மதுரை,ஏப். 26 –

“நடைபெற்ற சட்­டமன்றத் தேர்­தலில் தி.மு.கழகக் கூட்டணி யின் வெற்றி வாய்ப்பு சூப்பராக உள்ளது” என்று கழகத் தலைவர் – முதலமைச்சர் மு.க.ஸ்டாலின் அவர்கள் மதுரை விமான நிலை­ யத்­தில் செய்தியாளர்களின் கேள்விக்குப் பதிலளிக்கும்போது தெரிவித்தார்.

சட்­டப்­பே­ர­வைத் தேர்­தல் முடி­வ­டைந்த நிலை­யில் ஓய்­வெ­டுப்­ப­தற்­காக முதலமைச்சர் மு.க.ஸ்டாலின் அவர்கள் கொடைக்­கா­னல் செல்­கி­றார்.

இதற்­காக சென்னை விமான நிலை­யத்­தில் இருந்து தனி விமா­னம் மூலம் குடும்­பத்­து­டன் மதுரை வந்­தார் முதல்­வர் மு.க.ஸ்டாலின் அவர்கள்.

அப்­போது மதுரை விமான நிலை­யத்­தில் முதலமைச்சர் மு.க.ஸ்டாலி­ன் அவர்களி­டம் செய்­தி­யா­ளர்­கள், ‘வெற்றி வாய்ப்பு எப்­படி உள்­ளது?’ என்று கேள்வி எழுப்­பி­னர்.

அதற்கு முதல்­வர்மு.க. ஸ்டாலின் அவர்கள், ‘வெற்றி வாய்ப்பு எங்­க­ளுக்­குத்­தான்’ என்­ப­து­போல ‘தம்ப்ஸ் அப்’ காட்­டிச் சென்­றார்.

தமிழக சட்டப்பேரவைத் தேர்தல் நடந்து முடிந்துள்ள நிலையில், முதலமைச்சர் மு.க.ஸ்டாலின் அவர்கள் ஓய்வு எடுப்பதற்காக 5 நாட்கள் பயணமாக தனது குடும்பத்துடன் நேற்று கொடைக்கானல் சென்றார்.

இதற்காக நேற்று காலை சென்னையில் இருந்து தனி விமானத்தில் குடும்பத்தினருடன் மதுரை வருகை தந்தார். அங்கிருந்து கார் மூலம் கொடைக்கானலுக்குச் சென்று அங்கு தனியார் ஹோட்டலில் தங்கினார்.

இதேபோல், கடந்த 2021-ல் சட்டப்பேரவைத் தேர்தல் மற்றும் 2024-ல் மக்களவைத் தேர்தல் முடிவடைந்ததும், முதலமைச்சர் மு.க.ஸ்டாலின் அவர்கள் தனது குடும்பத்துடன் கொடைக்கானல் வந்து தங்கி ஓய்வெடுத்துவிட்டு சென்னை திரும்பினார் என்பது குறிப்பிடத்தக்கது.

இரண்டு ஆண்டுகளுக்குப் பிறகு தற்போது அதேபோல் ஓய்வெடுக்க கொடைக்கானல் வருகிறார். ஓய்வுக்காக செல்வ தால், கட்சியினர் யாரும் முதல்வரைச் சந்திக்க அனுமதி இல்லை என்றும் தி.மு.க. நிர்வாகிகள் தெரிவித்துள்ளனர்.