வாஷிங்டன், ஏப். 28 -–
எச்-1பி விசா வழங்கு வதை 3 ஆண்டுகளுக்கு நிறுத்திவைக்க வகை செய்யும் மசோதாவை அமெரிக்க அதிபர் டிரம்ப் அரசு நாடாளு மன்றத்தில் தாக்கல்செய்துள்ளது. இதனால் இந்தியர்கள்அதிர்ச்சி அடைந்துள்ளனர்.
இந்தியர்களுக்கு
வரப்பிரசாதம்
அமெரிக்க நிறுவனங் களில் உயர்தகுதி கொண்ட வெளி நாட்டினரை பணியமர்த்துவதற்காக அந்த நாடு எச்-1பி எனப்படும் சிறப்பு விசா வழங்குகிறது.
3 ஆண்டுகளுக்கு செல்லு படியாகும் இந்த விசாவை மேலும் 3 ஆண்டுகளுக்கு நீட் டிக்கவும் முடியும்.
இந்த விசா மூலம் இந்தியா, சீனா உள்ளிட்ட வெளிநாட்டினர் அமெரிக்காவில் பணி வாய்ப்பு பெற்று வருகின்றனர். அதுவும் இந்தியர்களுக்கு இந்த விசா, ஒரு வரப்பிரசாத மாக அமைந்திருந்தது.
ஏனெனில் ஆண்டுதோறும் அமெரிக்கா வழங்கும் எச்-1பி விசாக்களில் 70 சதவீதத்துக்குமேல் இந்தியர்களே பதவி பெற்று வருகின்றனர்.இதில் பெரும் பாலும் ஐ.டி. போன்ற தொழில்நுட்பத்துறையில் சிறந்து விளங்கும் இந்தியர்கள் பயன்பெறுகின்றனர்.
அமெரிக்காவின் தற்போதைய அதிபர் டிரம்ப் கடந்த ஆண்டு ஜனவரியில் 2-வது முறையாக பதவியேற்கும் வரை இந்த விசா வினியோகம் சுமுகமாக இருந்தது.
ஆனால் அவர் பதவியேற்றது முதலே அமெரிக்காவில் குடியேறிய வெளிநாட்டினர் மீது கடுமை யான கோபத்தை வெளிப்படுத்தி வருகிறார்.
அத்துடன் அவர்களுக்கு எதிராக பல்வேறு நடவடிக் கைகளையும் எடுத்து வருகி றார். முதலில் சட்ட விரோத குடியேறிகளை நாடு கடத்தி னார்.
அதன் தொடர்ச்சியாக எச்-1பி விசா வினி யோகத்துக் கும் கடந்த ஆண்டு இறுதியில் கடுமையான கட்டுப்பாடுகளை விதித்தார். குறிப்பாக இந்த விசாவுக்கு 1 லட்சம் அமெரிக்க டாலர் (சுமார் ரூ.90 லட்சம்) வரை கட்டணம் விதித்து அதிரடி காட்டினார்.
இந்தியர்கள் அதிர்ச்சி!
வெளிநாட்டினரை பணிய மர்த்தும் நிறு வனங்கள் இந்த கட்டணத்தை செலுத்த வேண்டும் என அறிவித்தார். வெளிநாட்டினரை தவிர்த்து விட்டு அமெரிக்கர்களை மட் டுமே பணியமர்த்துவதற்காக இந்த நடவடிக்கை எடுக்கப் பட்டதாக அமெரிக்கா அறிவித்தது.
வெளிநாட்டினர் பணிபுரியும் நிறுவனங்க ளைப்பொறுத்து ரூ.1.75 லட்சம் வரை நிர்ணயிக்கப் பட்டு இருந்தஎச்-1பி விசா கட்டணம், பல மடங்கு உயர்த்தப்பட்டது இந்தியர்களுக்கு பேரிடியாக அமைந்தது.
குறிப்பாக, அமெரிக்காவில் பணி வாய்ப்பு பெற்று வாழ் வாதாரத்தை பெருக்கும் இளம் தொழில்நுட்ப வல்லு னர்களின் கனவுக்கு பெரும் பின்னடைவாக அமைந்தது.
அமெரிக்க நாடாளுமன்றத்தில்
மசோதா தாக்கல்!
பின்னர் இந்த அறிவிப்பில்சில தளர்வுகள் வழங்கப்பட்டன. அதாவது டாக்டர்கள் மற்றும் ஏற்கனவே எச்-1பி விசா வைத்திருப்போருக்கு விலக்கு என சில சலுகைகள் அளித்தாலும் பெரிய அளவில் மாற்றங்களை ஏற்படுத்த வில்லை.
தற்போது இந்த சிக்கலை மேலும் அதிகரிக்கும் வகை யில் அமெரிக்க நாடாளுமன் றத்தில் மசோதா ஒன்று தாக் கல் செய்யப்பட்டு உள்ளது.
அதாவது எச்-1பி விசா தடை வழங்குவதை 3 ஆண்டுக ளுக்கு நிறுத்தி வைக்க வகை செய்யும் மசோதா ஒன்றை ஆளும் குடியரசுக்கட்சி எம். பி.க்கள் சிலர் தாக்கல் செய் துள்ளனர்.
‘எச்-1பிவிசாமுறைகேட்டை முடிவுக்குக் கொண்டுவரும் சட்டம், 2026’ எனப்படும் இந்த மசோதாவை அரிசோ னாவைசேர்ந்த எம்.பி.யெலி கிரேன் தாக்கல் செய்தார். இதை மேலும் 7 எம்.பி.க்கள் முன்மொழிந்துள்ள னர்.
எச்-1பி விசா திட்டத்தில் பல்வேறு சீர்திருத்தங்களை செய்யவும்இந்த மசோதாவில் பரிந்துரைக்கப்பட்டு இருக் கிறது.
அதன்படி ஆண்டுதோறும் வழங்கப்படும் எச்-1பி விசாக்களின் எண்ணிக்கையை 65 ஆயிரத்தில் இருந்து 25 ஆயிர மாக குறைக்க வேண்டும். குறைந்தபட்ச ஆண்டு சம்ப ளம் 2 லட்சம் டாலர் (சுமார் ரூ.1.88 கோடி) நிர்ணயிக்க வேண்டும், விசா பெறுபவர்கள் தங்கள் குடும்பத்தினரை அமெரிக்கா அழைத்து வரக் கூடாது உள்ளிட்ட சீர்திருத்தங்களை செய்ய கூறப்பட்டு இருந்தது.
மேலும் இந்த விசா வழங் குவதில்லாட்டரி முறைக்குப் பதிலாக சம்பள அடிப்படை யில் தேர்வு செய்தல், குறிப் பிட்டபணிக்கு தகுதிவாய்ந்த அமெரிக்க பணியாளரை கண்டுபிடிக்க முடிய வில்லை என்றும், பணிநீக்கம் எதுவும் நடைபெறவில்லை என்றும் சம்பந்தப்பட்ட நிறுவனம் சான்ற ளித்தல் கட்டாயம். எச்-பி விசா பணியாளர்களுக்கு பல பணிகளை வழங் குவதை தடுத்தல், ஆட்தேர்வு நடவடிக்கையில் 3-ம் நபர் நிறுவனங்கள் பங்கேற்பதை தடுத்தல் உள்ளிட்ட திருத்தங்களை செய்யவும் மசோதா வழி செய்கிறது.
மசோதா தாக்கல் செய்த யெலி கிரேன் எம்.பி. கூறுகை யில், ‘அமெரிக்க அரசு கடின மாக உழைக்கும் குடிமக்களுக் காகப் பணியாற்ற வேண் டுமே தவிர, மாபெரும் பெரு நிறுவனங்களின் லாப வரம் புகளுக்காக அல்ல. அமெரிக்க மக்கள்தகுதிபெற்ற வேலை களில் இருந்து அவர்களை வெளியேற்றுவதைத் தடுப்பது நமது கடமையாகும்’ என தெரிவித்தார்.
இந்த மசோதா, அமெரிக் கர்களின் வேலைக்கான வாய்ப்புகளை அதிகரிப்ப தோடு, விசா செயல்முறை யில் உள்ள நெறிமுறைகளை வலுப்படுத்தி, அமெரிக்கர்களின் வாழ்வாதாரங்களுக்கு முன்னுரிமை அளிக்கும் என்றும் அவர் கூறினார்.