சென்னை, ஏப்.25–
தமிழ்நாட்டில் இதுவரை இல்லாத அளவுக்கு வாக்கு சதவிகிதம் கூடியதற்கு காரணம் என்ன என்பது குறித்து பரபரப்பு தகவல்கள் வெளியாகியுள்ளது. தமிழ்நாட்டில் வாக்காளர் சிறப்பு தீவிர திருத்தப் பணிகளுக்கு (எஸ்.ஐ.ஆர்.) பிறகு 43 லட்சம் வாக்காளர்கள் நீக்கப்பட்டுள்ள னர். தற்போது எஸ்.ஐ.ஆருக்கு பிறகு தமிழகத்தில் 5 கோடியே 73 லட்சத்து 43 ஆயிரத்து 291 வாக்காளர்கள் உள்ளனர். தமிழ்நாடு சட்டப்பேரவை தேர்தலில், வாக்குப்பதிவு சதவிகிதம் 85 சதவீதம் வரை பதிவாகியுள்ளது.
இதற்கு எஸ்.ஐ.ஆர். காரணமா அல்லது மற்ற தேர்தலைவிட இந்த தேர்தலில் அதிக கட்சிகள் போட்டியிடுவதால், அதிகம்பேர் ஆர்வமாகவந்து வாக்களித்தது காரணமா என்ற கேள்விஎழுந்துள்ளது. ஆனால், எஸ்.ஐ.ஆர். (வாக்காளர் சிறப்பு தீவிர திருத்தம்) தான் வாக்கு சதவிகிதத்திற்கு அதிகரித்திருப்பதற்கு காரணம் என்று கூறப்படுகிறது.
காரணம், தமிழ்நாட்டில் இறந்தவர்கள், இடம் மாறியவர்கள், ஒரே நபர் இரண்டு அல்லது மூன்று இடங்களில் வாக்காளர் அடையாள அட்டைகள் வைத்து ஏமாற்றியது கண்டறியப்பட்டு எஸ்.ஐ.ஆர். மூலம் அதிரடியாக தேர்தல் ஆணையம் நீக்கியது. தேர்தல் ஆணையத்தின் கட்டுப்பாடுகள் அதிகரித்துள்ளதால், கள்ள ஓட்டு போடுவது என்பது முடியாத காரியமாகும். அதனால், தற்போது வாக்காளர் பட்டியல் திருத்தம் காரணமே வாக்கு சதவிகிதம் அதிகரித்ததற்கு காரணமாகும். இதற்கு முன்பாக கடந்த சில தேர்தல்களில் தமிழ்நாட்டில் நடைபெற்ற தேர்தலில் வாக்கு சதவிகிதம் எவ்வளவு பதிவானது என்ற விவரங்
களைப் பார்க்கலாம்.
*
தமிழ்நாட்டில் கடந்த 11 தேர்தல்களுடன் ஒப்பிட்டுப் பார்த்தால் 2011ஆம் ஆண்டு சட்டமன்றத் தேர்தலின் போதுதான் அதிகபட்சமாக 78.29 சதவிகித வாக்குகள்பதிவாகியுள் ளன. அதற்குஅடுத்தபடியாக இந்த (2026) தேர்தலில்தான் அதிகபட்சமாக 85.14 சதவிகித வாக்குகள் பதிவாகியுள்ளன.
குறைவு என்று பார்த்தால் 2001ஆம் ஆண்டு சட்டமன்றத் தேர்தலில் வெறும் 59.07 சதவிகித வாக்குகளே பதிவாகியிருந்தன. இதுவரை அதிகபட்சமாக உள்ள 78.29 சதவிகிதம் என்ற சாதனையை இந்த தேர்தல் முறியடித்துள்ளது. மேலும், இந்த தேர்தலில் இளைஞர்கள் அதிக அளவில் வாக்களிக்க ஆர்வம் காட்டுவதும், வாக்காளர் சிறப்பு தீவிர திருத்த பணிகளால் இலட்சக்கணக்கான வாக்குகள் நீக்கப்பட்டு இருப்பதாலும் வாக்கு சதவிகிதம் அதிகரித்துள்ளது. அதன்படி, தற்போது நடைபெற்ற தேர்தலில் வாக்கு சதவிகிதம் 85ஆக உயர்ந்துள்ளது.
* சட்டப்பேரவை தேர்தலில் ஆண்டு வாரியாக வாக்கு சதவிகிதம்
1951 – 54.75%
1957 – 46.56%
1962 –70.65%
1967 – 76.57%
1971 – 72.10%
1977 – 61.58%
1980 – 65.42%
1984 – 73.47%
1989 – 69.69%
1991 – 63.84%
1996 – 66.95%
2001 – 59.07%
2006 – 70.56%
2011 – 78.29%
2016 – 74.81%
2021 – 73.63%
2026 – 85%
*மாவட்ட வாரியாக பதிவானவாக்குகள் முழுவிவரம்:
மாவட்டம் – சதவிகிதம்
சென்னை – 83.73%
திருவள்ளூர் – 83.76%
காஞ்சிபுரம் – 87.39%
செங்கல்பட்டு – 85.39%
கோவை – 84.76%
மதுரை – 80.55%
திருச்சி – 85.43%
அரியலூர் – 87.41%
கடலூர் – 85.49%
தர்மபுரி – 90.13%
திண்டுக்கல் – 89.22%
ஈரோடு– 90.10%
கள்ளக்குறிச்சி – 88.33%
கன்னியாகுமரி – 75.61%
கரூர் – 92.62%
கிருஷ்ணகிரி – 85.31%
மயிலாடுதுறை – 82.14%
நாகை – 86.30%
நாமக்கல் – 90.21%
பெரம்பலூர் – 85.50%
புதுக்கோட்டை – 83.90%
ராமநாதபுரம் – 77.03%
ராணிப்பேட்டை – 89.89%
சேலம் – 90.74%
சிவகங்கை– 76.66%
தென்காசி – 82.40%
தஞ்சாவூர் – 80.63%
நீலகிரி –78.96%
தேனி – 81.55%
திருவாரூர் – 83.71%
தூத்துக்குடி – 80.55%
திருநெல்வேலி– 77.94%
திருப்பத்தூர் – 88.96%
திருப்பூர் – 88.59%
திருவண்ணாமலை – 89.59%
வேலூர் – 88.76%
விழுப்புரம் 89.00%
விருதுநகர் – 84.89%