உடுமலை, ஏப். 28 –-
நதிக்கரை நாகரிகங்களே மனித குலத்தின் தொட்டில்கள் என்பதற் குச் சான்றாக, மேற்குத் தொடர்ச்சி மலை அடிவாரத்தில் மற்றுமொரு வரலாற்றுத்தடம் கண்டறியப்பட் டுள்ளது.
பொள்ளாச்சி தாலூகா சேத்துமடை பகுதியில் கண்டெடுக்கப்பட்டுள்ள பிரம்மாண்ட முதுமக்கள்தாழிகள், இப்பகுதியின் பல்லாயிரம் ஆண்டு காலத் தொன்மையை உலகுக்கு உரக்கச் சொல்லியுள்ளன.
சேர மன்னர்கள் ஆட்சி செய்த மைக்கான வரலாற்றுச் சான்றுகள் ‘பதிற்றுப்பத்து’ பாடல்களில் விர விக்கிடக்கின்றன.
சங்க இலக்கியத்தில் நன்னன் ஆண்ட பகுதியாகக் கருதப்படும் ஆனைமலைப்பிரதேசம், இன்றும் பல வரலாற்று ரகசியங்களைத் தன்னுள் புதைத்து வைத்துள்ளது.
குறிப்பாக, ஆழியாற்றுடன் கலக்கும் அன்னப் பாறை ஆற்றின் கரையோரங்களில் கற்திட்டைகளும், பெருங்கற்காலச்சின்னங்களும் சிதறிக்கிடக் கின்றன.
இந்நிலையில், சேத்துமடை கிராமத்தைச் சேர்ந்த அந்தோணி என்பவரது தோட்டத்தில், ஐந்துக் கும் மேற்பட்ட ஈமத்தாழி சின்னங்கள் கண்டறியப்பட்டுள்ளன.
இதில் ஒரு தாழி சுமார் ஐந்து அடி உயரமும், நான்கு அடி விட்டமும் கொண்டு வியக்கத்தக்க அளவில் அமைந்துள்ளது. இதன் கழுத்துப் பகுதி சுமார் 3 இன்ச் தடிமனுடன், நுணுக்கமான கைவேலைப்பாடுகளுடன் காணப்படுகின்றது.