புதுடெல்லி, ஏப். 26 –
தேர்தல் விதிமீறலில் ஈடுபட்ட பிரதமர் மீது நடவடிக்கை எடுக்கக் கோரிய காங்கிரஸ் தலைவர் மல்லிகார்ஜுன கார்கேவுக்கு தேர்தல் ஆணையம் உள்நோக்கத்துடன் நோட்டீஸ் அனுப்பியுள்ளதாக ஜெய்ராம் ரமேஷ் கண்டனம் தெரிவித்துள்ளார்.
பிரதமர் மோடியும், ஒன்றிய அமைச்சர் அமித்ஷாவும் தொடர்ந்து தேர்தல் விதிமீறலில் ஈடுபட்டு வருவதாக காங்கிரஸ் கட்சி குற்றம்சாட்டியுள் ளது. இதுதொடர்பாக தேர்தல் ஆணையத்திடம் முறையிட்டும் உரிய நடவடிக்கை எடுக்கப்படாமல் உள்ளது. இதற்கு காங்கிரஸ் கட்சி கண்டனம் தெரிவித்துள்ளது. மேலும், மோடி மற்றும் அமித்ஷா மீது நடவடிக்கை எடுக்க தேர்தல் ஆணையத்துக்கு உத்தரவிடக் கோரி உச்ச நீதிமன்றத்திலும் அக்கட்சி சார்பில் வழக்கு தொடரப்பட்டுள்ளது.
இந்நிலையில், மோடி, அமித்ஷாவின் தேர்தல் விதிமீறல் குறித்து தனது செய்தியாளர் சந்திப்பில் பேசிய காங்கிரஸ் தலைவர் மல்லிகார்ஜுன கார்கேவுக்கு தேர்தல் ஆணையம் நோட்டீஸ் அனுப்பி யுள்ளது.
இதற்கு கண்டனம் தெரிவித்துள்ள காங்கிரஸ் பொதுச்செயலாளர்ஜெய்ராம் ரமேஷ், தேர்தல் ஆணையத்துக்கு கடிதம் ஒன்றை அனுப்பியுள்ளார்.
அதில், அமலாக்கத்துறை உள்ளிட்ட அமைப்புகளைபிரதமர் மோடி பயன்படுத்திமிரட்டி வருவதாகவே மல்லிகார்ஜுன கார்கே தனது பத்திரிகையாளர் சந்திப்பில் பேசியதாக தெரிவித்துள்ளார்.
இதுகுறித்து உடனுக்குடன் விளக்கம் கூறப்பட்ட நிலையிலும், உள்நோக்கத்துடன் தேர்தல் ஆணையம் நோட்டீஸ் அனுப்பி இருப்பதாக ஜெய்ராம் ரமேஷ் கண்டனம் தெரிவித்துள்ளார்.