#Title

திருவண்ணாமலை மாவட்ட இலக்கிய அணித் தலைவர் – மூத்த முன்னோடி கீழ்பெண்ணாத்தூர் க.பன்னீர்செல்வம் மறைவு! பேரவை துணைத் தலைவர் கு.பிச்சாண்டி – கழக முன்னணியினர் அஞ்சலி!

திருவண்ணாமலை, ஏப். 28 –

திருவண்ணாமலைமாவட்டம் கீழ்ப்பெண்ணாத்தூரைச் சேர்ந்த மூத்த கழகத் தோழர் க.பன்னீர் செல்வம் (வயது 62 ) அவர்கள் நேற்று முன்தினம் (26-.04.-2026) இரவு பத்தரை மணி அளவில் இயற்கை எய்தினார் என்பதை அறிவிக்க வருந்துகிறோம்.

அவருக்கு கண்ணகி என்ற மனைவியும், தமிழ் காவியா என்கிற மகளும் உள்ளனர்.

அவரது உடலுக்கு சட்ட பேரவைத் துணைத் தலை வர் கு.பிச்சாண்டி, மு.க.மு.அறிவுநிதி, தலைமைக் கழகசெய்திதொடர்பாளர்தமிழ்தாசன், செஞ்சி சட்ட மன்ற உறுப்பினர் மஸ்தான், செங்கம் சட்டமன்ற உறுப்பினர்மு.பெ.கிரி, கலசபாக்கம் சட்டமன்ற உறுப்பினர் பெ.சு.தி.சரவணன், செஞ்சிவிஜயகுமார்,மேல்மலையனூர் நெடுஞ் செழியன், துரிஞ்சா புரம் அண்ணாமலை, கீழ் பெண்ணாத்தூர் ஆரஞ்சி ஆறுமுகம், இராஜேந்திரன், கழக நிர்வாகிகள்,பொது மக்கள் என பலர் அஞ்சலி செலுத்தினர். அவரது உடல் நேற்று (27.04.2026) மாலை 4.00 மணியளவில் நல்ல டக்கம் செய்யப்பட்டது.

அவர் மாணவரணி, இளைஞர் அணி, ஒன்றியக் கழகத் துணைச் செயலாளர், பேரூர் மன்றத் துணைத் தலைவர் என பல்வேறு பொறுப்பில் இருந்தும்; தற்போது மாவட்டக் கழக இலக்கிய அணித் தலைவராகவும் இருந்தும் செயல்பட்டு வந்தவர்.

ஒரு வாரம் உடல் நலம் குன்றியிருந்த அவர்; சென்னை அப்போலோ மருத்துவமனை மற்றும் வேலூர் நறுவி எனும் தனியார் மருத்துவமனையில் சிகிச்சைக்காகச் சேர்க்கப்பட்ட நிலையில் நேற்று முன்தினம்இரவு இயற்கை எய்தினார்.

1980களில் சென்னை மாநிலக் கல்லூரியில் படித்துக் கொண்டிருக்கும் போதேஅவர் கழகம் அறிவித்த பல்வேறு போராட்டக் களத்தில் கலந்து கொண்டு சிறைக்கு சென்றவர். அவருடைய தந்தையார் கண்ணன் அவர்கள் பேரறிஞர் அண்ணா, முத்தமிழறிஞர் கலைஞர் ஆகியோர் காலத்தில் வட்டாரச் செயலாளர், கீழ்ப்பெண்ணாத்தூர் ஒன்றியக் கழகச் செயலாளர், சுமார் 20 ஆண்டுகளுக்கு மேல் பேரூர்க் கழகச் செயலாளராக இருந்து பணியாற்றியவர். இவரின் தம்பி “அன்பு” என்பவர் தற்போது கீழ்ப்பெண்ணாத்தூர் பேரூர்க் கழகச் செயலாளராக இருந்து பணியாற்றி வருகிறார்.

மறைந்த பன்னீர்செல்வம் சுயமரியாதை வாழ்க்கையைத் தேர்ந்தெடுத்துக் கொண்டவர் . இவர் ஆதிதிராவிடக் குடும்பப் பெண்ணைத் திருமணம் செய்து, ஒரு மகள் பெற்று வாழ்ந்து கொண்டிருந்தவர். தற்போது அவருடைய மகள் முதுநிலை மருத்துவராக மூன்றாம் ஆண்டு வேலூர் அரசு மருத்துவக் கல்லூரியில் படித்துக் கொண்டிருக்கிறார் . அவருடைய துணைவியார் கண்ணகி என்பவர் தமிழ்நாடு அரசு வேளாண் துறையில் உதவி இயக்குனராகப் பணிபுரிந்து வருகிறார். பன்னீர்செல்வம் கழகத் தலைவருக்கு நன்கு அறிமுகமானவர்.