சென்னை, ஏப். 28–
வெப்ப அலை காரணமாக மக்களுக்கு நீர்ச்சத்து இழப்பு ஏற்படுவதை தடுக்க தமிழ்நாட்டில் உள்ள அனைத்து அரசு மருத்துவமனைகள், அரசு ஆரம்ப சுகாதார நிலையங்களில் ஓ.ஆர்.எஸ்.கரைசல் வழங்க தமிழ்நாடு பொது சுகாதாரத் துறை உத்தரவிட்டுள்ளது.
தமிழ்நாடு பொது சுகாதாரத்துறை வெளியிட்டுள்ள உத்தரவில், அனைத்து அரசு மருத்துவமனைகள் மற்றும் அரசு ஆரம்ப சுகாதார நிலையங்களிலும் போதிய ஓஆர்எஸ் கரைச்சல் இருப்பில் வைக்குமாறு தெரிவித்துள்ளது. பொதுமக்கள் அரசு மருத்துவ மனைகள் மற்றும் அரச ஆரம்ப சுகாதார நிலையங்களில் ஓஆர்எஸ் கரைசலை இலவசமாக வாங்கிக் கொள்ளலாம் என்றும், விவசாய கூலி தொழிலாளர்கள், கட்டுமான தொழிலாளர்கள், சாலையோர வியாபாரிக ளுக்கு ஓ.ஆர்.எஸ் கரைசல் வழங்கவும் உத்தரவிடப்பட்டுள்ளது. மேலும் தமிழ்நாட்டில் உள்ள அனைத்து அரசு பொது மருத்துவமனைகள், மாவட்ட மருத்துவமனைகள், மருத்துவக் கல்லூரிகள் உள்ளிட்ட இடங்களில் Heat Stroke என்ற சிறப்பு
வார்டு அமைக்கவும், இதனால் ஏற்படும் உயிரிழப்புகளை தடுக்க மாவட்ட சுகாதாரத் துறை அலுவலர்கள் அனைத்து முன்னெச் சரிக்கை நடவடிக்கைகளை மேற்கொள்ள வேண்டும் என்றும் பொது சுகாதாரத் துறை உத்தரவிட்டுள்ளது.