திருவாரூர்,ஏப்-28.
நடைபெற்று முடிந்தி ருக்கும் 2026-சட்டமன்ற பொது தேர்தலில், கழக பொற்கால ஆட்சியின் மீதும், திராவிட நாயகர் தமிழ்நாடு முதல்வர் மீதும் கிஞ்சிற்றும் குறைக்கான முடியாத எதிரணியினர் சமூக வலைதளங்கள் வழியாக பரப்பிய அவதூறு செய்திகளையும் , தனிமனித தாக்குதல்களையும், மண்ணின் மைந்தர் முத்தமிழ் அறிஞர் கலைஞர் அவர்களைத்தந்த திருவாரூர் மாவட்டத்தில் , கழக தலைவர் தளபதி மு.க. ஸ்டாலின் அவர்களின் வழியில் மாவட்ட செயலாளர் பூண்டி. கே. கலைவானன் அவர்களின் ஆலோசனைகளின்படி கண்ணியத் தோடு எதிர்கொண்ட கழகத்தினர் சமூக ஆர்வலர்களின் பாராட்டை பெற்றுள்ளனர்.
திருவாரூர் மாவட்டத்தில் உள்ள நான்கு சட்டமன்ற தொகுதிகளிலும் மதச்சார்பற்ற முற்போக்கு கூட்டணியில் திருவாரூரில் மாவட்ட செயலாளர் பூண்டி. கே. கலைவாணன் அவர்களும், மன்னார்குடியில் டி.ஆர்.பி.ராஜா அவர்களும் ,நன்னிலத்தில் எஸ்.டி.பி.ஐ. கட்சியின் முகமது முபாராக் அவர்களும் , திருத்துறைப்பூண்டியில் சி.பி.ஐ. கட்சியின் க.மாரிமுத்து அவர்களும் வெற்றி வேட்பாளராக போட்டியிட்டனர்.
கடந்த ஐந்தாண்டுகளில் எதிரணியில் இருப்பவர்கள் மட்டுமல்லாமல், இந்தியா துணைப் பெருங்கண்டமே பாராட்டும் வகையில் அனைத்து தரப்பினருமே பாராட்டும் வகையில் பொற்கால ஆட்சியில், குறைசொல்லவே வழி இல்லாத நிலையில், எதிரணியில் உள்ள சமூக ஊடக செயல்பாட்டாளர்கள் மதச்சார்பற்ற முற்போக்கு கூட்டணி வேட்பாளர்களின் மீது தனிமனித தாக்குதல்களை பொய்யாக பரப்பினார். இதனை எதிர்கொண்ட தி.மு.க. உள்ளிட்ட மதச்சார்பற்ற முற்போக்கு கூட்டணியின் சமூக ஊடக செயல்பாட்டாளர்கள் மாவட்ட செயலாளர் பூண்டி.கே.கலைவாணன் அவர்களின் தெளிவான ஆலோசனைகளின்படி, எதிர்தரப்பின் தரமற்ற விமர்சனங்களுக்கு செவிமடுக்காமல், அவர்களைப்போல் பொது தளத்தில் முகம் சுழிக்கும் பதிவுகளை தராமல் கழக அரசின் சாதனைகளை சொல்லி பதிலளித்தனர்.
கழக தலைவர் திராவிட நாயகர் தளபதி மு.க. ஸ்டாலின் அவர்கள் தன்மீது வரும் விமர்சனங்களை புறந்தள்ளி, கண்ணியமான முறையில் செய்திட்ட தேர்தல் பிரச்சார பரப்புரைகளைப்போல திருவாரூர் மாவட்டம் “இன்னா செய்தாரை ஒருத்தல் அவர் நாண நன்னயம் செய்துவிடல்” என்கிற குறளின்படி கண்ணியமான முறையில் பரப்புரைகளை மேற்கொண்டது சமூக ஆர்வலர்களின் பாராட்டை பெற்றுள்ளது.