சென்னை, ஏப். 25–
தமிழ்நாடு சட்டமன்றத் தேர்தலுக்கான வாக்குப் பதிவு நிறை வடைந்ததை யடுத்து, வாக்குப்பதிவு இயந்திரங்கள் அனைத்தும் சீலிடப்பட்டு, பலத்த பாதுகாப்புடன் வாக்கு எண்ணும் மையங்களில் வைக்கப்பட்டுள்ளன.
தமிழ்நாட்டின் 234 சட்டப்பேரவைத் தொகுதிகளுக்கும் நேற்று முன்தினம் ஒரே கட்டமாக தேர்தல் நடை பெற்றது. காலை 7 மணிக்கு தொடங்கிய வாக்குப்பதிவு சரியாக மாலை 6 மணிக்கு நிறைவடைந்தது. சுமார் 5 கோடியே 73 லட்சம் வாக்காளர்களுக்காக தமிழ்நாடு முழுவதும் 75 ஆயிரத்திற்கும் மேற்பட்ட வாக்குச்சாவடிகள் அமைக்கப்பட்டிருந்தன.
மாலை 6 மணிக்குள் வந்த வாக்காளர்களுக்கு டோக்கன் வழங்கப்பட்டு வாக்களிக்க அனுமதிக்கப்பட்டனர். தேர்தல் ஆணையம் வெளியிட்டுள்ள புள்ளி விவரங்
களின்படி, தமிழ்நாட்டில் 85 சதவீத வாக்குகள் பதிவாகியுள்ளன. அதிகட்சமாக கரூர் மாவட்டத்தில் 92 சதவீதத்திற்கும் அதிகமான வாக்குகளும், சேலம் மாவட்டத்தில் 91 சதவீதம் வாக்கு களும் பதிவாகி உள்ளன. குறைந்தபட்ச மாக கன்னியாகுமரி மாவட்டத்தில் 76 சதவீதம் வாக்குகளும், சிவகங்கை மாவட்டத்தில் 77 சதவீதம் வாக்குகளும் பதிவாகி உள்ளன.
வாக்குகள் மே 4-ம் தேதி எண்ணப்பட்டு, அன்றைய தினமே முடிவுகள் அறிவிக்கப்பட உள்ளன.
இதனையொட்டி, தேர்தலில் பயன்படுத்தப்பட்ட வாக்குப்பதிவு இயந்திரங்கள் அனைத்தும் தமிழ்நாட்டில் உள்ள 62 வாக்கு எண்ணும் மையங்களுக்கு கொண்டு செல்லப்பட்டு பலத்த பாதுகாப்புடன் வைக்கப்பட்டுள்ளன.
தேர்தல் அதிகாரிகள் அதிகாரிகள், வாக்குச்சாவடி முகவர்கள் முன்னிலையில் இயந்திரங்கள் சீலிடப்பட்டு, பலத்த பாதுகாப்புடன் எடுத்துச் செல்லப்பட்டன. சென்னையில் 16 தொகுதிகளுக்கான வாக்குப்பதிவு இயந்திரங்களும், அண்ணா பல்கலைக்கழகம், லயோலா கல்லூரி, இராணி மேரி கல்லூரி ஆகிய 3 இடங்களில் உள்ள வாக்கு எண்ணும் மையங்களுக்கு கொண்டு செல்லப்பட்டன. வாக்கு எண்ணும் மையங்களைச் சுற்றிலும் 4 அடுக்கு பாதுகாப்பு போடப்பட்டுள்ளது. மே 4-ம் தேதி வாக்கு எண்ணிக்கை நடைபெறும் வரை, வாக்கு எண்ணும் மையங்கள் 24 மணி நேரமும் சிசிடிவி கேமரா மூலம் கண்காணிக்கப்படும் என தெரிவிக்கப்பட்டுள்ளது.