காரைக்குடி, ஏப்.25–

சிவகங்கை மாவட்டம், காரைக்குடி அருகே கண்ட னூரில் உள்ள சிட்டாள் ஆச்சி பள்ளி வாக்குச்சாவடி மையத்தில் நேற்று காலை முதல் நபராக முன்னாள் நிதி அமைச்சர்ப.சிதம்பரம் வாக்களித்தார்.

பின்னர், அவர் அளித்த பேட்டி வருமாறு:–

தமிழ்நாட்டில் ஒரு நிலையான அரசு வேண்டும். வளர்ச்சி வேண்டும். மக்கள் நலத் திட்டங்கள் வேண்டும். இந்த மூன்று எதிர்பார்ப்புகள் தான் மாநிலம் முழுவதும் எதிரொலிக்கிறது. இந்த மூன்றையும் கடந்த முறை அளித்த திமுக தலைமை யிலான மதச்சார்பற்ற முற்போக்கு கூட்டணி அரசு, அடுத்த 5 ஆண்டு களுக்கும் தொடரும் என்ற நம்பிக்கை உள்ளது.

தமிழ்நாட்டில் வரக்கூடிய அரசுக்கு பட்ஜெட் போடுவதில் எந்தச் சிக்கலும் இருக்காது. அமைச்சர்கள் இருக்கி றார்கள், திறன்மிகுந்த அதி காரிகள் இருக்கி றார்கள். வரவு செலவு கணக்கு போடும்போது மாநிலத்தின் சொந்த வருவாய், ஒன்றிய அரசின் வருவாய் ஆகிய இரண்டையும் கணக்கில் கொண்டு செயல்பட வேண்டும். இது ஒன்றிய அரசுக்கும் பொருந்தும், மாநில அரசுக்கும் பொருந்தும். ஒரு நிலையான அரசு, வலிமையான அரசு உறுதியான வரவு செலவு அறிக்கையை அளிக்கும். மாநிலத்தின் வளர்ச்சி திட்டப்பணிகளுக்கு அதிகளவு கடன் பெறப்படு கிறதே என்கிறீர்கள்.

ஒன்றிய அரசுக்கு எவ்வளவு கடன் உள்ளது? கடன் பெறுவதில் தப்பில்லை. தமிழ்நாடு மட்டும் கடன் வாங்க வில்லை. அனைத்து நாடு களும் கடன் வாங்குகின்றன. மாநில அரசின் இலவச திட்டங்கள் குறித்து விமர்சனம் எழுந்துள்ளதே என்கிறீர்கள். இலவச திட்டங்களால் மாநி லத்துக்கு எந்த சிக்கலும் இல்லை.

இவ்வாறு அவர் கூறினார்.