திருப்பத்தூர்,ஏப். 29–
திருப்பத்தூர் மாவட்டத்தில் ஜோலார்பேட்டை ஒன்றியத்திற்குட்பட்ட ஏலகிரி மலை தமிழகத்தின் சுற்றுலா தலங்களில் ஒன்றாக விளங்கிவருகிறது. இங்குள்ளபுங் கனூர் ஏரி படகு துறை,சிறுவர் பூங்கா, பாம்பு பண்ணை, முயல் பண்ணை, பறவைகள் என பல வகையான பொழுதுபோக்கு கூடங்களை உருவாக்கியதையடுத்து சுற்றுலாப் பயணிகளுக்கு சிறந்த பொழுதுபோக்கும் தலமாக உருவாக்கப்பட்டது.
பின்னர் இயற்கைபூங்கா, மூலிகை பண்ணை, மலர் கண் காட்சி, செயற்கைநீரூற்று, இசை நீரூற்று என உருவாக்கி தமிழக மட்டுமல்லாமல் அண்டை மாநிலமான கர்நாடகம், ஆந்திரம், கேரளம், புதுவை உள்ளிட்ட பல்வேறு பகுதிகளில் இருந்து நாள் தோறும் சுற்றுலா பயணிகளை கவரும் வகையில் ஏலகிரி மலை திகழ்ந்து வருகிறது.
ஏலகிரி மலை நான்கு புறமும் மலைகளால் சூழப்பட்டு குளிர்ச் சியை தருவதால் சுற்றுலாப் பயணிகளை இந்த சீதோசன நிலை கவர்ந்திழுக்க செய்கிறது.
இதனால் பல்வேறு பகுதிகளில் இருந்து சுற்றுலாப் பயணிகள் கார், பைக், பேருந்து உள்ளிட்ட வாகனங்கள் மூலம் குடும்பத்து டன் வந்து இங்குள்ள அரசு மற்றும் தனியார் பொழுதுபோக்கு கூடங்களை கண்டு ரசித்து செல்கின்றனர்.
மேலும் தற்போதுபள்ளி – கல்லூரிகள் கோடை விடுமுறை என் பதால் தமிழகத்தின் பல்வேறு மாவட்டங்களில் இருந்தும் மற்ற மாநிலங்களில் இருந்தும் சுற்றுலா பயணிகள் நாள்தோறும் கூட்டம் கூட்டமாக குவிந்து வருகின்றனர்.
மேலும் இங்குள்ள படகு குழாமில் குடும்பத்துடன் படகில் சவாரி செய்தும், சிறுவர் பூங்காவில்உள்ள பொழுதுபோக்கு உபகரணங்களில் விளையாடி யும் இயற்கை பூங்கா மற்றும் செயற்கை நீரூற்று போன்ற இடங் களை கண்டு ரசித்தும், இதே போன்று நிலாவூர் அருகே உள்ள தீம் பார்க்கில் ஒரே நுழைவு கட்டணத்தில் நீச்சல் குளம்,ராட்டினம், சாகச பயணம் உள்ளிட்ட 22 வகையான ஆட்டங்களை விளை யாடி, சுற்றுலா பயணிகளுக்கு தேவையான உணவு வகைகளும் ஒரே இடத்தில் கிடைப்பதால் சுற் றுலா பயணிகள் இந்த இடத்தில் குவிந்து வருகின்றனர். அதனைத் தொடர்ந்து பெரு மாள் கோயில், நிலாவூர் கதவநாச்சியம்மன் கோயில், அத்தனாவூர் முருகன் கோயில், சிவன் கோயில் போன்ற இடங்களையும் சுற்றுலாப்பயணிகள் பார்த்து ரசித்து செல்கின்றனர்.