புதுடெல்லி, ஏப்.28–

மகாத்மா காந்தி தேசிய ஊரக வேலை உறுதி சட்­டத்தை (எம்­என்­ஆர்­இ­ஜிஏ) சீர்­கு­லைத்த பிறகு ஒன்­றிய அர­சால் கொண்­டு­வ­ரப்­பட்ட விபி- ஜி ராம் ஜி (விக்­சித் பாரத்-­உத்­த­ர­வா­தம் மற்­றும் ஆஜீ­விகா இயக்­கம் (கிரா­மின்)) திட்­டம் இன்­னும் செயல்படுத்­தப்­ப­டா­த­தால், வேலை­வாய்ப்பு உறுதித்­திட்ட தொழி­லா­ளர்­கள் ஒரு மாத­மாக வேலை இழந்­துள்­ள­னர்.

இத்­திட்­டம் குறித்து மாநில அர­சுக்கோ அல்­லது உள்­ளாட்சி அமைப்­பு­ க­ளுக்கோ எந்த அதி­கா­ரப்­பூர்வ தக­வ­லும் கிடைக்­க­ வில்லை. அதற்­கான நடை­மு­றை­கள் குறித்­தும் தெளிவு இல்லை. ஒன்­றிய அர­சின் உத்­த­ரவு கிடைத்தாலும், அதை நடை­மு­றைப்­ப­டுத்த குறைந்­த­பட்­சம் 6 மாதங்­க­ளா­வது ஆகும். புதிய திட்­டம் அம­லுக்கு வரும் வரை, வேலை­வாய்ப்பு உத்­த­ர­வா­தத் திட்­டத்தை முன்­னெ­டுத்­துச் செல்ல ஒன்­றிய அரசு முயற்­சிக்­க­வில்லை. 2026–-27 நிதி­யாண்­டிற்­கான வேலை­வாய்ப்பு உத்­த­ர­வா­தத் திட்­டத்­தின் செயல் திட்­டம் மற்­றும் தொழி­லா­ளர் பட்­ஜெட்­டிற்கு ஒன்­றிய அரசு இன்­னும் ஒப்­பு­தல் அளிக்­க­வில்லை.

2024 ஏப்­ர­லில் 2,81,614 வேலை நாட்­களையும், 2025 ஏப்­ர­லில் 5,78,705 வேலை நாட்­களையும் வழங்­கு­மாறு கேரள அரசு சார்­பில் கேட்­டுக் கொள்­ளப்­பட்­டது. உள்­ளாட்சி அமைப்புகளால் இதைச் செய்ய முடிந்­துள்­ளது. இருப்பினும், இந்த ஆண்டு ஏப்­ரல் 23 வரை 83,916 வேலை நாட்­கள் மட்­டுமே வழங்­கப்­பட்­டுள்­ளன. இது கடந்த ஆண்டு அனு­ம­திக்­கப்­பட்ட வேலை­யின் தொடர்ச்­சி­யா­கும்.

விபி-ஜி ராம் ஜி திட்­டம், வேலை­வாய்ப்பு உத்­த­ர­வா­தத் திட்­டத்­தின் உண்­மை­யான உள்­ள­டக்­கத்­தைச் சிதைப்­ப­தாக ஏற்­க­னவே குற்­றம் சாட்­டப்­பட்­டது. இத்­திட்­டத்­தின் செலவில் 60 சத­வி­கி­தத்தை ஒன்­றிய அர­சும், 40 சதவிகி­தத்தை மாநில அர­சும் ஏற்­கும். இத­னால், மாநில அர­சுக்கு ஆண்­டுக்கு ரூ.1,600 கோடி இழப்பு ஏற்­ப­டும். முன்பு, இந்த விகி­தம் 90:10 ஆக இருந்­த மகாத்மா காந்தி வேலை உறுதி திட்­டம் சீர்­கு­லைப்பு விபி-ஜி ராம் ஜி திட்­ட­மும் சீர்­கு­லைக்­கப்­ பட்­டுள்­ளது.