சென்னை, ஏப். 25-–
முரசொலி செல்வம் அவர்களுக்கு நேற்றைய தினம் பிறந்த நாள் ஆகும்.
இந்நாளையொட்டி, கழகத்
தலைவரும் முதலமைச்சருமானமு.க. ஸ்டாலின் அவர்கள், நேற்று,சென்னை -கோடம்பாக்கம்
“முரசொலி” வளாகத்தில் அமைந்துள்ள முரசொலி செல்வம் அவர்களின் திருவுருவுச்சிலைக்கு மாலை அணிவித்து திருவுருவப் படத்திற்கு மலர் தூவி மரியாதை செலுத்தினார்.
இந்நாளில்கழகத் தலைவர் அவர்கள் விடுத்துள்ள வலைதளப் பதிவில்,“என் வாழ்வின் ஒவ்வொரு கட்டத்திலும் அண்ணனாக உடனிருந்து வழிகாட்டிய முரசொலி
செல்வம் அவர்களது நினைவுகளைப் போற்றுகிறேன்” என்று உருக்கமுடன் குறிப்பிட்டுள்ளார்.
அதன் விவரம் வருமாறு :-–
திராவிட இயக்கக் கொள்கைச் சிங்கம் முரசொலிசெல்வம் அவர்களின் பிறந்தநாள் இன்று. இதனையொட்டி சென்னை கோடம்பாக்கத்தில் உள்ளமுரசொலி அலுவலகத்தில் அமைந்திருக்கும் முரசொலி செல்வம் அவர்களின் திருவுருவச் சிலைக்கு முதலமைச்சர் மு.க.ஸ்டாலின் மரியாதைசெலுத்தினார். அங்குஅலங்கரித்துவைக்கப்பட்டிருந்த முரசொலி செல்வம் அவர்களின் திருவுருவப் படத்திற்கும் மலர் தூவி மரியாதை செலுத்தினார்.
இந்நிகழ்வில் சென்னை மேற்கு மாவட்டச் செயலாளர் நே.சிற்றரசு, கான்ஸ்டன்டைன் ரவீந்திரன் எம்.பி., டாக்டர்
எழிலன் நாகநாதன் எம். எல். ஏ., முத்தமிழ் அறிஞர் கலைஞர் அவர்களின் செயலாளர்
கே.இராஜமாணிக்கம், இ.ஆ.ப. (ஓய்வு), ‘முரசொலி’ பொது மேலாளர் ஆர். இராஜசேகரன், ‘முரசொலி’செய்தி ஆசிரியர்கள் கே.சேது, இள.மதியழகன், ‘முரசொலி’ துணை ஆசிரியர் மு.முத்தையா, ஆயிரம் விளக்கு மேற்குப் பகுதிக் கழகச் செயலாளர் வினோத் வேலாயுதம் ஆகியோர் கலந்து கொண்டனர்.
இதுகுறித்துமுதல்வர் அவர்கள் அவர்கள் விடுத்துள்ள சமூக வலைதளப் பதிவு வருமாறு:–
திராவிடமுரசொலித்த கொள்கைச் செல்வத்தின் பிறந்தநாள்.
தலைவர் கலைஞரின் நிழலில் வளர்ந்து, எனக்குநிழலாய் இருந்தவர் அண்ணன் முரசொலி
செல்வம் அவர்கள்!
பதவிகளையோவிளம்பரங்களையோ விரும்பியவரும் அல்லர்,அதிகாரத்தைப் பயன்படுத்திச் சிறையிலடைத்த போது அஞ்சவும் செய்யாதவர். சிலந்தியாய் எழுத்துவலை பின்னி எதிரிகளைச் சிக்க வைத்தவர்.
என் வாழ்வின் ஒவ்வொரு
கட்டத்திலும் அண்ணனாக உடனிருந்து வழிகாட்டிய முரசொலி செல்வம் அவர்களது நினைவுகளைப் போற்றுகிறேன்.
இவ்வாறு முதல்வர் அவர்கள் தெரிவித்துள்ளார்.