#Title

கொடைக்கானல், ஏப்.29 –

கொடைக்கானலில் நடைபயிற்சி மற்றும்சைக்கிளில் பயணித்து பொதுமக்களுடன் கலந்துரையாடிய முதல்வர் மு.க.ஸ்டாலின் அவர்களுடன் பொதுமக்கள் செல்ஃபி எடுத்து மகிழ்ந்தனர். மேலும் முதலமைச்சர் மு.க.ஸ்டாலின் அவர்கள் அருங்காட்சியகத்தையும் நேற்று பார்வையிட்டார்.

சட்டப்பேரவைத் தேர்தல் கடந்த 23-ம் தேதி முடிவடைந்தது. வாக்கு எண்ணிக்கை மே 4-ம் தேதி நடைபெற உள்ளது. தேர்தலையொட்டி, முதலமைச்சரும் தி.மு.க. தலைவருமான மு.க.ஸ்டாலின் அவர்கள் கடந்த ஒரு மாதத்துக்கும் மேலாக பல்வேறு மாவட்டங்களுக்கும் தொடர்ச்சியாக சுற்றுப்பயணம்மேற்கொண்டு, தீவிர பிரச்சாரம் மேற்கொண்டார்.

தற்போது வாக்குப்பதிவு முடிவடைந்த நிலையில், குடும்பத்தினருடன் கொடைக்கானல் சென்று உள்ளார். அங்கு நடை பயிற்சி மேற்கொள்வதையும், பொது மக்களை சந்திப்பதையும் வழக்கமாகக் கொண்டுள்ளார்.

இந்நிலையில், கொடைக்கானல் ஏரி சாலையில் நேற்று காலை நடைபயிற்சி மேற்கொண்ட முதல்வர் மு.க.ஸ்டாலின் அவர்கள், சிறிது நேரம் சைக்கிளில் பயணித்து பொதுமக்களுடன் கலந்துரையாடினார். அப்போது, முதலமைச்சருடன் பொதுமக்கள் செல்ஃபி எடுத்து மகிழ்ந்தனர்.

------------ அருங்காட்சியகத்தை

பார்வையிட்ட முதலமைச்சர்!

இதனைத் தொடர்ந்து கொடைக்கானலில் உள்ள அருங்காட்சியகத்தை முதலமைச்சர் மு.க.ஸ்டாலின் அவர்கள் பார்வையிட்டார். அங்கு காட்சிப்படுத்தப்பட்டுள்ள பழமையான மற்றும் அரிதான கார்கள் மற்றும் இருசக்கர வாகனங்கள் குறித்த விவரங்களையும் கேட்டறிந்தார். அவற்றை புகைப்படங்கள் எடுத்தும் தனது மகிழ்ச்சியை வெளிப்படுத்தினார்.