கொல்கத்தா, ஏப்.27–
மேற்கு வங்க சட்டசபை இந்த தேர்தலின் இறுதிக்கட்ட வாக்குப்பதிவை ஒட்டி தான் நாளை பிரசாரம் ஓய்வதால் தேர்தல் களம் தற்போது உச்சகட்ட பரபரப்பை எட்டியுள்ளது.
மேற்குவங்க மாநிலத்தில் கடந்த 23ம் தேதி நடந்த முதற்கட்ட தேர்தலில் மொத்தம் 16 மாவட்டங்களில் உள்ள 152 தொகுதிகளில் வாக்குப்பதிவு நடந்தது. இதில் 1478 வேட்பாளர்கள் போட்டியிட்ட நிலையில், 1951ம் ஆண்டிற்குப் பிறகு மிக அதிகமாக 92.03 சதவீதம் வாக்குகள் பதிவானது முதற்கட்ட தேர்தலின் போது முர்ஷிதாபாத், மாவட்டத்தின் டொம்கல் மற்றும் ராணிநகர், தக்ஷின் , தினாஜ்பூர் மாவட்டத்தின் குமார்கஞ்ச் மற்றும் பிரபூம் பகுதிகளில் சில வன்முறைச் சம்பவங்கள் நடந்தன பாதுகாப்பு பணிக்காக 2,450 கம்பெனி ஒன்றிய ஆயுதப்படை போலீசார் பணியில் ஈடுப்படுத்தப்பட்டனர்.
இதன் தொடர்ச்சியாக வரும் 29ம் (புதன்கிழமை) தேதி இரண்டாம் கட்ட வாக்குப்பதிவு நடைபெற உள்ளது இதற்கான பிரசாரம் வரும் 27ம் தேதி இன்று மாலை 6 மணியுடன் முடிவடைகிறது. கொல்கத்தா மற்றும் வட 24 பர்கானா உள்ளிட்ட பகுதிகளில் உள்ள 142 தொகுதிகளில் இந்தத் தேர்தல் நடக்க உள்ளது. இதில் 1,200க்கும் மேற்பட்ட வேட்பாளர்கள் போட்டியிட வாய்ப்புள்ளது. மாநிலம் முழுவதும் உள்ள 80,719 வாக்குச் சாவடிகளில், இரண்டாம் கட்டத்திற்காக மட்டும் 40,000 சாவடிகள் தயார் செய்யப்பட்டுள்ளன. இந்த கட்டத்தில் முதல்வர் மம்தா பானர்ஜி மற்றும் பாஜக வின் சுவேந்து அதிகாரி ஆகியோர் பவானிப்பூர் தொகுதியில் நேரடியாக மோதுவதுபெரும் எதிர்பார்ப்பை ஏற்படுத்தியுள்ளது மேலும் திரிணாமுல் காங்கிரஸ் கட்சியின் அபிஷேக் பானர்ஜி, காங்கிரஸ் கட்சியின் அதிர் ரஞ்சன் சவுத்ரி மற்றும் இடதுசாரி முன்னணியின் முகமது சலீம் ஆகியோர் களம் காணும் இடங்களிலும் போட்டி பலமாக உள்ளது. இந்தப் பகுதிகள் மிகவும் பதற்றமானவை என்பதால் 2,000 முதல் 2,200 கம்பெனி ஒன்றியப் படையினர் பாதுகாப்பு பணியில் ஈடுபடுத்தப்பட உள்ளனர்.
வெளிநபர்கள் ஊடுருவுவதைத் தடுக்கவங்கதேசம் மற்றும் அண்டை மாநில எல்லைகள் மூடப்பட்டுள்ளன. பிரதமர் மோடி உள்துறை அமைச்சர் அமித்ஷா, காங்கிரஸ் தலைவர் கார்கே, ராகுல்காந்தி போன்றதலைவர்கள் இறுதிகட்ட பிரசாரத்தில் இறங்கியுள்ளனர் வரும் மே 4ம் (திங்கட் கிழமை) தேதி தமிழ்நாடு. மேற்குவங்கம், அசாம், புதுச்சேரி, கேரளா ஆகிய மாநிலங்களில் நடந்த தேர்தலின் வாக்குகள் எண்ணப்பட்டு முடிவுகள் அறிவிக்கப்பட உள்ளன.