரம் மேற்கொண்டனர். தமிழ்நாடு முழுவதும் அரசியல் கட்சி தலைவர்கள் கடும் வெயிலிலும், தீவிரபிரச்சாரத்தில் ஈடுபட்டு, பொதுமக்களைச் சந்தித்து, வாக்கு சேகரிப்பில் ஈடுபட்டனர்.
இந்நிலையில்,தமிழ்நாட்டில் அனல் பறந்த தேர்தல் பிரச்சாரம் கடந்த 21-ந்தேதி மாலை 6 மணியுடன் முடிவடைந்தது. தேர்தல் பிரச்சாரம் முடிந்த உடன் தேர்தல் தொடர்பான விதிகள் அமலுக்கு வந்தன.
முதல்வர் மு.க.ஸ்டாலின்
வாக்களித்தார்!
இதனைத்தொடர்ந்து தமிழகசட்டமன்றத் தேர்தலுக்கான வாக்குப்பதிவு நேற்று காலை
7 மணியளவில் தொடங்கி விறுவிறுப்பாக நடைபெற்றது.
முதல்வர் மு.க.ஸ்டாலின் அவர்கள் நேற்று காலை, சென்னை தேனாம்பேட்டையில் உள்ள எஸ்.ஐ.இ.டி. கல்லூரியில் குடும்பத்தினருடன் சென்று வாக்களித்தார்.
முதல்வர் மு.க.ஸ்டாலின் பேட்டி!
வாக்களித்தபின் முதல்வர் மு.க.ஸ்டாலின் அவர்கள் செய்தியாளர்கள் சந்திப்பில், “நான் எப்படி ஜனநாயக கடமை ஆற்றியிருக்கின்றேனோ, அதேபோல் தமிழக மக்கள் அனைவரும் ஜனநாயக கடமை ஆற்ற வேண்டும். தமிழ்நாடு வெல்லும்” என்று கூறினார்.
துணை முதல்வர் உதயநிதி
ஸ்டாலின் வாக்களித்தார்!
அதேபோல்துணை முதல மைச்சர் உதயநிதிஸ்டாலின்,திருமதி துர்கா ஸ்டாலின், திருமதி கிருத்திகாஉதயநிதி, இன்பநிதி உதயநிதி ஆகியோர் எஸ்.ஐ.இ.டி. கல்லூரியில் வாக்களித்தனர். கழகப் பொதுச் செயலாளர் துரைமுருகன், காட்பாடியிலும், கழகப் பொருளாளர் டி.ஆர்.பாலு, தாம்பரத்திலும், கழக முதன்மைச் செயலாளர் கே.என்.நேரு திருச்சியிலும், கழக துணைப் பொதுச் செயலாளர் கனிமொழி கருணாநிதி எம்.பி., இராதாகிருஷ்ணன் சாலை தூய அப்பாஸ் பள்ளியிலும் வாக்களித்தனர்,
இதேபோன்று அமைச்சர்கள், மாவட்டக் கழகச் செயலாளர்கள், கழக முன்னணியினர், சட்டமன்ற, நாடாளுமன்ற உறுப்பினர்கள், கூட்டணிக்
கட்சித் தலைவர்கள்,தோழர்கள், திரையுலக பிரமுகர்கள் அனைவரும் தத்தம் தொகுதிகளில் வாக்களித்தனர்.
மக்கள் நீண்ட வரிசையில் நின்று வாக்களித்தனர்!
தமிழ்நாடு முழுவதும் பொதுமக்கள் நீண்டவரிசையில்
காத்திருந்து வாக்களித்தனர்.
வாக்குப்பதிவு அதிகரிப்பு!
தமிழ்நாடு சட்டப்பேரவைத் தேர்தலில் கடந்த2021 தேர்தலைவிட இந்தத்தேர்தலில் மக்கள் ஆர்வமுடன் வாக்களித்தனர். இதனால் வாக்கு சதவிகி தம் அதிகரித்துள்ளது. பிற்பகல் 1 மணி நிலவரப்படி 57 சதவிகிதத்தை தாண்டியுள்ளது.