புது­டெல்லி,ஏப்.30–

தலை­ந­கர் டெல்லி மற்­றும் அதன் சுற்­று­வட்­டார பகு­தி­க­ளில் நேற்று காலை மழை பொழிவு பதி­வா­னது. இதன் மூலம் கடந்த சில நாட்­க­ளாக அங்­குள்ள மக்­களை வாட்டி வந்த கோடை வெப்­பம் சற்று தணிந்­துள்­ளது.

மழை­யு­டன் காற்­றும் மணிக்கு 30 முதல் 40 கிலோ மீட்­டர் வேகத்­தில் வீசி­ய­தால் வெப்­ப­நிலை அங்கு சரிந்­துள்­ளது. நேற்று காலை டெல்­லி­யின் பல்­வேறு பகு­தி­க­ளில் மழைப் பொழிவு லேசா­ன­தாக ஆரம்­ப­மா­னது. அதைத்­தொ­டர்ந்து திடீ­ரென வானிலை நில­வ­ரம் மாறி­யது. வானில் கரு­மே­கங்­கள் சூழ மழை பொழிவு தொடர்ந்­தது.

முன்­ன­தாக, செவ்­வாய்க்­கி­ழமை அன்று 39.2 டிகிரி செல்­சி­யஸ் வெப்­பம் டெல்­லி­யில் பதி­வா­னது. கடந்த திங்­கட்­கி­ழமை அன்று 42.3 டிகிரி செல்­சி­யஸ் வெப்­ப­மும் பதி­வா­னது. டெல்­லி­யில் வெப்ப அலை வீச வாய்ப்­புள்­ள­தாக வானிலை ஆய்வு மையம் மஞ்­சள் அலர்ட் கொடுத்­தி­ருந்­தது. இந்­தச் சூழ­லில் மேற்கு சுழற்­சி­யில் ஏற்­பட்ட மாற்­றம் கார­ண­மாக நேற்று அங்கு மழை பதி­வா­ன­தாக வானிலை ஆய்வு மையம் தெரி­வித்­துள்­ளது.

இந்த மழை கார­ண­மாக டெல்­லி­யில் வெப்­ப­நிலை மாறி­யுள்­ளது. இத­னால் அங்கு இன்று 27 முதல் அதி­க­பட்­சம் 38 டிகிரி செல்­சி­யஸ் வரை வெப்­பம் நில­வும் என தக­வல். மழைப் பொழிவு தொட­ர­வும் வாய்ப்­புள்­ள­தாக தக­வல் கிடைத்­துள்­ளது. மழை கார­ண­மாக டெல்­லி­யில் காற்­றின் தர­மும் சற்று மேம்­பட்­டுள்­ளது.

மத்­திய பாகிஸ்­தான் மற்­றும் ராஜஸ்­தான், பஞ்­சாப், ஹரி­யானா உள்­ளிட்ட வட­மேற்கு பகு­தி­க­ளில் நில­வும் சூறா­வளி சுழற்சி வட­கி­ழக்கு இந்­திய பகு­தியை நோக்கி நகர்ந்து வரு­கி­றது. இத­னால் ஏற்­பட்­டுள்ள வானிலை மாற்­றம் தான் இது என தனி­யார் வானிலை ஆய்­வா­ளர்­கள் தெரி­வித்­துள்­ள­னர்.