சென்னை, ஏப்.28 –

தமிழ்­நாடு விவ­சா­யி­கள் –தொழி­லா­ளர்­ கட்சி தலைவர் பொன் குமார் விடுத்துள்ள அறிக்கை வருமாறு:–

பாது­காப்­பில்­லாத பணி­யின் கார­ண­மாக உலக அள­வில் ஆண்­டு­தோ­றும் இலட்­சக்­க­ணக்­கா­னத் தொழி­லா­ ளர்­கள் விபத்­தின் கார­ண­மாக தங்­க­ளு­டைய இன்­னு­யிரை இழக்­கின்­ற­னர். கை, கால், கண்­களை இழந்து ஊன­மா­கின்­ற­னர்.

இந்த நிலையை மாற்­று­வ­தற்கு பணி­யி­டப் பாது­காப்பு என்­பது மிக மிக முக்­கி­ய­மான ஒன்­றா­கும். தொழி­லா­ளர்­க­ளுக்கு பணி­யிட பாது­காப்பை உறுதிசெய்ய வேண்­டி­யது ஒவ்­வொருவரின் கடமை என ILO வலி­யு­றுத்­து­கி­றது.

இப்­படி பாது­காப்­பற்ற பணி­யின் கார­ண­மாக பாதிக்­கப்­பட்­டத் தொழி­லா­ளர்­களை நினைவு கூர்ந்து, எதிர்­கா­லத்­தில் இந்த நிலையை தவிர்த்து, பாது­காப்­பா­னப் பணியை உறுதி செய்­வ­தற்­காக ஐக்­கிய நாடு­கள் மன்­றம் ஏப்­ரல் 28ஆம் தேதி உல­கத் தொழி­லா­ளர்­கள் நினைவு நாளாக அறி­வித்­துள்­ளது.

அந்த நாளை உல­கம்முழு­வ­தும் பேரணி, பொதுக்­கூட்­டம், கருத்­த­ரங்கு போன்ற பல்­வேறு நிகழ்ச்­சி­கள் மூலம் கொண்­டாடி வரு­கின்­றன. அன்­றைக்கு தொழி­லா­ளர்­கள் பாது­காப்­பான பணிக்­கான உறு­தியை ஏற்­பார்­கள்.

அந்த அடிப்­ப­டை­யில் இன்று (ஏப்­ரல் 28) தொழி­லா­ளர் நினைவு நாளை தமிழ்­நாடு விவ­சா­யி­கள் – தொழி­லா­ளர்­கள் கட்சி மற்­றும் தமி­ழ­கக் கட்­ட­டத் தொழி­லா­ளர்­கள் மத்­திய சங்­கத்­தின் சார்­பில் கருத்­த­ரங்கு நிகழ்ச்சி ஏற்­பாடு செய்­யப்­பட்­டுள்­ளது.

இந்த நிகழ்ச்­சி­யில் தலை­வர் பொன் கு­மார் உட்­பட முக்­கிய பிர­மு­கர்­கள் கலந்து கொண்டு பணி­யி­டப் பாது­காப்பு குறித்து பேச உள்­ள­னர்.

இவ்வாறு அவர் தெரி வித்துள்ளார்.

புது­டெல்லி, ஏப். 28 –

தலை­ந­கர் டெல்­லி­யில் 42.8 டிகிரி செல்­சி­யஸ் வெப்­பம் பதி­வா­கி­யுள்ள நிலை­யில், முன்­னெச்­ச­ரிக்கை நட­வ­டிக்­கை­களை அரசு தீவி­ரப்­ப­டுத்­தி ­யுள்­ளது. தலை­ந­கர் டெல்­லி­யில் இந்த ஆண்­டின் அதி­க­பட்ச வெப்­ப­நி­லை­யாக நேற்று முன்தினம் 42.8 டிகிரி செல்­சி­யஸ் (109.04 டிகிரி பாரன்­ஹீட்) பதி­வா­கி­யுள்­ளது. இந்­திய வானிலை ஆய்வு மையம் வெளி­யிட்­டுள்ள தக­வ­லின்­படி, நக­ரின் பல பகு­தி­க­ளில் 42 முதல் 44 டிகிரி செல்­சி­யஸ் வரை வெப்­பம் நில­வு­வ­தால் மஞ்­சள் எச்­ச­ரிக்கை விடுக்­கப்­பட்­டுள்­ளது. இந்த வெயில் தாக்­கம் வரும் நாட்­க­ளில் மேலும் அதி­க­ரிக்­கக்­கூ­டும் என்­ப­தால், முதல்­வர் ரேகா குப்தா தலை­மை­யி­லான அரசு ‘வெப்ப அலை நீண்­ட­கால திட்­டம் 2026’-ஐ ஆய்வு செய்­துள்­ளது.

இதன் ஒரு பகு­தி­யாக, மருத்­து­வ­ம­னை­க­ளில் குளிர்ச்­சி­யான அறை­கள் மற்­றும் கூடு­தல் படுக்கை வச­தி­கள் தயார் செய்­யப்­பட்­டுள்­ளன. மேலும், பொது­மக்­க­ளின் தாகத்­தைத் தீர்க்க தானி­யங்கி குடி­நீர் இயந்­தி­ரங்­கள் மற்­றும் தண்­ணீர் லாரி­கள் ஈடு­ப­டுத்­தப்­பட உள்­ளன. பள்­ளி­க­ளில் மாண­வர்­க­ளுக்கு முறை­யான இடை­வெ­ளி­யில் தண்­ணீர் குடிப்­பதை நினை­வூட்­டும் ‘வாட்­டர் பெல்’ முறை அமல்­ப­டுத்­தப்­பட உள்­ளது. வெயி­லின் தாக்­கம் அதி­கம் உள்ள மதிய நேரங்­க­ளில் வெளிப்­புற வேலை­க­ளைத் தவிர்க்­க­வும், தொழி­லா­ளர்­க­ளுக்கு முறை­யான நிழற்­குடை வச­தி­கள் மற்­றும் உப்பு சர்க்­கரை கரை­சல் வழங்­க­வும் அறி­வு­றுத்­தப்­பட்­டுள்­ளது. கடந்த ஆண்டு ஏற்­பட்ட குள­று­ப­டி­கள் மீண்­டும் நடக்­கா­மல் இருக்க, பேரி­டர் மேலாண்மை ஆணை­யம் வானிலை மையத்­து­டன் இணைந்து உட­னுக்­கு­டன் தக­வல்­க­ளைப் பகி­ரத் திட்­ட­மிட்­டுள்­ளது.