புதுடெல்லி, ஏப். 26 –
குறைந்தபட்ச ஊதியம், பணிப் பாதுகாப்பு உள்ளிட்ட கோரிக்கைகளை முன் வைத்து நொய்டா, காஜியா பாத் மற்றும் டெல்லி தொழிற்பேட்டை பகுதிகளில் தொழிலாளர்கள் போராடிவரும் நிலையில், அவர்களுக்கு ஆதரவாக இடதுசாரிக் கட்சிகள் சார்பில் வெள்ளிக்கிழமை (ஏப். 24) அன்று புதுதில்லி நாடாளுமன்ற வீதியில் கூட்டு ஆர்ப்பாட்டம் நடைபெற்றது.
இந்திய கம்யூனிஸ்ட் கட்சி (மார்க்சிஸ்ட்), இந்திய கம்யூனிஸ்ட் கட்சி, இந்திய கம்யூனிஸ்ட் கட்சி (எம்-எல்), புரட்சிகர சோச லிஸ்ட் கட்சி, அகில இந்திய பார்வர்ட் பிளாக் ஆகியவை இணைந்து நடத்திய இந்த ஆர்ப்பாட்டத்தில், நொய்டா, காஜியாபாத் மற்றும் டெல்லி ஆகிய பகுதிகளைச் சேர்ந்த பெருந்திரளான தொழிலாளர்களும் தொழிற்சங்கத் தலை வர்களும் இந்த ஆர்ப்பாட்டத்தில் பங்கேற்றனர்.
மார்க்சிஸ்ட் கம்யூனிஸ்ட் கட்சியின் மூத்தத் தலைவர் சுபாஷினி அலி, ஆர்ப்பாட்டத்தில் பங்கேற்றுப் பேசுகையில், தொழிலாளர்கள் மத்தியில் குறிப்பாக நொய்டா கிரேட்டர் நொய்டா, காஜியா பாத் மற்றும் குருகிராம் பகுதிகளில் தொழிலாளர்கள் நிம்மதியை இழந்திருப்பதாகவும், குறைந்தபட்ச ஊதியம் மறுக்கப்படுதல், ஒப்பந்த தொழிலாளர் முறை விரிவாக்கம், பாதுகாப்பற்ற பணிச்சூழல்கள் மற்றும் தொழிலாளர் சட்டங்களின் அப்பட்டமான மீறல்கள் ஆகியவையே இதற்கான முதன்மைக் காரணங்கள் என்றும் கூறியுள்ளார்.
ஊதிய உயர்வு, பணி நிரந்தரம், சிறந்த பணிச் சூழல்கள் போன்ற தங்களின் நியாயமான கோரிக்கைகளுக்காகத் தொழிலா ளர்கள் ஒன்று திரளும் போதெல்லாம், காவல்துறை நடவடிக்கை, கைதுகள் மற்றும் தொழிற்சங்க நடவடிக்கைகளுக்குத் தடை போன்ற அடக்குமுறைகளையே மாநில அரசுகள் ஏவிவிடுவதாக குற்றம் சாட்டினார். தொழிலாளர்களின் நியாயமான கோரிக்கைகளைச் சட்டம் - ஒழுங்குப் பிரச்சனைகள் என்று முத்திரை குத்தி அடக்க முடியாது என்றும் அவர் எச்சரித்தார்.
பிஎம் டெல்லி மாநிலச் செயலாளர்), அமர்ஜித் கவுர் (ஏஐடியுசி), ஸ்வேதா ராஜ் (சிபிஐ-எம்எல்), ஆர்.எஸ். டாகர் (புரட்சிகர சோசலிஸ்ட் கட்சி) ஆகிய தலைவர்களும் உரையாற்றினர். ஆர்ப்பாட்டத்தின் முடிவில், டெல்லி தொழிற்பேட்டைப் பகுதிகளில் அதிகரித்து வரும் தொழிலாளர் அமைதியின்மை குறித்தும், அவர்களுக்கு எதிராக மேற்கொள்ளப்பட்டு வரும் ஒடுக்குமுறைகள் குறித்தும் ஆழ்ந்த கவலையை வெளிப்படுத்தும் விரிவான மனு ஒன்று, பிரதமர், உள்துறை அமைச்சர் மற்றும் மத்திய தொழிலாளர் நலத்துறை அமைச்சர் ஆகியோரிடம் சமர்ப்பிக்கப்பட்டது.
“கைது செய்யப்பட்டுள்ள அனைத்துத் தொழிலாளர்களையும், தொழிற்சங்கத் தலைவர்களையும் உடனடியாக விடுதலை செய்ய வேண்டும். தொழிலாளர்கள் மீது புனையப்பட்டுள்ள பொய் வழக்குகளைத் திரும்பப் பெற வேண்டும். குறைந்தபட்ச ஊதியம் அளித்திட வேண்டும். தொழிலாளர் நலச் சட்டங்களை அமல்படுத்திட வேண்டும். ஒப்பந்த ஊழியர்களை பணி நிரந்தரம் செய்ய வேண்டும். தொழிற்பேட்டைகளில் இயங்கும் தொழிலாளர் நலத்துறை பொறுப்புடன் செயல்படுவதை உத்தர வாதப்படுத்திட வேண்டும்” என்று அந்த மனுவில் வலியுறுத்தப்பட்டு இருந்தது.
கோரிக்கைகள் நிறைவேறாவிட்டால் போராட்டங்கள் தீவிரமாகும் என்றும் இடதுசாரிக் கட்சிகள் சார்பில் எச்சரிக்கை விடுக்கப்பட்டு உள்ளது.