புது­டெல்லி, ஏப். 26–

ரயில்வே துறை­யில் 2 சத­வீத பணி­யா­ளர்­களை குறைக்க வேண்­டும் என்று ஒன்­றிய அரசு உத்­த­ர­விட்­டுள்­ளது. இதன் கார­ண­மாக பல்­லா­யி­ரம் பேர் வேலைஇழப்­பார்­கள் என்று தொழிற்­சங்­கங்­கள் கண்­ட­னம் தெரி­வித்­துள்­ளன.

இந்­தி­யா­வின் மிகப்­பெ­ரிய பொதுத்­துறை நிறு­வ­ன­மான ரயில்வே துறை­யில் மொத்­தம் 14 லட்­சத்து 80 ஆயி­ரத்து 455 பணி­யா­ளர்­கள் உள்­ள­னர். அதிக வரு­மா­னம் மற்­றும் அதிக ஊழி­யர்­களைக் கொண்ட துறை­யாக ரயில்வே துறை உள்­ளது.

இந்­நி­லை­யில், இந்­திய ரயில்வே நிர்­வா­கம் தனது ஒட்­டு­மொத்த பணி­யா­ளர் எண்­ணிக்­கை­யில் 2 சத­வீ­தத்­தைக் குறைக்க உத்­த­ர­விட்­டுள்­ளது. அதா­வது சுமார் 30 ஆயி­ரம் பணி­யா­ளர்­க­ளைக் குறைக்க ஒன்­றிய அரசு உத்­த­ர­விட்­டுள்­ளது.

தெற்கு ரயில்­வே­யில் மட்­டும் ஆயி­ரத்து 906 பணி­யி­டங்­கள் குறைக்­கப்­ப­ட­வுள்­ளன. ஒரு­பு­றம் அதி­வேக ரயில்­கள், புதிய வழித்­த­டங்­கள் மற்­றும் வந்தே பாரத் போன்ற நவீன ரயில்­கள் அறி­மு­கப்­ப­டுத்­தப்­பட்டு வரும் நிலை­யில், மறு­பு­றம் பணி­யா­ளர்­க­ளின் எண்­ணிக்­கை­யைக் குறைப்­பது முர­ணாக இருப்­ப­தாகதொழிற்­சங்­கங்­கள் கண்­ட­னம் தெரி­வித்­துள்­ளன. ஆட்­கு­றைப்பு நட­வ­டிக்­கை­யா­ னது நிர்­வா­கச் செல­வு­க­ளைக் குறைக்­கும் நோக்­கில் எடுக்­கப்­பட்­ட­தா­கக் கரு­தப்­பட்­டா­லும், இது ரயில்வே துறை­யில் பெரும் அதிர்­வ­லை­களை ஏற்­ப­டுத்­தி­யுள்­ளது.ஒன்­றிய அர­சின் இந்த நட­வ­டிக்­கைக்கு ஓய்­வு­பெற்ற அதி­கா­ரி­கள் மற்­றும் ரயில்வே ஊழி­யர்­கள் சங்­கத்­தி­னர் கடும் கண்­ட­னம் தெரி­வித்­துள்­ள­னர். போதிய பணி­யா­ளர்­கள் இல்­லாத சூழ­லில், தற்­போ­துள்ள ஊழி­யர்­க­ளுக்­குப்பணிச்­சுமை அதி­க­ரிப்­ப­தோடு, ரயில்­க­ளின் இயக்­கம் மற்­றும் பரா­ம­ரிப்­புப்பணி­க­ளில் தொய்வு ஏற்­ப­டக்­கூ­டும் என்­றும், இது பய­ணி­க­ளின் பாது­காப்­பைக் கேள்­விக்­கு­றி­யாக்­கும் என்­றும் அவர்­கள் எச்­ச­ரித்­துள்­ள­னர்.