தேனி, ஏப்.29–
தேனி மாவட்ட ஆட்சியரகக்கூட்டரங்கில், தமிழ்நாடு – கேரள எல்லையில் அமைந்துள்ள மங்கலதேவி கண்ணகி கோயில் சித்திரை முழு நிலவு விழா மற்றும் வீரபாண்டி கௌமாரியம்மன் திருக்கோ யில் சித்திரை பெருந்திருவிழா முன்னேற் பாடு பணிகள் குறித்த ஆலோசனைக் கூட்டம் மாவட்ட ஆட்சித் தலைவர் ரஞ்ஜீத் சிங், தலைமையில்27.4.2026 அன்று நடைபெற்றது.
தமிழ்நாடு–கேரள எல்லையில் அமைந்துள்ள மங்கலதேவி கண்ணகி கோயில் சித்திரை முழு நிலவு விழா ஆண்டுதோறும் சித்ரா பௌர்ணமி தினத்தன்று தமிழக–கேரள மக்களால் சிறப்பாக கொண்டாடப்பட்டு வருகிறது, இவ்வாண்டு 01.05.2026 அன்று திருவிழா நடைபெற உள்ளதையொட்டி, இத்திருவிழாவில் ஆயிரக்கணக்கான பக்தர்கள் கலந்து கொண்டு வழிபாடு செய்ய இருப்பதால் தமிழ்நாடு மற்றும் கேரள பக்தர்கள் குமுளியில் இருந்து கோவிலுக்கு செல்லுவதற்கு ஏதுவாக போக்குவரத்து வசதி, சுகாதாரம், குடிநீர், தற்காலிக பந்தல்கள் மற்றும் கழிப்பிட வசதி, பாதைகள் செப்பனிடுதல் போன்ற பணிகள் மேற்கொள்வது குறித்து ஆலோசனைகள் மேற்கொள்ளப் பட்டது.
அதனைத்தொடர்ந்து, வீரபாண்டியில் அமைந்துள்ள கௌமாரியம்மன் திருக்கோ யில் சித்திரை பெருந்திருவிழா ஆண்டுதோறும் வெகுவிமர்சியாக கொண்டாடப்பட்டு வருகிறது. இந்த ஆண்டு 12.05.2026 முதல் 19.05.2026 வரை 8 நாட்கள் திருவிழா நடைபெற உள்ளது. இத்திருவிழாவில் இலட்சக்கணக்கான பக்தர்கள் கலந்து கொண்டு, தரிசனம் செய்ய உள்ளார்கள். மேலும்தோரோட்ட திருவிழா 15.5.2026அன்று நடைபெற உள்ளது.
இத்திருவிழாவில் பக்தர்கள் எவ்வித சிரமமுமின்றி தரிசனம் செய்திட ஏதுவாக போக்குவரத்து வசதி, சுகாதார வசதி, தற்காலிக பந்தல்கள், தற்காலிக கழிப்பிட வசதி, இரு சக்கர வாகனம் மற்றும் நான்கு சக்கர வாகனங்கள் நிறுத்துமிடம், பக்தர்கள் வசதிக்காக ஆங்காங்கே குடிநீர் தொட்டிகள் அமைத்தல், அனைத்து முக்கிய சந்திப்புகள் மற்றும் பொதுமக்கள் அதிகமாகக் கூடும் இடங்களில் அளவு மின் விளக்குகள் அமைத்தல் உள்ளிட்ட பல்வேறு பணிகள் மேற்கொள்வது தொடர்பாக அனைத்துத்துறை அலுவலர்களுடனான ஆலோச னைக் கூட்டம் நடை பெற்றது.
மேலும், குழந்தைகளு க்கான பொழுது போக்கு அம்சங்களுடன் அமைக்கப்படவுள்ள இராட்டினங்கள் மற்றும் தற்காலிக கடைகள் அனைத்திற்கும் காப்பீடு (insurance) கட்டாயம் வேண்டும் என்றும், அரசின் விதிமுறைகளுக்குட்பட்டு இராட்டினங்கள் அமைக்கப்பட்ட பின்னரே அதனை இயக்குவதற்கு அனுமதி வழங்கப்பட வேண்டும் என மாவட்ட ஆட்சித்தலைவர் அவர்கள் அறிவுறுத்தினார்.
மேற்குறிப்பிட்ட திரு விழாக்களில் பக்தர்களுக்கு உரிய பாதுகாப்பு வழங்குவது, தேவையான அடிப்படை வசதிகளை ஏற்படுத்துவது, சுகாதாரத்துறை மற்றும் தீயணைப்புத் துறை, வனத்துறை உள்ளிட்ட பல்வேறு துறைகளின் அலுவலர்களுடன் மேற்கொள்ள வேண்டிய பணிகள் குறித்து ஆலோசனை மேற்கொள்ளப்பட்டது. இத்திருவிழாக்களை சிறப்பாக கொண்டாட ஏதுவாக கூடுதல் முன்னேற்பாடு பணிகளை ஒருங்கிணைந்து மேற்கொள்ள மேற்கொள்ள வேண்டும் என மாவட்ட ஆட்சித்தலைவர் அவர்கள் சம்பந்தப்பட்ட துறை அலுவலர்களுக்கு அறிவுரை வழங்கினார்.
இக்கூட்டத்தில், மாவட்ட வருவாய் அலுவலர் ப.ராஜகுமார், மாவட்ட காவல் கண்காணிப்பாளர் மரு.சினேஹா ப்ரியா, மாவட்ட வன அலுவலர் கிரண், பெரியகுளம் சார் ஆட்சியர் ரஜத்பீடன் உதவி வனப்பாதுகாவலர் சாய்சரண் ரெட்டி, ஊரக வளர்ச்சி முகமை திட்ட இயக்குநர் திருமதி தமிழரசி, மாவட்ட ஆட்சியரின் நேர்முக உதவியாளர் (பொது) ராமகிருஷ்ணன், மருத்துவம் மற்றும் ஊரகநலப்பணிகள் இணை இயக்குநர் மரு.கலைச்செல்வி, மாவட்ட வழங்கல் அலுவலர்நல்லையா, நியமன அலுவலர் (உணவு பாதுகாப்புத்துறை) திருமதி சசிதீபா உத்தமபாளையம் வருவாய் கோட்டாட்சியர் சையத் முகைதீன் இப்ராஹிம், செய்தி மக்கள் தொடர் அலுவலர் ஏ.எடிசன், வட்டாரப் போக்குவரத்து அலுவலர் மாணிக்கம் மற்றும் வருவாய்த்துறை, வனத்துறை, போக்குவரத்துத் துறை, சுகாதாரத்துறை அலுவலர்கள்உள்ளிட்ட பலர் கலந்து கொண்டனர்.