------------கொல்கத்தா, ஏப். 29 –
மேற்குவங்கம் பா.ஜ.க. தலைவர்களின் பிரச்சாரத் துக்கு சி.ஆர்.பி.எஃப். வாகனங்கள் வீடியோ ஆதாரத்துடன் தேர்தல் ஆணையத் தில் திரிணாமுல் காங்கிரஸ் புகார் அளித்துள்ளது.
பா.ஜ.க. தலைவர்கள் பிரச்சாரத்துக்குச் செல்லும் இடங்களில் மத்தியப்படை வாகனங்களை பயன்படுத்துவதாக திரிணாமுல் காங்கிரஸ் குற்றம்சாட்டி உள்ளது. இதற்கான வீடியோ ஆதாரங்களையும் அக்கட்சி வெளியிட்டுள்ளது.
மேற்குவங்க மாநிலத்தில் இன்று ( 29-ம் தேதி) 2-ம் கட்ட வாக்குப் பதிவு நடைபெறுகிறது. இதற்கான பிரச்சாரம் நேற்று மாலை யுடன் ஓய்கிறது.
இந்நிலையில், திரிணமுல்காங்கிரஸ் தேர்தல் ஆணையத்திடம் புகார் மனுஒன்றை அளித்துள்ளது. அதில், பா.ஜ.க. தலைவர்களின் பிரச்சாரத்திற்காக மத்தியப் படை வாகனங்கள் பயன்படுத்தப்படுவதாகவும், மத்தியப் படைகள் நடுநிலையைத் தவறி பா.ஜ.க.வுக்கு ஆதரவாகச் செயல்படுவதாகவும் குற்றம் சாட்டப்பட்டுள்ளது.
பா.ஜ.க.வின் இந்த செயல் ஜனநாயகத்திற்கு எதிரானது என்றும், தேர்தல் ஆணையம் மௌனமாக வேடிக்கை பார்ப்பதாகவும் அந்த மனுவில் குறிப்பிடப் பட்டுள்ளது.
மேலும், பா.ஜ.க. தலைவர் நிதின் நபின் சிஆர்பிஎஃப் வாகனத்தைப் பயன்படுத்தி பிரச்சாரம் செய்ததற்கான வீடியோ ஆதாரத்தையும் திரிணாமுல் காங்கிரஸ் வெளியிட்டுள்ளது.