சிவகங்கை மாவட்டம் சாக்கோட்டை மேற்கு ஒன்றிய தி.மு.க இலக்கிய அணி சார்பில் “ புரட்சிக்கவிஞர் “ பாரதிதாசன் அவர்களின் 136 ஆவது பிறந்த நாளினை முன்னிட்டு, கோட்டையூர் சிறீ ராம் நகர் தி.மு.க. ஒன்றிய அலுவலகத்தில் அலங்கரித்து வைக்கப்பட்டிருந்த புரட்சிக்கவிஞர் பாரதிதாசன். திருவுருவப் படத்திற்கு சாக்கோட்டை மேற்கு ஒன்றிய தி.மு.க செயலாளர் டாக்டர் கே.எஸ்.ஆனந்த் அவர்கள் தலைமை ஏற்று மாலை அணிவித்து மரியாதை செய்தார். கோட்டையூர் பேரூர்க் கழகச் செயலாளர் வி.ஸி.டி. இராசு முன்னிலை வகித்தார். சாக்கோட்டை மேற்கு ஒன்றிய தி.மு.க இலக்கிய அணிச் செயலாளர் கே.வி. இராமகிருட்டினன் வரவேற்புரை ஆற்றினார். நிகழ்வில் ஒன்றிய கழகப் பொருளாளர் மணச்சை சோ. பாண்டியன், கழக மூத்த முன்னோடி எம். சுப்பையா, 8 ஆவது வட்ட தி.மு.க செயலாளர் ஆறுமுகம், மணச்சை கருப்பையா, துரை, அ. பாலு, கோவிந்தராசன், கே. இளங்கோவன், சுப்பு, சோலை மற்றும் கழகத்தினர் பங்கேற்றுப் சிறப்பித்தனர். சாக்கோட்டை மேற்கு ஒன்றிய தி.மு.க இலக்கிய அணி துணை அமைப்பாளர் ஆனந்த் நன்றி கூறினர்.